ကာတွန်းပုံ

October 17, 2020

တမန်တော်မိုဟာမက် ကာတွန်းပုံကို ပြသခဲ့သူ ပြင်သစ်ကျောင်းဆရာ အသတ်ခံရ

တမန်တော် မိုဟာမက်ကာတွန်းပုံကို ပြသခဲ့တဲ့ ပြင်သစ် ကျောင်းဆရာ တယောက်ဟာ အောက်တိုဘာ ၁၆ ရက်က လည်လှီးသတ်ဖြတ်ခံရပါတယ်။  သူဟာ  အတန်းထဲက ကျောင်းသားတွေကို  မိုဟာမက် ကာတွန်းပုံကို ပြခဲ့ပြီးနောက် ပဲရစ်မြို့ ဆင်ခြေဖုံး လမ်းတခုမှာ အသတ်ခံခဲ့ရတာပါ။  သတ်ဖြတ်ခဲ့သူကိုလည်း ပြင်သစ်ရဲတွေက သေနတ်နဲ့ ပစ်သတ်ခဲ့ပါတယ်။ ဓားနဲ့တိုက်ခိုက်မှုဟာ ပဲရစ်မြို့အနောက်မြောက်ဘက် ကိုဖလော်ဆာတိုနီရင်အရပ်မှာ ဖြစ်ခဲ့ ပြီး တိုက်ခိုက်မှုကို စုံစမ်းနေတယ်လို့  အကြမ်းဖက်တိုက်ဖျက်ရေး အရာရှိက ဆိုပါတယ်။  ဒီတိုက်ခိုက်မှုကို အစ္စလာမ်မစ်အကြမ်းဖက်တိုက်ခိုက်မှုလို့  သမ္မတ မာခွန်းက ခေါ်ဆို လိုက်ပြီး ကျောင်းဆရာဟာ လွတ်လပ်စွာ ထုတ်ဖော်ပြောဆိုခွင့်ကို သင်ပေးတာကြောင့် အသတ်ခံရ တာဖြစ်တယ်လို့ မာခွန်းက ပြောဆိုခဲ့ပါတယ်။ 
1 year Ago

September 3, 2020

ပြင်သစ်သရော်စာမဂ္ဂဇင်း တမန်တော် မိုဟာမက် သရုပ်ဖော်ကာတွန်းပုံများ ပြန်ထုတ်ဝေ

မွတ်စလင်ကမ္ဘာကို ဒေါသထွက်စေခဲ့တဲ့ တမန်တော် မိုဟာမက် သရုပ်ဖော်ကာတွန်းပုံတွေကို   ပြင်သစ်သရော်စာမဂ္ဂဇင်း ချာလီဟက်ဘိုက စက်တင်ဘာလ ၂ ရက်မှာ ပြန်ပုံနှိပ်ထုတ်ဝေခဲ့ပါတယ်။   လွန်ခဲ့တဲ့ ၅ နှစ်ခန့်က အဲဒီကာတွန်းပုံတွေ ပုံနှိပ်ခဲ့တာနဲ့ ပတ်သက်လို့  အစ္စလာမ္မစ် သေနတ်သမားတွေက  ချာလီဟက်ဘို  သတင်းစာတိုက်ကို တိုက်ခိုက်ခဲ့ပါတယ်။  အဲဒီကာတွန်းကို အကြောင်းပြုတဲ့ စစ်သွေးကြွ တိုက်ခိုက်မှုတွေ ဆက်တိုက်ပေါ်ပေါက်ခဲ့ပြီး ၃ ရက်မှာ လူ ၁၇ ယောက် သေဆုံးခဲ့ပါတယ်။ တိုက်ခိုက်မှုမှာ  ပါဝင်ခဲ့တဲ့  ကြံရာပါ ၁၄ ယောက်ကို  ရုံးတင်စစ်ဆေးမယ့် အချိန်မှာပဲ သတင်းစာတိုက်က ကာတွန်းပုံတွေကို အထူး ပြန်လည်ထုတ်ဝေခဲ့တာပါ။  ပဲရစ်မြို့လယ်ကောင်က ခီရော့စ် သတင်းစာအရောင်းဆိုင်ကလည်း ချာလီဟက်ဘို သတင်းစာဟာ ခါတိုင်းနဲ့ နှိုင်းစာရင် ရောင်းအား ၃ ဆ တက်လာတယ်လို့ ပိုင်ရှင်ဖြစ်သူက ပြောဆိုပါတယ်။ ချာလီဟက်ဘိုသတင်းဌာန တိုက်ခိုက်မှုမှာ ပါဝင်ကြံစည်ခဲ့သူတွေကို ရုံးထုတ်မစစ်ဆေးမီ  ပြင်သစ်သမ္မတ မာခွန်းကလည်း ဒီသတ်ဖြတ်မှုကို အမှတ်ရနေမယ်လို့ ပြောဆိုခဲ့ပါတယ်။  ဒါ့အပြင်  သမ္မတ မာခွန်းက ပြင်သစ်နိုင်ငံမှာ လွတ်လပ်စွာ ယုံကြည်ခွင့်နဲ့ ယုံကြည်မှုအပေါ် လွတ်လပ်စွာ ဝေဖန်ပြောဆိုခွင့်ဟာ အတူယှဉ်တွဲ ရှိနေတယ်လို့လည်း ပြောဆိုခဲ့ပါတယ်။ 
1 year Ago
Up