ကယ်ဆယ်

A d v e r t i s e m e n t With Us

January 10, 2021

ဆလုံကျွန်းအနီး ငါးသယ်လှေနစ်မြုပ်၊ ရေကြောင်းရဲက ကူညီကယ်ဆယ်

တနင်္သာရီတိုင်း ကော့သောင်းမြို့၊ ဆလုံကျွန်းအနီး ရေပြင်မှာ ဇန်နဝါရီ ၉ ရက်နေ့က ငါးသယ်လှေတစီး ရေဝင်နစ်မြုပ်ခဲ့တဲ့တွက် ကော့သောင်းရေကြောင်းရဲတပ်ဖွဲ့က ကူညီကယ်ဆယ်ခဲ့တယ်လို့ သိရပါတယ်။

နစ်မြုပ်လှေမှာ ကျော်ဇေယျာ - ၅၅ အမည်ရှိ အလျား ပေ ၆၀၊ အနံ ၁၆ ပေ၊ ရေစူး ၆ ပေရှိ ငါးသယ်လှေဖြစ်ပါတယ်။

အဲဒီလှေဟာ လှေသား ၆ ယောက်နဲ့ ကော့သောင်းကနေ ရေခဲတွေ တင်ဆောင်ထွက်ခွာလာရာ ဆလုံကျွန်းအနီးမှာ ရေမြုပ်ကျောက်ဆောင်ကို တိုက်မိပြီး ရေဝင်နစ်မြုပ်ခဲ့တာလို့ ကော့သောင်းရေကြောင်းရဲတပ်ဖွဲ့ရဲမှူး ရဲမင်းထက်က ပြောပါတယ်။

ကော့သောင်း ရေကြောင်းရဲတပ်ဖွဲ့က အခင်းဖြစ်နေရာကို ရဲရေယာဉ် "ရဲမန်အောင် ၃၃၄" နဲ့ ရဲရေယာဉ် ၀၁၆၊ ရေယာဉ် ၂ စီးနဲ့ သွားရောက် ရှာဖွေကယ်ဆယ်ခဲ့ပြီး လူထိခိုက်ဒဏ်ရာရရှိတာ မရှိဘူးလို့ သိရပါတယ်။

လတ်ကိုကိုဦး

2 months Ago

January 9, 2021

နှင်းမုန်တိုင်းကြောင့် ပိတ်မိနေသည့် ယာဉ်မောင်းများကို စပိန်စစ်တပ် ကယ်ဆယ်

စပိန်နိုင်ငံမြို့တော် မက်ဒရစ်မှာ ဇန်နဝါရီ ၈ ရက်က ဖီလော်မီနာ နှင်းမုန်တိုင်းတိုက်ခတ်လို့ လမ်းတွေပိတ်ဆိုပြီး မက်ဒရစ်လေဆိပ်ကိုလည်း ပိတ်ထားပါတယ်။   ယာဉ်မောင်းထောင်ချီ  ကားထဲမှာ ပိတ်မိနေပြီး  ပိတ်မိနေတဲ့ ယာဉ်မောင်းတွေကို စစ်တပ်က ကယ်ဆယ်ခဲ့ရပါတယ်။  နှင်းမုန်တိုင်းကြောင့် ယာဉ်အသွားအလာ ပိတ်ဆို့နေတဲ့ လမ်းမကြီးပေါင်း ၄၀၀ ကျော်မှာ  မက်ဒရစ်မြို့အနီးက M-30  နဲ့ M-40 မော်တော်ကား လမ်းမတွေလည်း ပါဝင်တယ်လို့ ယာဉ်ထိန်းရဲတွေက ဆိုပါတယ်။  မကြုံစဖူး နှင်းမုန်တိုင်းတွေ တိုက်နေတာမို့လည်း ပြည်သူတွေကို မလိုအပ်ဘဲ ခရီးမသွားဖို့ ညွှန်ကြားထားပါတယ်။  ဇန်နဝါရီ ၈ ရက်က  စုစုပေါင်းနှင်းထု  ၈ လက်မ အထိကျခဲ့ပြီး အပူချိန်ဟာလည်း  ကျဆင်းကာ ရေခဲမှတ်ဝန်းကျင်မှာ ရှိတယ်လို့ မိုးလေဝသပညာရှင်တွေက ခန့်မှန်းပါတယ်။  စပိန်မြောက်ပိုင်း  ဗက်ကာဒေးလောင်းဒက်စ် အရပ်မှာတော့ အပူချိန် စံချိန်တင် ကျဆင်းပြီး အနုတ် ၃၅ ဒသမ ၆ ဒီဂရီ စင်တီဂရိတ်ရှိတယ်လို့  မိုးလေဝသပညာရှင်တွေက ပြောပါတယ်။ 
2 months Ago
More News
Up