ကယ်လီဖိုးနီးယား

December 4, 2022

တာဝေးပျံသန်းနိုင်သည့် ကိုယ်ပျောက်နျူဗုံးကြဲလေယာဉ်ကို ကယ်လီဖိုးနီးယားတွင် ပြသ

အမေရိကန်လေတပ်အတွက် တာဝေးပျံသန်းနိုင်တဲ့ ကိုယ်ပျောက် နျူကလီးယား ဗုံးကြဲလေယာဉ်တွေထဲက ပထမဆုံးလေယာဉ်ကို Northrop Grumman ကော်ပိုရေးရှင်းက ဒီဇင်ဘာ ၂ ရက်မှာ ကယ်လီဖိုးနီးယားပြည်နယ် ဖမ်းဒေးလ်မြို့မှာ ထုတ်ဖော်ပြသခဲ့ပါတယ်။ 

လေတပ်မှာ စာရင်းရှိ ပြီးသား "ပျံသန်းနေတဲ့ တောင်ပံ"လို့ နာမည်ပေးထားပြီး ဒီဇိုင်းပုံစံ B-2 နဲ့ ဆင်တူတဲ့ B-21 ရိုက်ဒါ လေယာဉ်ဟာ တာဝေးပျံနိုင်စွမ်းနဲ့ ဝေဟင်မှာ လောင်စာဆီ ဖြည့်နိုင်စွမ်း တွေကြောင့် ကမ္ဘာတဝန်းဆီ နျူကလီးယားလက်နက်တွေကို ပေးပို့နိုင်မှာပါ။ 

အမေရိကန်ကာကွယ်ရေးဝန်ကြီး လွိုဒ်အော်စတင်က B-21 ကို “ဆယ်စုနှစ်သုံးခုကျော်အတွင်း ပထမဆုံးမဟာဗျူဟာမြောက် ဗုံးကြဲလေယာဉ်” လို့ခေါ်ပြီး “ခေတ်အမီဆုံး လေကြောင်းရန် ကာကွယ်ရေးစနစ်တွေကတောင် ကောင်းကင်ယံမှာ B-21 လေယာဉ်တွေကို ထောက်လှမ်းဖို့ ရုန်းကန်ရလိမ့်မယ်လို့ ဟောကိန်းထုတ်ပါတယ်။ 

သမားရိုးကျနဲ့ နျူကလီးယားဗုံးနှစ်မျိုးစလုံးကို ပေးပို့နိုင်တဲ့ B-21 တစ်ခုစီဟာ ၂၀၁၀ ပြည့်နှစ်မှာ ဒေါ်လာ သန်း ၅၅၀ လောက် ကုန်ကျပြီး ယနေ့ခေတ် ငွေကြေးဖောင်းပွမှုကို ထိန်းညှိထားရင် ဒေါ်လာသန်း ၇၅၀ လောက် ကုန်ကျမယ်လို့ ခန့်မှန်းထားပါတယ်။ 

အမေရိကန် လေတပ်ဟာ အနည်းဆုံး လေယာဉ်အစီးရေ ၁၀၀ ဝယ်ယူဖို့ စီစဉ်ထားပြီး B-1 နဲ့ B-2 ဗုံးကြဲလေယာဉ်တွေကို စတင် အစားထိုးမှာလည်း ဖြစ်ပါတယ်။ 

6 days Ago

August 1, 2022

ကယ်လီဖိုးနီးယားမြောက်ပိုင်းတွင် တောမီးလောင်

အမေရိကန်ပြည်ထောင်စု၊ ကယ်လီဖိုးနီးယားပြည်နယ်မြောက်ပိုင်းမှာ တောမီးလောင်ကျွမ်းနေတာ ဇူလိုင် ၃၀ ရက်အထိ ဧက  ၃၀၀၀၀ ကျော် လောင်ကျွမ်းသွားပြီလို့ အမျိုးသားသစ်တောဌာနက ပြောပါတယ်။ 

ဝိုင်ရီးကာမြို့အနီးမှာ အရှိန်ပြင်းပြင်းနဲ့ လောင်နေတဲ့ တောမီးကို မက်ကင်စီ တောမီးလို့ မီဒီယာတွေမှာ ဖော်ပြပါတယ်။ 

ကယ်လီဖိုးနီးယားအုပ်ချုပ်ရေးမှူး ဂါဗင်နယူးဆွန်က စီစီကီယူ နယ်မြေကို အရေးပေါ် အခြေအနေ ကြေညာထားပြီး ဝိုင်ရီကာမြို့က လူတွေကိုလည်း ဘေးလွတ်ရာ ကယ်ထုတ်ဖို့ အမိန့်ပေးထားပါတယ်။ 

မိုးကြိုးမုန်တိုင်းနဲ့ လေပြင်းတိုက်ခိုက်မှုတွေလည်းဖြစ်နေတာကြောင့် မီးကို ထိန်းချုပ်ဖို့ အခက်အခဲ ဖြစ်နေတယ်လို့ မီးသတ်ဌာန အရာရှိတွေက ပြောပါတယ်။ 

4 months Ago
More News
Up