ကရိန်းသမား

May 8, 2019

မီးလောင် အထပ်မြင့်အဆောက်အအုံထဲ ပိတ်မိနေသူ ၁၄ ဦးအား ကယ်တင်ခဲ့သည့် ကရိန်မောင်းသမား (ရုပ်သံ)

တရုတ်နိုင်ငံ လျောင်နင်းပြည်နယ် ဖူရှန်းမြို့မှာ အသက် ၁၉ နှစ်အရွယ် ကရိန်းမောင်းသူတယောက်ဟာ မီးလောင်နေတဲ့ အထပ်မြင့်အဆောက်အအုံ တခုထဲမှာ ပိတ်မိနေသူ ၁၄ ယောက်ကို ကယ်တင်ခဲ့လို့ ဝိုင်းချီးကျူးခံခဲ့ရပါတယ်။ မေလ ၂ ရက် ဒေသစံတော်ချိန် မနက် ၆ နာရီခွဲလောက်မှာ ၇ ထပ်မြင့်တဲ့ အဆောက်အအုံရဲ့ ပထမထပ်မှာရှိတဲ့ ဈေးဆိုင်ကနေ မီးစလောင်ခဲ့တာပါ။ မနက်အစောပိုင်းဖြစ်တာကြောင့် ဆိုင်ထဲမှာ လူမရှိဘဲ အပေါ်ထပ်တွေကို လျှင်လျှင်မြန်မြန် မီးကူးစက်ခဲ့ပါတယ်။ မီးခိုးငွေ့တွေကြောင့် အိပ်နေသူတွေလည်း နိုးလာခဲ့ပြီး သုံးလွှာမှာနေတဲ့  သားမိနှစ်ယောက်ဟာ ဝရံတာကနေ အော်ဟစ် အကူအညီ တောင်းခဲ့ကြပါတယ်။ အဲဒီချိန်မှာ မီးလောင်တဲ့နေရာနဲ့ မီတာ ၃၀၀ အကွာမှာရှိတဲ့ ကရိန်းမောင်းသူ လန်ချင်းဇန်ဟာ ကရိန်းခြင်းကို တိုက်ခန်းသုံးလွှာထိ မြှောက်တင်ပြီး သားအမိနှစ်ယောက်ကို ကယ်တင်ခဲ့ပါတယ်။ အဲဒီနောက် သူဟာ တခြားအလွှာက လူတွေကိုလည်း အလားတူ ဆက်ပြီး ကယ်တင်ခဲ့ပါတယ်။ သူဟာ တနာရီခွဲအချိန်အတွင်း လူပေါင်း ၁၄ ယောက်ကို ကယ်တင်နိုင်ခဲ့ပါတယ်။
2 years Ago
Up