ကယ်ဆယ်ရေးလေယာဉ်

A d v e r t i s e m e n t With Us

August 27, 2020

အတည်ပြုလူနာအမှတ် ၅၈၀ ကယ်ဆယ်ရေးလေယာဉ်ဖြင့် ပြန်လာသူဖြစ်

သြဂုတ်လ ၂၆ ရက်နေ့ညက ကျန်းမာရေးနဲ့အားကစားဝန်ကြီးဌာနက ထုတ်ပြန်တဲ့ အမေရိကန်ကပြန်လာတဲ့ အတည်ပြုလူနာအမှတ် ၅၈၀ ဟာ သြဂုတ်လ ၁၈ ရက်နေ့က ကယ်ဆယ်ရေးလေယာဉ်နဲ့ ပြန်လာတဲ့သူဖြစ်ပါတယ်။  သူဟာ သြဂုတ် ၂၅ ရက်ညက ထုတ်ပြန်တဲ့ အတည်ပြုလူနာ ၄၇၆ ရဲ့ သမီးဖြစ်တယ်လို့ Quarantine စင်တာ တာဝန်ရှိသူထံက သိရပါတယ်။  သူတို့ကို လှိုင် Quarantine စင်တာမှာ တစ်ခန်းတည်း အတူထားတာဖြစ်ပြီး လက်ရှိ Quarantine စင်တာမှာတော့ သူတို့နဲ့ ထိတွေ့သူ မရှိဘူးလို့ သိရပါတယ်။  သူတို့ကို ဝေဘာဂီဆေးရုံကို ပို့ဆောင်ထားပြီး ဆေးကုသပေးနေတာ ဖြစ်ပါတယ်။  သြဂုတ် ၁၈ ရက်နေ့က ကယ်ဆယ်ရေးလေယာဉ်မှာ အာရပ်စော်ဘွားများ ပြည်ထောင်စုနိုင်ငံက ၁ ဦး၊ ချက်သမ္မတနိုင်ငံက ၁ ဦး၊ ဩစတြီးယား ၂ ဦး၊ ဗီယက်နမ်က ၂ ဦး၊ အီတလီက ၂ ဦး၊ ဆွဇ်ဇာလန်က ၃ ဦး၊ ဘရာဇီးက ၃ ဦး၊ အင်ဒိုနီးရှားက ၄ ဦး၊ ဗြိတိန်က ၃ ဦး၊ ကနေဒါက ၄ ဦး၊ ဘယ်လ်ဂျီယံက ၅ ဦး၊ အီဂျစ် ၅ ဦး၊ အမေရိကန်က ၂၉ ဦး၊ ကိုရီးယားက ၂၈ ဦး၊ သင်္ဘောသား ၁၇ ဦး၊ မြန်မာနိုင်ငံသား စုစုပေါင်း ၁၀၉ ဦးကို ကိုရီးယားနိုင်ငံ အင်ချွန်းလေဆိပ်ကတစ်ဆင့် ကယ်ဆယ်ရေးလေယာဉ်နဲ့ ပြန်လည်ခေါ်ယူခဲ့တယ်လို့ နိုင်ငံခြားရေးဝန်ကြီးဌာန လူမှုကွန်ရက်စာမျက်နှာမှာ ရေးသားဖော်ပြထားပါတယ်။  သတင်း - နူးရာ
5 months Ago

August 18, 2020

ထိုင်းနိုင်ငံတွင်အခက်ကြုံနေသည့် မြန်မာနိုင်ငံသား ၅၃ ဦးကို ကယ်ဆယ်ရေးလေယာဉ်ဖြင့်ပြန်ခေါ်

ကိုဗစ်-၁၉ ကပ်ဘေးကာလ ထိုင်းနိုင်ငံမှာ အခက်အခဲကြုံတွေ့နေရတဲ့ မြန်မာနိုင်ငံသား ၅၃ ဦးကို မြန်မာနိုင်ငံသို့ပြန်လည်ခေါ်ဆောင်ခဲ့တယ်လို့ နိုင်ငံခြားရေးဌာနက သတင်းထုတ်ပြန်ပါတယ်။ နိုင်ငံတကာခရီးသည်တင် လေယာဉ်များပျံသန်းမှု ယာယီရပ်ဆိုင်းထားတာကြောင့် ထိုင်းနိုင်ငံ မှာ အခက်အခဲကြုံတွေ့နေရတဲ့ မြန်မာနိုင်ငံသား ၅၃ ဦးတို့ကို မြန်မာအမျိုးသား လေကြောင်းလိုင်း (MNA) ကယ်ဆယ်ရေးလေယာဉ်နဲ့ ခေါ်ဆောင်ခဲ့ရာ မနေ့ညက ရန်ကုန်လေဆိပ်ကို ပြန်လည်ရောက်ရှိလာတယ်လို့ဆိုပါတယ်။ ပြန်ရောက်လာသူတွေကို ကျန်းမာရေးစိစစ်ပြီး သတ်မှတ်နေရာတွေမှာ ၂၁ ရက် အသွားအလာ ကန့်သတ်စောင့်ကြပ်ထားရှိမှာဖြစ်ပါတယ်။ ကပ်ဘေးကာလ ပြည်ပနိုင်ငံတွေမှာ အခက်အခဲကြုံတွေ့နေရတဲ့ မြန်မာနိုင်ငံသားတွေကို အစိုးရက  ကယ်ဆယ်ရေးလေယာဉ်တွေ၊ အထူးလေယာဉ်တွေနဲ့  မြန်မာနိုင်ငံသို့ ပြန်လည် ခေါ်ဆောင်ပေးနေရာမှာ ထိုင်းနိုင်ငံမှ ကယ်ဆယ်ရေးလေယာဉ် ၇ ကြိမ် ပျံသန်းပြေးဆွဲခဲ့ပြီး ဖြစ်တယ်လို့ သိရပါတယ်။ ဓာတ်ပုံ- MOFA
5 months Ago
More News
Up