ကာချုပ် တိုက်တွန်း

A d v e r t i s e m e n t With Us

January 1, 2021

တိုင်းရင်းသားလက်နက်ကိုင်များ အန်စီအေ လမ်းကြောင်းကို မလွဲမသွေလျှောက်လှမ်းရန် ကာချုပ် တိုက်တွန်း 

၂၀၂၀ ပြည့်နှစ်အလွန်ကာလမှာ  နိုင်ငံတော်ကို ဒီမိုကရေစီနဲ့  ဖက်ဒရယ်စနစ်ကိုအခြေခံတဲ့   နိုင်ငံရေး လမ်းကြောင်းကို ဆက်လက်လျှောက်လှမ်းနိုင်ဖို့ တိုင်းရင်း သားလက်နက်ကိုင် အဖွဲ့အစည်းတွေအနေနဲ့  အန်စီအေ လမ်းကြောင်းကို မလွဲမသွေလျှောက်လှမ်းကြရမှာ ဖြစ်တယ်လို့ တပ်မတော် ကာကွယ်ရေးဦးစီးချုပ်က ပြောကြားလိုက်ပါတယ်။ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ၂၀၂၁ ခုနှစ်၊ ဇန်နဝါရီလ ၁ ရက်နေ့မှာကျရောက်တဲ့   နိုင်ငံတကာ နှစ်သစ်ကူးနေ့ နှုတ်ခွန်းဆက်အမှာစကားပြောကြားရာမှာ  ထည့်သွင်းပြောဆိုသွားတာပါ။ ထာဝရငြိမ်းချမ်းရေးရရှိမှသာ တိုင်းပြည်အေးချမ်း သာယာမှုရှိပြီး မိမိတို့ဒေသ၊ မိမိတို့ရဲ့ အနာဂတ်မျိုးဆက်သစ် ကလေးသူငယ်တွေရဲ့  လူမှုဘဝဖွံ့ဖြိုးတိုးတက်မယ် ဆိုတာကို မျှော်တွေးဆောင်ရွက်သွားကြစေလိုတယ်လို့လည်း ကာကွယ်ရေးဦးစီးချုပ်က ပြောပါတယ်။ တပ်မတော်အနေနဲ့    တိုင်းရင်းသားညီအစ်ကို မောင်နှမတွေနဲ့ လက်တွဲပြီး      ထာဝရငြိမ်းချမ်းရေးနဲ့ နိုင်ငံတော်ဖွံ့ဖြိုးတိုးတက်ရေးအတွက် အကောင်းဆုံးဖြစ်အောင် ဆောင်ကြဉ်းလုပ်ဆောင်သွားမယ်လို့လည်းဆိုပါတယ်။ တပ်မတော်အနေနဲ့ ငြိမ်းချမ်းရေးလုပ်ငန်းစဉ်တွေ အောင်မြင်စေဖို့ ငြိမ်းချမ်းရေးကို အနှောင့်အယှက်၊ အဟန့်အတားဖြစ်စေမယ့် ဘယ်ကိစ္စမဆို ရှောင်ရှားပြီး ထာဝရငြိမ်းချမ်းရေးကို အကောင်အထည်ဖော်ဆောင်ရွက်နိုင်ဖို့အတွက် တိုင်းစစ်ဌာနချုပ်နယ်မြေ ၅ ခုမှာ ၂၀၁၈ ခုနှစ်၊ ဒီဇင်ဘာလ ၂၁ ရက်ကစပြီး ၂၀၂၀ ပြည့်နှစ်၊ ဒီဇင်ဘာလ ၃၁ ရက်နေ့ထိ ၂ နှစ်ကြာ    အပစ်အခတ်ရပ်စဲပေးခဲ့တယ်လို့လည်း ဗိုလ်ချုပ်မှူးကြီးက ပြောပါတယ်။ တပ်မတော်အနေနဲ့ COVID-19 ကာကွယ်၊ ကုသရေးနဲ့ ပတ်သက်ပြီး ရောဂါစတင်ဖြစ်ပွားချိန်ကတည်းက ဘက်စုံ ထောင့်စုံကနေ မျက်ခြည်မပြတ်စောင့်ကြည့်ပြီး လိုအပ်တာတွေ ကူညီဆောင်ရွက်ပေးနေကြောင်း၊ ခုအခါ ကပ်ရောဂါဖြစ်ပွားမှု မြန်မာနိုင်ငံမှာ ကျဆင်းလာတယ်ဆိုပေမယ့်လည်း ပေါ့ဆလို့တော့ မရပါကြောင်းနဲ့ ကျန်းမာရေးဝန်ကြီးဌာနက ထုတ်ပြန်ထားတဲ့ လိုက်နာရန်အချက်တွေကို အလေးထားလိုက်နာဆောင်ရွက်ခြင်းဟာ  ရောဂါဖြစ်ပွားမှု  ထိန်းချုပ်ခြင်းနဲ့ လျော့နည်းပပျောက်ရေးအတွက် များစွာအကျိုးရှိစေမှာဖြစ်ကြောင်းလည်း ပြောပါတယ်။ မြန်မာနိုင်ငံဟာ စိုက်ပျိုးရေးအဓိက ထုတ်လုပ်တဲ့နိုင်ငံဖြစ်လို့ ကမ္ဘာ့စားနပ်ရိက္ခာဖူလုံရေးအတွက် စိုက်ပျိုးရေးထုတ်ကုန်တွေ၊ မွေးမြူရေးလုပ်ငန်းတွေ စတဲ့ ရနိုင်တဲ့နယ်ပယ်အသီးသီးမှာ အားသွန်ခွန်စိုက် လုပ်ဆောင်ခြင်းအားဖြင့် လူသားအားလုံးအကျိုး ဖြည့်ဆည်းပေးနိုင်တဲ့အပြင် တိုင်းပြည်ရဲ့ လူမှုစီးပွားလည်း တိုးတက်လာမှာဖြစ်ကြောင်း ကာကွယ်ရေးဦးစီးချုပ်က ပြောသွားပါတယ်။  
2 months Ago

November 18, 2020

အန်စီအေလမ်းကြောင်းမှန်ပေါ်လျှောက်လှမ်းရန် UWSA ‘ဝ’ တပ်ဖွဲ့ကို ကာချုပ် တိုက်တွန်း

အန်စီအေလမ်းကြောင်းမှန်ပေါ်မှာ လျှောက်လှမ်းပြီး ဒေသဖွံ့ဖြိုး တိုးတက်ရေးအတွက် ဆောင်ရွက်ကြစေလိုတယ်လို့  တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က   UWSA ‘ဝ’ တပ်ဖွဲ့ကို တိုက်တွန်းပြောကြားလိုက်ပါတယ်။ နိုဝင်ဘာ ၁၇ ရက်နေ့က တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ  UWSA ဒုတိယနိုင်ငံရေးမှူး ဦးညီကပ်ခေါင်းဆောင်တဲ့ အဖွဲ့ကို   တြိဂံဒေသတိုင်း စစ်ဌာနချုပ်၊ မိုင်းဆတ်တပ်နယ်မှာတွေ့ဆုံစဉ် ပြောကြားခဲ့တာလို့ တပ်မတော် သတင်း ထုတ်ပြန်ချက်အရ သိရပါတယ်။ အဆိုပါတွေ့ဆုံပွဲမှာ ဗိုလ်ချုပ်မှူးကြီးမင်းအောင်လှိုင်က ငြိမ်းချမ်းရေးဆွေးနွေးမှုအပိုင်းမှာ အကြောင်းအမျိုးမျိုးကြောင့် နှောင့်နှေးကြန့်ကြာနေတဲ့အတွက် လူမှုစီးပွားရေး ဖော်ဆောင်မှုတွေမှာ ကန့်သတ်ချက်တွေ ရှိနေနိုင်ကြောင်း၊ အန်စီအေ လမ်းကြောင်းမှန်ပေါ် လျှောက်လှမ်းပြီး ဒေသဖွံ့ဖြိုး တိုးတက်ရေးအတွက် ဆောင်ရွက်ကြစေလိုကြောင်း၊ မိမိတို့ရဲ့ မျိုးဆက်သစ် အနာဂတ်ကလေးငယ်တွေ လူမှုဘ၀ဖွံ့ဖြိုးရေး၊ ထာ၀ရငြိမ်းချမ်းရေးရရှိပြီး တိုင်းပြည်အေးချမ်းသာယာ ဖွံ့ဖြိုးရေးအတွက် ရေရှည်ကိုကြည့်ပြီး ဆောင်ရွက်ကြစေလိုကြောင်း ပြောကြားသွားပါတယ်။  UWSA ဒုတိယနိုင်ငံရေးမှူးဦးညီကပ်နဲ့ အဖွဲ့ဝင်တွေကလည်း ငြိမ်းချမ်းရေးလုပ်ငန်းစဉ်တွေ အောင်မြင်မှုရှိစေရေး ဆောင်ရွက်နေကြောင်းနဲ့ ဆက်လက်ပြီး ဒေသဖွံ့ဖြိုးရေး၊ ပညာရေးနဲ့ ကျန်းမာရေးကဏ္ဍတွေမှာ တပ်မတော်နဲ့ လက်တွဲဆောင်ရွက် သွားမှာဖြစ်ကြောင်း  ပြန်လည်ဆွေးနွေးပြောကြားခဲ့တယ်လို့ ဆိုပါတယ်။ တပ်မတော်ကာကွယ်ရေးဦးစီးချုပ်က UWSA အဖွဲ့အတွက် စားသောက်ဖွယ်ရာတွေ၊ တပ်မတော်စက်ရုံထုတ် စားသောက်ဖွယ်ရာတွေနဲ့ လူသုံးကုန် ပစ္စည်းတွေ ပေးအပ်ရာ UWSA အဖွဲ့ကလည်း ဒေသထွက်လက်ဆောင်တွေ ပြန်လည် ပေးအပ်ခဲ့တယ်လို့ သိရပါတယ်။ တပ်မတော်ကာကွယ်ရေးဦးစီးချုပ်ဟာ ပြီးခဲ့တဲ့ စက်တင်ဘာလကလည်း တာချီလိတ်မြို့ကို လာရောက်စဉ်   ‘ဝ’ ဒေသအတွက်  ကိုဗစ်-၁၉ ရောဂါကာကွယ်ရေး အထောက်အကူပြုပစ္စည်းတွေ လှူဒါန်းပေးအပ်ခဲ့ပါတယ်။ ဓာတ်ပုံ- DSINFO
4 months Ago
Up