ကလော

January 5, 2022

ကလောနှင့် အောင်ပန်းတွင် မီတာခ အတင်းအကျပ်ကောက်ခံ

ရှမ်းပြည်နယ်တောင်ပိုင်း ကလောမြို့နယ်အတွင်းမှာ မီတာခ ပေးဆောင်ကြဖို့နဲ့ မပေးဆောင်တဲ့နေအိမ်တွေကို ဇန်နဝါရီ ၁၃ ရက်နေ့က စတင်ပြီး မီးဖြတ်တောက်မယ်ဆိုပြီး လိုက်လံသတိပေး နှိုးဆော်နေတယ်လို့ မြို့ခံတွေက ပြောပါတယ်။

EPC က ဝန်ထမ်းတွေနဲ့ အရပ်ဝတ် လူတစ်စုက ကလောမြို့နယ်အတွင်းက ရပ်ကွက်တွေမှာ အခုလို လိုက်လံသတိပေးနေတာလို့ ဆိုပါတယ်။

မီတာခ မပေးဆောင်ပါက မီးဖြတ်တောက်မှာဖြစ်သလို အကြွေးကျန်တွေရှိရင်လည်း အကုန်ရှင်းပြီးမှ မီတာပြန်တပ်ပေးမယ်ဆိုပြီး လိုက်လံသတိပေးခဲ့တယ်လို့ ရပ်ကွက်နေပြည်သူတစ်ဦးက ပြောပါတယ်။ 

အဲဒီလို မီတာခပေးချေရတဲ့ နေရာမှာလည်း ကျသင့်ငွေ ခါတိုင်းထက် ပိုမို ပေးဆောင်နေရတာတွေရှိတယ်လို့ ဒေသခံတွေက ပြောပါတယ်။ 

“မီတာသွားဆောင်တော့ ခါတိုင်းကျသင့်ငွေထက် နှစ်ဆလောက် ပိုမို ပေးဆောင်ရခဲ့တာတွေရှိတယ်” လို့ မီတာခ သွားရောက်ပေးဆောင်ခဲ့သူတစ်ဦးက ပြောပါတယ်။ 

ကလောမြို့ခံတွေအနေနဲ့ မီတာခတွေကို စစ်အာဏာသိမ်းတဲ့ အချိန်ကတည်းက မပေးဆောင်တော့တာဖြစ်ပြီး အခုလို မီတာခကျသင့်ငွေကို တပြိုင်တည်း ပေးသွင်းခိုင်းတဲ့အတွက် အခက်ခဲတွေ ဖြစ်ပေါ်နေပါတယ်။ 

အလားတူ အောင်ပန်းမြို့မှာလည်း မီတာခမပေးဆောင်တဲ့ အိမ်တွေကို လျှပ်စစ်မီးဖြတ်တောက်နေတယ်လို့ သိရပါတယ်။

ကလောမြို့နယ် ပြည်သူ့ကာကွယ်ရေးတပ်ဖွဲ့ကလည်း ပြည်သူတွေအနေနဲ့ စစ်ကောင်စီအတွက် ကျည်ဆန်ဖိုးဖြစ်စေမယ့် မီတာခတွေကို မပေးဆောင်ဖို့နဲ့ စစ်ကောင်စီလက်အောက်မှာ တာဝန်ထမ်းဆောင်ခြင်း မပြုလုပ်ကြဖို့ တိုက်တွန်းထားသလို ကလော EPC ရုံးကိုလည်း သတိပေးတဲ့အနေနဲ့ ဗုံးဖောက်ခွဲမှု ပြုလုပ်ခဲ့ပါသေးတယ်။ 

သတင်း - CJ

2 weeks Ago

March 7, 2021

ကလောမြို့မရဲစခန်းမှ ရဲတပ်ကြပ် ၁ ဦး CDM တွင်ပါဝင်ရန် နုတ်ထွက်

ကလောမြို့မရဲစခန်းမှ  ရဲတပ်ကြပ် ကိုကိုနိုင်ဟာ အာဏာဖီဆန် CDM လှုပ်ရှားမှုမှာ ပြည်သူနဲ့အတူပူးပေါင်းပါဝင်လိုက်တယ်လို့ သိရပါတယ်။

ပြည်သူတွေအပေါ် မြန်မာနိုင်ငံရဲတပ်ဖွဲ့ရဲ့ အကြမ်းဖက်ပစ်ခတ်နှိမ်နှင်းမှုတွေဟာ အကြမ်းဖက်လုပ်ရပ်တွေဖြစ်လို့ အာဏာရှင်စနစ်ကို အလိုမရှိတဲ့အတွက် ရဲတပ်ဖွဲ့မှ နုတ်ထွက်ခွင့်ပြုပါရန် မတ်လ ၆ ရက်က ကိုယ်တိုင်စာရေးတင်ပြီး  CDM မှာ ပူးပေါင်းပါဝင် လိုက်တာဖြစ်ပါတယ်။

အဆိုပါကိစ္စနဲ့ ပတ်သက်ပြီး ကလောမြို့မရဲစခန်းသို့ဆက်သွယ်မေးမြန်းရာ မှန်ကန်ကြောင်း အတည်ပြုပြောဆိုခဲ့ပါတယ်။ ရဲတပ်ကြပ် ကိုကိုနိုင်ဟာ  ကလောမြို့မရဲစခန်းမှ ပထမဆုံး CDM ပြုလုပ်ဖို့ နုတ်ထွက်ခဲ့တဲ့ ရဲတပ်ဖွဲ့ဝင်ဖြစ်ပါတယ်။ 

11 months Ago
More News
Up