စစ်ကိုင်းတိုင်း၊ မော်လိုက်မြို့မှာ  ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီ မြို့နယ်ဥက္ကဋ္ဌရဲ့ နေအိမ်မှာ နိုဝင်ဘာ ၂၀ ရက် ညနေ ၆ နာရီလောက်က  ဗုံးပစ်ခံရပြီး ပေါက်ကွဲမှုဖြစ်ခဲ့ပါတယ်။

ဗုံးပစ်ဖောက်ခွဲတာကို မော်လိုက်မြို့နယ် ပြည်သူ့ကာကွယ်ရေးတပ်ဖွဲ့ရဲ့ ပျောက်ကျားတပ်ဖွဲ့ ကနေ လုပ်ဆောင်တာဖြစ်ပြီး လူထိခိုက်ဒဏ်ရာတာမရှိဘူးလို့ သိရပါတယ်။

ဒါ့အပြင် မီတာခ အဓမ္မကောက်ခံနေတဲ့ လျှပ်စစ်ရုံးကို အဆိုပါပြောက်ကျားတပ်ဖွဲ့အနေနဲ့  ဖောက်ခွဲဖို့ လုပ်ခဲ့ပေမယ့် မအောင်မြင်ခဲ့ဘူးလို့ဆိုပါတယ်။

မော်လိုက်မြို့နယ်အတွင်းက ရပ်ကွက် ကျေးရွာတွေမှာရှိတဲ့ အုပ်ချုပ်ရေးမှူးတွေ၊ သတင်းပေးဒလန်တွေ၊ စစ်ကောင်စီရဲ့ ဒေါက်တိုင်တွေကို တိုက်ခိုက်ခြေမှုန်းသွားမယ်လို့လည်း မော်လိုက်မြို့နယ် ပြည်သူ့ကာကွယ်ရေးတပ်ဖွဲ့က နိုဝင်​ဘာ ၂၁ ရက်​​က ထုတ်​ပြန်​ခဲ့ပါတယ်။ 

စစ်ကိုင်းတိုင်း ကလေးဝမြို့နယ်​မှာတော့  နိုဝင်​ဘာ ၂၀ ရက်​​ည​နေက  ​ဒေသခံ အရပ်သား  ၃ ဦး ဖမ်းဆီးခံရပါတယ်​။

နိုဝင်​ဘာ ၁၉ ရက်​​က စစ်​​ကောင်​စီခန့် စစ်ကိုင်းတိုင်းဝန်ကြီးချုပ်လိုက်ပါလာတဲ့ ယာဉ်​တန်းကို  က​လေးမြို့နယ်​ ယုဇန ​ကျေးရွာနားမှာ က​လေးဝ PDF က မိုင်းဆွဲ တိုက်​ခဲ့တာနဲ့ ပတ်သက်ပြီး ဒလန်ရဲ့ သတင်းပေးမှုကြောင့် ရွာသားတွေ ဖမ်းဆီးခံရတာလို့ ဒေသခံတစ်​ဦးက​ ပြောပါတယ်​။

ဖမ်းဆီးခံရသူတွေကတော့ ဇီးဒေါင့်ကျေးရွာက ကိုသိန်းစိုး၊ ယူဇနလယ်​ရွာက ကိုအာကာမင်းနဲ့ ​သက်​ကယ်​ကျင်းရွာက  ကိုလန်းတို့ ဖြစ်ကြပါတယ်။​

စစ်ကိုင်းတိုင်း ကလေးဝမြို့နယ်မှာ ကိုဗစ်-၁၉ ပိုးတွေ့လူနာ အယောက် ၂၀၀ ကျော်လာတဲ့အတွက် စာသင်ကျောင်း နဲ့ စျေးဆိုင်တွေပိတ်ထားရတယ်လို့ သိရပါတယ်။

ဒေသခံတစ်ဦးက “အခုက ကလေးဝမြို့မှာ ကိုဗစ်ကူးစက်တာ များလာတယ်။ ကူးစက်သူ ၂၀၉ ယောက် ကျော်ရှိလာပြီ။ ဒါကြောင့် ကျောင်းတွေနဲ့ စျေးဆိုင်ပိတ်ထားလိုက်တယ်” လို့ ပြောပါတယ်။

ဇူလိုင် ၈ ရက်နေ့ ဒီနေ့မနက်ပိုင်းကစတင်ပြီး  မြို့ပေါ်ရှိ ဆိုင်တချို့ပိတ်ထားကာ Stay At Home ပုံစံနဲ့  ဒေသခံတွေ နေအိမ်မှာပဲ နေထိုင်နေကြတယ်လို့ ဆိုပါတယ်။

ကလေးဝမြို့မှာ ကိုဗစ်ကူးစက်သူ ၂၁၂ ယောက်၊ သေဆုံးသူ ၁၃ ယောက်နဲ့ ရောဂါသက်သာလို့ ဆေးရုံဆင်းသူ ၉၂ ဦး ရှိတယ်လို့ ကလေးဝ ဆေးရုံစာရင်းတွေအရ သိရပါတယ်။