ကယ်ရာလာပြည်နယ်

August 8, 2020

အိန္ဒိယတွင် ခရီးသည်တင်လေယာဉ် ပျက်ကျမှုကြောင့် ၁၈ ဦးသေဆုံး၊ ၁၀၀ ကျော် ဒဏ်ရာရ

အိန္ဒိယနိုင်ငံတောင်ပိုင်း ကယ်ရာလာပြည်နယ်မှာ သြဂုတ် ၇ ရက်က ခရီးသည်တင်လေယာဉ် တစီး အဆင်းမှာ ပျက်ကျခဲ့တာကြောင့်  ၁၈ ယောက်ထက် မနည်း သေဆုံးပြီး ၁၀၀ ကျော် ဒဏ်ရာရခဲ့ပါတယ်။    Boeing-737 လေယာဉ်ပေါ်မှာ ခရီးသည်နဲ့ လေယာဉ်အမှုထမ်း  ၁၉၀ လိုက်ပါလာပြီး အဲဒီထဲမှာ နို့စို့ကလေးငယ် ၁၀ ယောက် ပါဝင်တယ်လို့လည်း သိရပါတယ်။   Air India Express ပိုင်  လေယာဉ်ဟာ  ဒူဘိုင်းကနေ ကိုဇီကို့မြို့ ကယ်လီကတ် အပြည်ပြည်ဆိုင်ရာလေဆိပ်ကိုအဆင်း  မိုးကြီးနေချိန် ပျက်ကျခဲ့တာပါ။  လေယာဉ်ဟာ ၃၅ ပေ နက်တဲ့ တောင်ကြားထဲကျချိန်မှာ ကိုယ်ထည်နှစ်ပိုင်း ကျိုးသွားတယ်လို့ အာဏာပိုင်တွေက ပြောဆိုပါတယ်။   မိုးလေထဲမှာ  ကယ်ဆယ်ရေး ဝန်ထမ်းတွေက  အသက်ရှင်သူတွေကို  ရှာဖွေနေပါတယ်။ မိုးကြီးတာကြောင့် ပထမဆုံးအကြိမ် လေယာဉ် မဆင်းသက်နိုင်ဘဲ  ပြန်လှည့်ကာ  မတူညီတဲ့ လားရာကနေ ဆင်းသက်ဖို့ ကြိုးပမ်းခဲ့တာလို့ ပြည်သူ့လေကြောင်းဝန်ကြီး DD News သတင်းဌာနကို ပြောဆိုပါတယ်။ လေယာဉ်အဆင်းမှာ မီးမလောင်ခဲ့တာကြောင့်လည်း ခရီးသည်  အများစုကို ကယ်ဆယ်နိုင်ခဲ့တာလို့ ဝန်ကြီးပြောကြောင်း  ရိုက်တာသတင်းမှာ ဖော်ပြထားပါတယ်။  
1 year Ago

အိန္ဒိယတောင်ပိုင်းတွင် မြေပြိုမှုကြောင့် အနည်းဆုံး ၇ ဦး သေဆုံး

အိန္ဒိယနိုင်ငံ တောင်ပိုင်း ကယ်ရာလာပြည်နယ်မှာ မိုးကြီးရေလွှမ်းတာကြောင့် မြေပြိုမှုဖြစ်ခဲ့တာကြောင့် သြဂုတ် ၇ ရက်က လူ ၇ ယောက်ထက်မနည်း သေဆုံးခဲ့ပါတယ်။  ဒေသမီဒီယာ အဆိုအရ  အယောက်  ၈၀ ထက်မနည်း အပျက်အစီးတွေေအောက် ပိတ်မိ နေဆဲဖြစ်ပြီး သေဆုံးသူ  တိုးလာနိုင်ဖွယ် ရှိပါတယ်။  ဗွီဒီယိုထဲမှာ တောတောင်ထူတဲ့ အီဒွတ်ကီခရိုင် မြေပြိုနေရာက ရုပ်အလောင်းတွေကို ကယ်ဆယ်ရေးသမားတွေ သယ်ဆောင်လာတာကို တွေ့ရပါတယ်။  အိန္ဒိယနိုင်ငံရဲ့ သီးနှံလယ်မြေ ထက်ဝက်လောက်ဟာ ဆည်သွင်းရေ မရတာမို့ နှစ်စဉ် မုတ်သုံရာသီဟာ နိုင်ငံအတွက် အရေးပါလှပါတယ်။  မုတ်သုံမိုးဟာ  ကျေးလက်ဒေသမှာ နေထိုင်ပြီး လယ်ယာလုပ်ငန်းကို အားထားနေတဲ့ အိန္ဒိယလူဦးရေရဲ့  သုံးပုံနှစ်ပုံကို  အထောက်အကူ ပြုနေတာပါ။  ဒါပေမဲ့ မိုးအလွန်အကျွံ ရွာမှုကြောင့်  ရေကြီး မြေပြိုတာနဲ့ ရေကြောင့်ဖြစ်တဲ့ ရောဂါလို ပြဿနာ အများအပြားလည်း ရှိတယ်လို့ ရိုက်တာသတင်းမှာ ဖော်ပြထားပါတယ်။
1 year Ago
Up