ကာဇိုလာ

August 10, 2018

ဗီလာရီးရဲလ် ကစားသမားသစ် ကာဇိုလာကို မျက်လှည့်ပြပြီး ပရိသတ်များနှင့် မိတ်ဆက်

ဗီလာရီးရဲလ်အသင်းဟာ ကစားသမားသစ် ဆန်တီကာဇိုလာကို မျက်လှည့်ပြပြီး ပရိသတ်တွေနဲ့ မိတ်ဆက်ပေးခဲ့ပါတယ်။ အသင်းပရိသတ် ၄၅၀၀ ရှေ့မှောက်မှာ မျက်လှည့်ဆရာက ဗီလာရီးရဲလ် လိုဂိုထည့်ထားတဲ့ ဖန်ပေါင်းချောင်ကို မီးခိုးငွေ့တွေနဲ့ ပြည့်နှက်စေခဲ့ပြီး မီးခိုးတွေ ကုန်သွားချိန်မှာတော့ ကာဇိုလာကို မိတ်ဆက်ပေးခဲ့တာ ဖြစ်ပါတယ်။ ကာဇိုလာဟာ ဖနောင့်ကြောဒဏ်ရာကြောင့် ရက်ပေါင်း ၆၄၆ ရက်တိတိ အနားယူခဲ့ရပြီး အာဆင်နယ်ကနေ ဗီလာရီးရဲလ်အသင်းကို ၁ နှစ်စာချုပ်နဲ့ ပြောင်းရွှေ့သွားခဲ့တာပါ။ ကာဇိုလာကတော့ ဗီလာရီးရဲလ်အသင်းကို ပြန်လည်ရောက်ရှိခဲ့တာဟာ အိမ်ကိုပြန်ရောက်လာခဲ့သလို ဖြစ်ပြီး အသင်းဟာ သူ့ကို အမြဲအားပေးသလို အချိန်မရွေး ပြန်လာဖို့ တံခါးဖွင့်ပေးထားခဲ့ကြောင်း ပြောကြားခဲ့ပါတယ်။ ကာဇိုလာဟာ အသင်းဟောင်းဖြစ်တဲ့ ဗီလာရီးရဲလ်အသင်းကို ပြန်လည်ရောက်ရှိခဲ့ပြီးနောက် ပျော်ရွှင်နေပြီး ပရိသတ်တွေနဲ့အတူ ကခုန်ခဲ့ပါတယ်။
3 years Ago

April 29, 2018

ဒဏ်ရာကြောင့် ကာလကြာ အနားယူနေရသည့် ကာဇိုလာ လေ့ကျင့်ခန်း ပြန်ဆင်း

  ဒဏ်ရာကြောင့် ၁၈ လကြာအနားယူနေခဲ့ရတဲ့ အာဆင်နယ်ကွင်းလယ်ကစားသမား ဆန်တီကာဇိုလာဟာ လေ့ကျင့်ခန်းတွေ ပြန်ဆင်းနေပြီလို့ သိရပါတယ်။ ဖနောင့်ကျောဒဏ်ရာရရှိခဲ့လို့ ပြီးခဲ့တဲ့ ၂၀၁၆ ခုနှစ်အောက်တိုဘာလ ကတည်းက အနားယူနေခဲ့ရပြီး လက်ဖျံသားနဲ့ပါ အစားထိုးခွဲစိတ်ကုသခဲ့ရပါတယ်။ လက်ရှိအချိန်မှာတော့ ကာဇိုလာအနေနဲ့ ဒဏ်ရာကနေ ပြန်လည်သက်သာနေပြီးတော့ လာမယ့် ယူရိုပါလိဂ်ဆီမီးဖိုင်နယ် ဒုတိယအကျော့ပွဲစဉ်မှာတောင် လူစာရင်းမှာ ပြန်လည်ပါဝင်လာနိုင်ဖို့ ရှိနေပါတယ်။ ကာဇိုလာဟာ အိမ်ကွင်း အန်းမရိတ်စ်ကွင်းမှာ ကြံ့ခိုင်ရေးနည်းပြနဲ့အတူ တဦးတည်း လေ့ကျင့်ခန်းဆင်းနေတဲ့ ပုံတွေကို သူ့ရဲ့ လူမှုကွန်ရက်စာမျက်နှာကနေတဆင့် ပျော်ရွှင်နေတယ်လို့ စာရေးသားတင်ခဲ့ပါတာပါ။ ကာဇိုလာဟာ အာဆင်နယ်အသင်းအတွက် အားထားရတဲ့ ကွင်းလယ်ကစားသမား ဖြစ်သလို သူသာ ပြန်လည်ပါဝင်လာမယ်ဆိုရင်တော့ လက်ရှိလူစာရင်းထက် အင်အားပိုပြီး တောင့်တင်းလာမှာ ဖြစ်ပါတယ်။ ဒီနေ့ည ပရီးမီးယားလိဂ်ပွဲစဉ်မှာတော့ အာဆင်နယ်အသင်းဟာ မန်ချက်စတာ ယူနိုက်တက်အသင်းနဲ့ ယှဉ်ပြိုင်ကစားရမှာ ဖြစ်ပါတယ်။
3 years Ago
Up