ကယ်ထုတ်

January 22, 2021

ပိတ်မိရွှေလုပ်သားများကို ကယ်ထုတ်ရန်  ၁၅ ရက် စောင့်ရမည်ဟု တရုတ်အာဏာပိုင်များ ပြော

ပိတ်မိနေတဲ့ တရုတ်ရွှေတွင်းလုပ်သားတွေကို ကယ်ဆယ်မယ့် လမ်းကြောင်းမှာ တစ်ဆို့ နေတဲ့ အရာရှိနေလို့ ပိတ်မိနေသူတွေကို ကယ်ထုတ်ဖို့ နောက်ထပ် ၁၅ ရက် စောင့်ဆိုင်း ရမယ်လို့ အာဏာပိုင်တွေက ဇန်နဝါရီ ၂၁ ရက်မှာ ပြောပါတယ်။  တရုတ်နိုင်ငံ ရှန်ဒေါင်းပြည်နယ်က ဟူရှန်ရွှေတွင်းဟာ ဇန်နဝါရီ ၁၀ ရက်က  ပေါက်ကွဲပြီး စုစုပေါင်း တွင်းလုပ်သား ၂၂ ယောက် ပိတ်မိခဲ့ပါတယ်။  ပိတ်မိနေသူတွေထဲက တစ်ယောက် သေဆုံးပြီး  ၁၁ ယောက်ကတော့ အသက်ရှင်နေသေးပါတယ်။ ကျန်လုပ်သား ၁၀ ယောက်ကတော့ ပျောက်ဆုံးနေဆဲ ဖြစ်ပါတယ်။ ကယ်ဆယ်ရေးသမားတွေဟာ တွင်းသစ်တွေတူးပြီး  ပိတ်မိလုပ်သားတွေထံ ဆေးဝါးနဲ့ အစားအစာတွေ ပို့ဆောင်ပေးနေပါတယ်။ 
12 months Ago

October 30, 2020

ချမ်းအေးသာစံမြို့နယ်တွင် မီးလောင်၊ ပိတ်မိနေသူ ၁၁ ဦးအား ကယ်ထုတ်နိုင်ခဲ့

မန္တလေးမြို့၊ ချမ်းအေးသာစံမြို့နယ် ဟေမာဇလရပ်ကွက် ၂၉ လမ်း၊ ၇၉ လမ်းနဲ့ ၈၀ လမ်းကြားရှိ စားသောက်ဆိုင်တခုက အလုပ်သမားအိပ်ဆောင်မှာ အောက်တိုဘာ ၃၀ ရက် မနက် ၂ နာရီ ၃၇ မိနစ်က မီးလောင်မှု ဖြစ်ပွားခဲ့ပါတယ်။ ဖြစ်စဉ်မှာ အလုပ်သမားတွေက ကြွပ်ကြွပ်အိတ်ထဲ ဖုန်း ၂ လုံးထည့်ပြီး အားသွင်းရာမှ အပူလွန်ကဲပြီး အောက်ရှိ ဂျပ်ဖာအဟောင်းတွေပေါ် ပြုတ်ကျပြီး မီးလောင်မှုဖြစ်ပွားခဲ့တာပါ။ မီးလောင်မှုဖြစ်ပွားရာကို တိုင်းဒေသကြီး မီးသတ်ဦးစီးမှူး ဦးသန်းဇော်ဦး ဦးဆောင်ပြီး မီးငြိမ်းသတ်ယာဉ် ၂၅ စီး၊ ရေသယ်ယာဉ် ၅ စီး၊ အုပ်ချုပ်မှုယာဉ် ၃ စီး၊ သန္ဓေ ၆၀ ဦး၊ အရန် ၁၃၀ ဦးတို့နဲ့ သွားရောက်ငြိမ်းသတ်ခဲ့ရာ မနက် ၃ နာရီ ၁၇ မိနစ်မှာ မီးလုံးဝ ငြိမ်းသတ်နိုင်ခဲ့ပါတယ်။ မီးလောင်မှုကို Level 2 အဆင့် သတ်မှတ်ခဲ့ပြီး မီးလောင်မှုကြောင့် အပေါ်ထပ်ရှိ ပိတ်မိနေသူ ၁၁ ဦးအား အသက်ရှင်လျက် ရှာဖွေကယ်ထုတ်နိုင်ခဲ့ပါတယ်။ အလုပ်သမားအိပ်ဆောင်နဲ့ မီးဖိုဆောင် မီးလောင်ကျွမ်းခဲ့မှု စုစုပေါင်းဆုံးရှုံးမှုတန်ဖိုး ကျပ်သိန်း ခြောက်ဆယ်ဖိုး မီးလောင်ဆုံးရှုံးခဲ့ပါတယ်။ ချမ်းအေးသာစံမြို့နယ်၊ အမှတ် (၈) ရဲစခန်းမှ ပိုင်ရှင် ဦးမြင့်ဆွေအား (ပ) ၄၂၉/၂၀၂၀၊ ပုဒ်မ ၂၈၅ နဲ့ အမှုဖွင့် အရေးယူထားတယ်လို့ သိရပါတယ်။ သော်တာ  
1 year Ago
More News
Up