အမေရိကန်နိုင်ငံ ကယ်လီဖိုးနီးယားပြည်နယ်မှာ လက်ရှိလောင်ကျွမ်းနေတဲ့ တောမီးဟာ ပြည်နယ်သမိုင်းမှာ အကြီးဆုံးဖြစ်ပြီး အခုချိန်မှာတော့ တောမီးရဲ့ ၃၆ ရာခိုင်နှုန်းကို ထိန်းချုပ်နိုင်ပြီလို့ ဗွီအိုအေသတင်းဌာနက ထုတ်ပြန်ပါတယ်။ တောမီးဟာ နေရာ ၂ ခုမှာ အကြီးအကျယ် လောင်ကျွမ်းနေပြီး အဲဒီထဲက တခုဖြစ်တဲ့ မန်ဒိုစီနိုတောမီးဟာ ၄၄၃ စတုရန်းမိုင်ကို လောင်ကျွမ်းခဲ့ပြီးပါပြီ။ ကမ္ဘာ့ရာသီဥတု ပြောင်းလဲမှုအတွင်း ပိုပူတဲ့ ရာသီဥတုကြောင့် မီးအား ပိုပြင်းခဲ့တာလို့ မီးသတ်ပညာရှင်တွေက ပြောပါတယ်။ မီးသတ်သမား အယောက် ၁ သောင်း ၄ ထောင်ကျော်က မီးကို ကြိုးစားငြှိမ်းသတ်နေတယ်လို့ ပြည်နယ် သစ်တောနဲ့ မီးဘေးကာကွယ်ရေး ပြောခွင့်ရက ဆိုပါတယ်။

ကယ်လီဖိုးနီးယားတောမီးဟာ လေပြင်းတိုက်ခိုက်မှုကြောင့် ပိုမိုအားကောင်းလာပြီး ဒီဇင်ဘာလ ၁၆ ရက်နေ့က ပြည်နယ်သမိုင်းမှာ တတိယမြောက်အကြီးဆုံး တောမီးအဆင့်ကို  ရောက်ရှိလာခဲ့ပါတယ်။ ဒီအတွက် အနီးဝန်းကျင်ဒေသခံတွေကို အတင်းအကျပ် ဘေးလွတ်ရာပြောင်းရွှေ့ခဲ့ပြီး တချို့ဒေသတွေမှာတော့ ပြာမှုန်တွေဟာ နှင်းကျသလို ကျရောက်ခဲ့ပါတယ်။ ဆန်တာဘာဘရာကောင်တီ မီးသတ်တပ်ဖွဲ့ အကြီးအကဲက “ကယ်လီဖိုးနီးယားတောမီးကို မကောင်းဆိုးဝါးအဖြစ် တင်စားခေါ်ဝေါ်ခဲ့ပါတယ်။ မီးသတ်တပ်ဖွဲ့ဝင်တွေနေနဲ့  တောမီးကို အပြီးတိုင် ငြှိမ်းသတ်မှာဖြစ်တယ်” လို့ ပြောကြားခဲ့ပါတယ်။ ကယ်လီဖိုးနီးယား တောမီးကာကွယ်ရေး အကြီးအကဲက တောမီးဟာ ဆန်တာဘာဘရာ အရှေ့ခြမ်းတလျှောက် ခန့်မှန်း ဧက ၄,၀၀၀ လောက် လောင်ကျွမ်းခဲ့ တယ်လို့  ဆိုပါတယ်။ အဲဒီ ကယ်လီဖိုးနီးယားတောမီးကို မီးသတ်တပ်ဖွဲ့ဝင် ၈,၅၀၀ နီးပါး ၊ မီးသတ်ကား အစီးရေ ၁,၀၀၀ ခန့်  ၊ မီးသတ်ရဟတ်ယာဉ် ၃၂ စင်းနဲ့ ငြှိမ်းသတ်နေပြီး စနေနေ့ မနက်ပိုင်းမှာတော့ တောမီးလောင်မှု ၄၀ ရာခိုင်နှုန်း ကို ထိန်းချုပ်နိုင်ခဲ့ပါတယ်။ ဒီတောမီးဟာ ပြည်နယ်သမိုင်းမှာ သတ္တမမြောက် အပျက်အစီး အများဆုံးဖြစ်တယ်လို့ တာဝန်ရှိသူတွေကို ကိုးကားပြီး ရိုက်တာ သတင်းမှာဖော်ပြထားပါတယ်။