ကလော

A d v e r t i s e m e n t With Us

November 15, 2020

ကလောနှင့် မင်္ဂလာတောင်ညွန့်တွင် ကျပ်သိန်း ၂၀၀၀ ကျော်တန်ဖိုးရှိ မူးယစ်ဆေးများ ဖမ်းမိ

ရှမ်းပြည်နယ်(တောင်ပိုင်း)၊ ကလောမြို့နယ်မှာ စိတ်ကြွရူးသွပ်ဆေးပြားတွေ ဖမ်းဆီးရမိခဲ့ပြီး ကွင်းဆက်အရ ဖော်ထုတ်စစ်ဆေးရာမှ မင်္ဂလာတောင်ညွန့်မြို့နယ်မှာလည်း မူးယစ်ဆေးဝါးတွေ  ထပ်မံဖမ်းဆီးရမိတယ်လို့ မြန်မာနိုင်ငံမူးယစ်ဆေးဝါး အလွဲသုံးစားမှု ထိန်းချုပ်ရေး ဗဟိုကော်မတီက ဒီနေ့ သတင်းထုတ်ပြန်ပါတယ်။ နိုဝင်ဘာ ၁၃ ရက်နေ့ ည ၉ နာရီကျော်လောက်က မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့ဝင်တွေဟာ သတင်းအရ သက်သေတွေနဲ့ ကလောမြို့နယ်၊ ကလော-သာစည် သွားကားလမ်းမှာ မော်တော်ယာဉ်တွေအား ရှာဖွေစစ်ဆေးနေစဉ် ရန်ကုန်မြို့ကို လူမဲ့တန်ဆာ တင်ဆောင်လာတဲ့ ခရီးသည်တင်မော်တော်ယာဉ်တစီးပေါ်ရှိ ပီနံအိတ်တွေအတွင်းက စိတ်ကြွရူးသွပ်ဆေးပြား ၁၆၀၀၀၀ ပြား (ဒေသကာလပေါက်ဈေးတန်ဖိုးငွေကျပ် ၁၆၀၀ သိန်း) အား တွေ့ရှိသိမ်းဆည်းရမိခဲ့ပါတယ်။ ကွင်းဆက် ဆက်လက်ဖော်ထုတ်ချက်အရ နိုဝင်ဘာလ ၁၄ ရက်နေ့ မနက် ၁၁ နာရီခွဲလောက် ရန်ကုန်မြို့၊ အောင်မင်္ဂလာကားဝင်း ---- ကားဂိတ်မှာ အဲဒီမူးယစ်ဆေးတွေကို Honda Fit ယာဉ်နဲ့ လာယူတဲ့ မင်္ဂလာတောင်ညွန့်မြို့နယ်၊ ဖဆပလရပ်ကွက်နေ ဝင်းထွန်းဟန်(ခ) ကိုထွန်း ၃၄ နှစ်ကို စစ်ဆေးရှာဖွေရာ မော်တော်ယာဉ်ပေါ်မှာ ICE အလေးချိန် ၁၆ ဂရမ်နဲ့ လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ပါတယ်။  ဝင်းထွန်းဟန်ရဲ့ နေအိမ်အား ဆက်လက်ရှာဖွေရာ နေအိမ်အိပ်ခန်းအတွင်း ပလတ်စတစ်ကပ်ခွာအိတ်တွေနဲ့ ထည့်ထားတဲ့ စိတ်ကြွရူးသွပ်ဆေးပြား ၃၁၈၀၀ ပြား (ဒေသကာလပေါက်ဈေးတန်ဖိုးငွေကျပ် ၃၈၁.၆ သိန်း) နဲ့ ICE  အလေးချိန် ၃၁၀ ဂရမ်၊ စုစုပေါင်း ICE အလေးချိန် ၃၂၆ ဂရမ် (ဒေသကာလပေါက်ဈေးတန်ဖိုးငွေကျပ် ၈၁.၅ သိန်း) တို့အား တွေ့ရှိသိမ်းဆည်းရမိခဲ့ပါတယ်။ သက်ဆိုင်ရာရဲစခန်းများမှာ မူးယစ်ဆေးဝါးနဲ့ စိတ်ကိုပြောင်းလဲစေသော ဆေးဝါးများဆိုင်ရာဥပဒေနဲ့ အမှုတွေ ရေးဖွင့်ပြီး ကွင်းဆက်တွေ ဖော်ထုတ်စစ်ဆေးနေတယ်လို့ သိရပါတယ်။
2 months Ago

October 3, 2020

ကလော စစ်ဆေးရေးဂိတ်တွင် Rapid Test Kit ဖြင့် ကိုဗစ်-၁၉ စတင်စစ်ဆေး၊ ၁ ဦး ပိုးတွေ့

အောက်တိုဘာ ၃ ရက် မနက်က ရှမ်းပြည်နယ်အတွင်း ဝင်ရောက်လာတဲ့ ယာဉ်မောင်းနဲ့ ယာဉ်နောက်လိုက်တို့ကို ကလောမြို့နယ် ရေယားရွာအနီးမှာ Rapid Test Kit နဲ့ စတင်စစ်ဆေးခဲ့ရာ ယာဉ်မောင်း ၁ ဦးမှာ ပထမဆုံး ပိုးတွေ့ရှိခဲ့တယ်လို့ ကလောမြို့နယ် ဒုတိယအုပ်ချုပ်ရေးမှူး ဦးကျော်စန်းယုက ပြောပါတယ်။ “ပိုးတွေ့ရှိသူဟာ ရန်ကုန်ဘက်က ကုန်တင်ယာဉ်မောင်းနှင်လာသူ အသက် ၄၅ နှစ်အရွယ် အမျိုးသားတစ်ဦးပါ။ ဒီနေ့ စစစ်ပေးနေတာ လွန်ခဲ့တဲ့ တနာရီလောက်ကတော့ အယောက် ၁၄၀ ကျော်ရှိပြီ။ နောက် ၂၀၀ လောက်တန်းစီနေတယ်။” ရှမ်းပြည်နယ် တောင်ပိုင်း၊ ကွာရန်တင်းစင်တာမှာလည်း အောက်တိုဘာ ၂ နေ့ ကျန်းမာရေးနဲ့အားကစားဝန်ကြီးဌာန ကြေညာချက်အရ ပိုးတွေ့လူနာ ၃ ဦး တွေ့ရှိထားပါတယ်။
4 months Ago
Up