ကလော့ပ်

October 23, 2022

အနိုင်ရသင့်သည့်ပွဲ ရှုံးနိမ့်ခဲ့ရသည့်အပေါ် လီဗာပူးနည်းပြ ကလော့ပ်စိတ်ပျက်

နော်တမ်ဟမ်ဖောရက်စ်နဲ့ ပွဲစဉ်မှာ နိုင်ပွဲရယူခဲ့သင့်ပေမယ့် ရှုံးပွဲတွေ့ခဲ့ရတဲ့ပေါ် စိတ်ပျက်စရာဖြစ်ခဲ့ကြောင်း လီဗာပူးနည်းပြကလော့ပ်က ပြောပါတယ်။

လီဗာပူးအသင်းဟာ တန်းတက်နော်တမ်ဟမ်ကို အဝေးကွင်းမှာတစ်ဂိုးဂိုးမရှိနဲ့ ရှုံးနိမ့်ခဲ့ရပြီး ထိပ်ဆုံးကအသင်းတွေနဲ့ အမှတ်ကွာဟချက်ပိုမိုကြီးမားလာခဲ့ပါတယ်။

နည်းပြကလော့ပ်ကတော့ အနိုင်ရသင့်တဲ့ပွဲမှာ အနိုင်မရခဲ့တာလို့ စိတ်ပျက်စကားဆိုခဲ့ပြီး ဒီလိုပွဲမှာရှုံးနိမ့်ခဲ့ရတာကို နားမလည်မိကြောင်း ပွဲအပြီးမှာပြောပါတယ်။

လီဗာပူးအသင်းမှာ အဓိက ကစားသမားတွေဖြစ်တဲ့ ဒီယက်ဇ်၊ ဂျိုတာ၊ မာတစ်၊အယ်ကန်တာရာနဲ့ နူညက်ဇ်တို့ ပါဝင်နိုင်ခြင်း မရှိခဲ့တာကြောင့်လည်း ရလဒ်ကောင်းရယူနိုင်ခြင်းမရှိခဲ့တာပါ။

ပွဲကြီးပွဲကောင်းတွေကို ၆ ပွဲဆက်တိုက် ကစားသမား အကန့်အသတ်နဲ့ယှဉ်ပြိုင်ခဲ့ရတာကိုလည်း နည်းပြကလော့ပ်က ထောက်ပြသွားခဲ့ပြီး အဆုံးထိ တိုက်ပွဲဝင်သွားဖို့သာ ရှိတော့ကြောင်း မှတ်ချက်ပေးသွားခဲ့ပါတယ်။

3 months Ago

October 10, 2022

ချန်ပီယံလမ်းကြောင်းပေါ် မရှိတော့ဟု လီဗာပူးနည်းပြ ကလော့ပ်ဝန်ခံ

လီဗာပူးအသင်းဟာ ပရီးမီးယားလိဂ်ချန်ပီယံပြေးလမ်းကြောင်းပေါ်မှာ မရှိတော့ကြောင်း နည်းပြ ကလော့ပ်ကပြောပါတယ်။

အာဆင်နယ်ကို ၂ ဂိုး ၃ ဂိုးနဲ့ရှုံးနိမ့်ခဲ့တဲ့ပွဲအပြီးမှာ အသင်းရဲ့စွမ်းဆောင်ရည်တွေနဲ့ ပတ်သက်ပြီး နည်းပြကလော့ပ်က မကျေမနပ်ပြောခဲ့တာပါ။

အာဆင်နယ်အသင်းရရှိသွားတဲ့ သုံးဂိုးဟာဆိုရင်လည်း ကစားသမားတွေရဲ့ မလုပ်သင့်တဲ့ အမှားတွေကနေဖြစ်ပြီး စိတ်ပျက်စရာကောင်းခဲ့ကြောင်း နည်းပြကလော့ပ်ကပြောပါတယ်။

“ကျနော်တို့ ချန်ပီယံပြေးလမ်းပေါ်မှာ မရှိတော့ပါဘူး။ ပြေးလမ်းနဲ့ နီးစပ်နေတယ်လို့ စိတ်ကူးယဉ်ကြည့်ရင်တော့ ခဏစောင့်ပါဦးလို့ ဆိုရမလိုပါပဲ။ လက်ရှိအချိန်မှာ ပြဿနာတွေရှိနေတယ်။ ကျနော်တို့ရှေ့ဆက်သွားရမှာပါ”လို့နည်းပြကလော့ပ်က ပြောပါတယ်။

အာဆင်နယ်နဲ့ပွဲမှာ လူးဝစ်ဒီယက်ဇ်နဲ့ အာနိုးလ်တို့ ဒဏ်ရာရရှိသွားတာကလည်း ပိုပြီးခက်ခဲစေနိုင်ကြောင်း နည်းပြယာဂန်ကလော့ပ်က ပြောသွားပါတယ်။ 

4 months Ago
More News
Up