ကယားပြည်နယ်

A d v e r t i s e m e n t With Us

June 8, 2019

ကယားပြည်နယ်တွင် တက္ကသိုလ်ဝင်စာမေးပွဲအောင်မြင်သူ ၂၀၆၆ ဦးရှိ

ဒီနေ့ထုတ်ပြန်လိုက်တဲ့ ကယားပြည်နယ် တက္ကသိုလ်ဝင်စာမေးပွဲအောင်ချက်မှာ အောင်မြင်သူ ၂၀၆၆ ဦးရှိပြီး ဂုဏ်ထူးထွက်သူ စုစုပေါင်း ၄၆၄ ဦး ရှိတယ်လို့ ပြည်နယ်ပညာရေးမှူးရုံးက ပြောပါတယ်။ ကယားပြည်နယ်အတွင်း ၂၀၁၈-၁၉ ခုနှစ်ပညာသင်နှစ်အတွက် တက္ကသိုလ်ဝင် စာမေးပွဲကို စာစစ်ဌာန ၁၉ ခုကနေ ကျောင်းသူ၊ ကျောင်းသားပေါင်း ၇၃၈၈ ဦး ၀င်ရောက်ဖြေဆိုခဲ့ရာ ၂၀၆၆ ဦး ဖြေဆိုအောင်မြင်ခဲ့တယ်လို့ ပြည်နယ်ပညာရေးမှူးရုံးက ပြောပါတယ်။ တပြည်နယ်လုံး အတိုင်းအတာနဲ့ ၅ ဘာသာဂုဏ်ထူး ၁ ဦးထွက်ရှိပြီး ၄ ဘာသာ ဂုဏ်ထူး ၃ ယောက်၊ ၃ ဘာသာ ဂုဏ်ထူး ၃၂ ဦး ထွက်ရှိကြောင်းလည်း စီမံကိန်းကြီးကြပ်အကဲဖြတ်ဌာန  ဒုကြီးကြပ်ရေးမှူး ဒေါ်အေးနန္တာဦးက ပြောပါတယ်။ “အောင်မြင်တာက ၂၀၆၆ ပါရှင်၊ ရာခိုင်နှုန်းအားဖြင့် ၂၇.၉၆ ပါရှင့်။ ကျမတို့အခုဆိုလို့ရှိရင် (5D) တယောက်ထွက်ပါတယ်။ (4D) က သုံးယောက်ပါ။ 3D က ၃၂ ယောက်ပါ။ 2D က ၆၃ ယောက်ပါ။ 1D က ၃၆၅ ယောက်ပါရှင့်။ ဂုဏ်ထူးထွက်စုစုပေါင်းက ၄၆၄ ယောက်ပါရှင်။” ၅ ဘာသာဂုဏ်ထူးရှင်က လွိုင်ကော် အထက ၂ က မငုဝါအောင်ဖြစ်တယ်လို့လည်း ပြောပါတယ်။ ၂၀၁၈-၁၉ တက္ကသိုလ်ဝင်တန်းစာမေးပွဲမှာ လွိုင်ကော်အကျဉ်းထောင်ကနေ စာမေးပွဲဖြေဆိုသူ ၄ ဦးရှိခဲ့ပေမယ့် အောင်မြင်ခြင်းမရှိခဲ့ပါဘူး။ ကယားပြည်နယ်က စာစစ်ဌာနတွေကတော့ လွိုင်ကော်မြို့နယ်မှာ ၁၀ ခု၊ ရှားတောမှာ ၁ ခု၊ ဒီမော့ဆိုမြို့နယ်မှာ ၄ ခု ဖရူဆိုမြို့နယ် ၁ ခု၊ ဘောလခဲမှာ ၁ ခု၊ ဖားဆောင်းမြို့နယ်မှာ ၁ ခု၊ မယ်စဲမြို့နယ်မျာ ၁ ခု အားလုံး ၁၉ ခုကနေ စာမေးပွဲဝင်ရောက်ဖြေဆိုဖို့ စာရင်းပေးထားသူပေါင်း  ၇၇၉၁ ဦးရှိခဲ့ပေမယ့် ၇၃၈၈ ဦးသာ ဖြေဆိုခဲ့ပါတယ်။ ကယားပြည်နယ်မှာ ပြီးခဲ့တဲ့ ၂၀၁၈ ခုနှစ်က တက္ကသိုလ်ဝင်စာမေးပွဲဖြေဆိုသူ အယောက် ၆၆၄၀ မှာ ၁၆၇၀ ယောက်အောင်မြင်ခဲ့လို့ အောင်ချက် ၂၅.၂၃ ရာခိုင်နှုန်းရှိခဲ့ပါတယ်။
2 years Ago

May 31, 2019

ကယားပြည်နယ်တွင် မူလတန်းပြ ဆရာ၊ ဆရာမ ၃၄၇ ဦးကို အသစ်ခန့်အပ်

ကယားပြည်နယ်မှာ အခု ၂၀၁၉-၂၀ အခြေခံပညာသင်နှစ်အတွက် မူလတန်းပြဆရာဆရာမအသစ် ၃၄၇ ဦးကို လွန်ခဲ့တဲ့ ရက်ပိုင်းက ခန့်အပ်လိုက်တယ်လို့ ပြည်နယ်ပညာရေးမှူးရုံးက တာဝန်ရှိသူတဦးက ပြောပါတယ်။ ကယားပြည်နယ်ပညာရေးမှူးရုံး စီမံဌာနက ဒုညွန်ကြားရေးမှူး ဦးဝင်းစိုးက “ဆရာဆရာမ အင်အားကတော့ အခုကို ကျမတို့ မူလတန်းပြ ၃၄၇ ဦးခန့်ထားတာက ၃ ရက်လောက်ပဲ ရှိသေးတယ်။ အသစ်ခန့်တာတွေပေါ့နော်။ ဒါဒီနှစ်စာသင်နှစ် အလုပ်ဝင်မှာ၊ ၁ ရက်နေ့ကို စ၀င်ကြမှာ သင်တန်းဆင်းတွေ” လို့ ပြောပါတယ်။ ကယားပြည်နယ်မှာ အခုနှစ်အတွက် အခြေခံပညာ မူလတန်း၊ အလယ်တန်းနဲ့ အထက်တန်းကျောင်းတွေအတွက် ဆရာဆရာမ အင်အား ၄၀၀၀ လောက်ရှိတယ်လို့ ပြောပါတယ်။ ပြီးခဲ့တဲ့နှစ်ကတော့ ကျောင်းသူကျောင်းသား ၇၅၀၀၀ လောက်ရှိပြီး ဒီနှစ်မှာလည်း အလားတူ အင်အားလောက်ပဲ ရှိတယ်လို့ ခန့်မှန်းထားကြောင်း ဦးဝင်းစိုးက ပြောပါတယ်။ မေ ၂၅ ရက်နေ့ကနေ ၃၁ ရက်နေ့အထိ တနိုင်ငံလုံး အတိုင်းအတာနဲ့ ကျောင်းအပ်နှံရေး သတင်းပတ် သတ်မှတ်ထားပြီး ကယားပြည်နယ်မှာတော့ မြို့နယ်အလိုက်  ကျောင်းအပ်နှံရေး အခမ်းအနားတွေ ပြုလုပ်ခဲ့ပါတယ်။ ဒါ့အပြင် ဒီနှစ်ကျောင်းသူကျောင်းသားတွေအတွက် ပညာသင်ထောက်ပံ့မှုအနေနဲ့ ကျောင်းအပ်နှံရင် ကျောင်းသုံး ဖတ်စာအုပ်တွေ တစုံစီ အခမဲ့ပေးဝေသလို ဗလာစာအုပ်တွေကိုလည်း ထောက်ပံ့တယ်လို့ ဦးဝင်းစိုးက ပြောပါတယ်။ “KG ကနေပြီးတော့ Grade 11 အထိပေါ့ အဲဒါတွေကတော့ ကျနော်တို့ ကျောင်းသုံးဖတ်စာအုပ်တွေ၊ တစုံစီ အခမဲ့ထောက်ပံ့တယ်ဗျာ။ နောက်မူလတန်းအဆင့်ကို ဗလာစာအုပ် တဒါဇင် အခမဲ့ထောက်ပံတယ်ဗျာ။ ကလေးတိုင်း မူလတန်းအဆင့်ဟာ ကျောင်းသုံးစာအုပ် တစုံစီပါမယ်။ နောက်ဗလာစာအုပ် တဒါဇင်စီပါမယ်ဗျာ။ အဲဒီကျောင်းသုံးစာအုပ်နဲ့ ဗလာစာအုပ်ကိုလည်း ကျနော်တို့ မြို့တယ်တွေ၊ ခရိုင်တွေအထိကို ကျနော်တို့အကုန်လုံး အရောက်ပို့ထားပြီးပြီ၊ ဗလာစာအုပ်လည်း အရောက်ပို့ထားပြီးပြီဗျာ။ အကုန်လုံး လောက်အောင်ပို့ထားပြီးပြီ။ ကျောင်းအပ်တာနဲ့ အဲဒါတွေ ရတယ်ဗျာ။” ဒါ့အပြင် လာမယ့်ဇွန်လကစပြီး ကျောင်းအာဟာရ တိုက်ကြွေးတဲ့အစီအစဉ်နဲ့ အခုနှစ်မှာ မယ်စဲ့မြို့နယ်နဲ့ ဘောလခဲမြို့နယ်မှာ ပေးဝေမယ်လို့လည်း ပြောပါတယ်။ လွိုင်ကော်မြို့ အခြေခံပညာမူလတန်းကျောင်းမှာ ကျောင်းသွားအပ်တဲ့ မိဘတချို့ကို မေးမြန်းရာမှာတော့ ကျောင်းသုံးဖတ်စာအုပ်သာ ရရှိပြီး ဗလာစာအုပ် မရသေးဘူးလို့ ပြန်လည်ဖြေကြားခဲ့ပါတယ်။ “ကျမမြေးလေးကို အလက ၆ မှာ သွားအပ်ထားတယ်။ သူက ၂ တန်းတက်ရမယ်။ ကျောင်းအပ်တာ ကျောင်းသုံးဖတ်စာအုပ်တော့ ရတယ်။ ဗလာစာအုပ်တော့ မရသေးဘူး။” ကျောင်းသားမိဘ     နောက်တဦးကလည်း “ကျမ သားငယ်ကို အထက ၄ မှာ KG သွားအပ်ထားတယ်။ ကျောင်းသုံးစာအုပ်တော့ ရတယ်။ ဗလာစာအုပ်တော့မရဘူး” လို့ ပြောပါတယ်။ အခုနှစ်အတွက် ကျောင်းအပ်နှံရေးကာလမှာ တစုံတရာ အခက်အခဲတက်လာတာ မရှိသေးဘူးလို့လည်း ပညာရေးမှူးရုံး စီမံဌာနက ဒုညွန်ကြားရေးမှူး ဦးဝင်းစိုးက ပြောပါတယ်။
2 years Ago
More News
Up