ကရင်ပြည်သူ့ပါတီ

A d v e r t i s e m e n t With Us

October 20, 2020

ရွှေကျင်မြို့နယ် ရဲသောင်ကျေးရွာအုပ်စု၌ ရွေးကောက်ပွဲကျင်းပရန် ကရင်ပြည်သူ့ပါတီ တောင်းဆို

ပဲခူးတိုင်းဒေသကြီး၊ ရွှေကျင်မြို့နယ်ထဲက ရဲသောင်ကျေးရွာအုပ်စုမှာ ရွေးကောက်ပွဲ ကျင်းပပေးဖို့ ပြည်ထောင်စုရွေးကောက်ပွဲကော်မရှင်ထံ အောက်တိုဘာ ၁၉ ရက်က စာပို့ တောင်းဆိုထားတယ်လို့ ကရင်ပြည်သူ့ပါတီက ပြောပါတယ်။ ကချင်ပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်၊ ရှမ်းပြည်နယ်နဲ့ ပဲခူးတိုင်း ထဲက နယ်မြေတချို့မှာ လွတ်လပ်ပြီးတရားမျှတတဲ့ ရွေးကောက်ပွဲကျင်းပဖို့ အခြေအနေ မရှိတဲ့ အတွက်  ရွေးကောက်ပွဲ ကျင်းပမှာမဟုတ်ဘူးလို့ ပြည်ထောင်စုရွေးကောက်ပွဲ ကော်မရှင်က အောက်တိုဘာ ၁၆ ရက်မှာ ထုတ်ပြန်ကြေညာတဲ့အထဲမှာ ရွှေကျင်မြို့နယ်က ကျေးရွာအုပ်စု ၃၀ ပါဝင်လာတာဖြစ်ပါတယ်။ အဆိုပါ ကျေးရွာအုပ်စု ၃၀ ထဲက  ကျေးရွာအုပ်စု ၂၉ အုပ်စုဟာ အရင်တုန်းကလည်း ရွေးကောက်ပွဲကျင်းပနိုင်ခြင်းမရှိတဲ့ ရွာပုန်းရွာရှောင်တွေဖြစ်လို့ ကန့်ကွက်စရာမရှိပေမယ့် ရဲသောင်ကျေးရွာအုပ်စုကတော့ ပြီးခဲ့တဲ့ရွေးကောက်ပွဲတွေမှာ အောင်မြင်စွာကျင်းပလာတဲ့ ကျေးရွာအုပ်စုဖြစ်လို့ တိုင်းရင်းသားတွေရဲ့ ရွေးကောက်ခံခွင့်နဲ့ မဲပေးပိုင်ခွင့်ဆုံးရှုံးရအောင် ပြန်လည် ထည့်သွင်းပေးဖို့ တောင်းဆိုရတာလို့ ရွှေကျင်မြို့နယ် ကရင်ပြည်သူ့ပါတီက တိုင်းဒေသကြီး လွှတ်တော်ကိုယ်စားလှယ် ဦးစောမြင့်စိုးက ပြောပါတယ်။ "ပြည်ထောင်စုရွေးကောက်ပွဲကော်မရှင်က ရွေးကောက်ပွဲမကျင်းပနိုင်ဘူးလို့ ထုတ်ပြန်တဲ့ ကျေးရွာအုပ်စု ၃၀ ထဲက ၂၉ အုပ်စုဟာ ကန့်ကွက်စရာမရှိဘူး၊ ဘာလို့လဲဆိုတော့ ရွာပုန်း ရွာရှောင် ရွာပျက်တွေဖြစ်နေလို့၊ ဒါပေမဲ့ အဲ့ထဲက ရဲသောင်ကျေးရွာအုပ်စု ပါဝင်လာတာဟာ လုံးဝ မဖြစ်သင့်ဘူး၊ မြို့နယ်ရွေးကောက်ပွဲကော်မရှင်ကလည်း မဲဆန္ဒရှင်စာရင်းကို နှစ်ကြိမ်တိုင်တိုင် ရဲသောင်ကျေးရွာအုပ်စုမှာ ကြေညာ ကပ်ပြီပြီ၊ ဒါကိုရွေးကောက်ပွဲနီးမှ မကျင်းပနိုင်ဘူးဆိုတာက မေးခွန်းထုတ်စရာဖြစ်နေတယ်။"  ရဲသောင်ကျေးရွာအုပ်စုဟာ နယ်မြေတည်ငြိမ်အေးချမ်းနေပြီး  စာသင်ကျောင်းတွေ၊ ကျေးရွာအုပ်ချုပ်ရေးမှူးတွေ​၊ ထွေအုပ်စာရေးတွေနဲ့အစိုးရရဲ့ အုပ်ချုပ်မှုယန္တရားအောက်မှာ ရှိနေကာ ရွေးကောက်ပွဲအဆက်ဆက်ကျင်းပလာတဲ့ ကျေးရွာဖြစ်တာကြောင့် တိုင်းရင်းသားစည်းလုံး ညီညွတ်ရေးကို  ရှေးရှုပြီ အချိန်မီ စဉ်းစားသုံးသပ်ပေးစေချင်တယ်လို့ ကရင်ပြည်သူ့ပါတီက ပြောပါတယ်။ ရဲသောင်ကျေးရွာအုပ်စုမှာ ဝါးဖြူတောင်၊ ဇီးဖြူတောင်၊ ရဲသောင်၊ ကျွဲတဲ၊ ထီးဖဒို၊ မဲပျော့၊ ဟတ်ကြီး စတဲ့ကျေးရွာ ခုနှစ်ရွာပါဝင်နေပြီး အိမ်ခြေ ၃၀၀ ကျော် ရှိကာ အသက် ၁၈  နှစ်ပြည့်ပြီး မဲပေးမိုင်ခွင့်ရှိသူ ၉၀၀ ကျော်ရှိပါတယ်။ တိုင်းရင်းသားတွေရဲ့ရွေးကောက်ခံခွင့်နဲ့ မဲပေးခွင့်မဆုံးရှုံးစေဖို့အတွက် ပြည်ထောင်စု ရွေးကောက်ပွဲကော်မရှင်ရဲ့ထုတ်ပြန်ချက်ကို ပြန်သုံးသပ်ပြင်ဆင်ပေးဖို့ UNA တိုင်းရင်းသား မဟာမိတ်ပါတီတွေနဲ့  ကချင်၊ ကယား၊ ကရင်၊ ချင်းနဲ့ မွန်​ နိုင်ငံရေးပါတီ ၅ ပါတီ  ကြေညာချက်ထုတ်ပြန် တောင်းဆိုထားပါတယ်။ သတင်း၊ ဓာတ်ပုံ -နေလင်းထိုက်
5 months Ago

October 18, 2020

သထုံတွင် တိုင်းရင်းသားပါတီ ၃ ခုက ဝန်းရံသူများ ပူးပေါင်းအင်အားပြလှည့်လည် (ဓာတ်ပုံ)

  မွန်ပြည်နယ်၊ သထုံမြို့မှာ တိုင်းရင်းသားနိုင်ငံရေးပါတီ ၃ ခုက ဝန်းရံသူတွေ ပူးပေါင်းပြီး အောက်တိုဘာ ၁၈ ရက်နေ့က အင်အားပြလှည့်လည်ခဲ့ကြပါတယ်။ အင်းအာပြလှည့်လည်ပွဲကိုတော့ မွန်ညီညွတ်ရေးပါတီ၊ ကရင်ပြည်သူ့ပါတီနဲ့ ပအိုဝ်းအမျိုးသားအဖွဲ့ချုပ်ပါတီတို့က ဝန်းရံသူ ထောင်နဲ့ချီ လှည့်လည်ခဲ့တာ ဖြစ်ပါတယ်။ သထုံမြို့နယ်မှာတော့ မွန်ညီညွတ်ရေးပါတီက ဝင်ရောက်ယှဉ်ပြိုင်ခြင်း မရှိတဲ့ မြို့နယ်တစ်ခု ဖြစ်ပေမယ့် အင်းအားပြလှည့်လည်ရာမှာ မွန်ညီညွတ်ရေးပါတီ ဝန်းရံသူတွေက လာရောက် ပူးပေါင်းခဲ့တာပါ။ ဒီမဲဆန္ဒနယ်မှာတော့ ကရင်ပြည်သူ့ပါတီနဲ့ ပအိုဝ်းအမျိုးသားအဖွဲ့ချုပ်ပါတီ တို့ ဝင်ရောက် ယှဉ်ပြိုင်သွားဖို့ ရှိနေတာ ဖြစ်ပါတယ်။ အဲလို ဝင်ရောက် ယှဉ်ပြိုင်ရာမှာ မွန်ညီညွတ်ရေးပါတီက ဝင်ရောက် ယှဉ်ပြိုင်ခြင်း မရှိတဲ့အတွက်ကြောင့် မွန်တိုင်းရင်သားတွေ ကရင်နဲ့ ပအိုဝ်းပါတီတွေကို မဲထည့်ဖို့ မွန်အဖွဲ့အစည်းတွေက တိုက်တွန်းထားပါတယ်။ ဒါအပြင် ကရင်နဲ့ ပအိုဝ်း ဝင်မပြိုင်တဲ့ နယ်မြေတွေမှာလည်း မွန်ညီညွတ်ရေးပါတီကို မဲထည့်ပေးကြဖို့ ကရင်နဲ့ ပအိုဝ်း လူငယ်ကွန်ရက်တွေက အပြန်အလှန် တိုက်တွန်းထားကြပါတယ်။
5 months Ago
Up