ကယားပြည်နယ်ဝန်ကြီးချုပ်

February 1, 2022

စစ်ကောင်စီခန့် ဝန်ကြီးချုပ် ၂ ဦးနှင့် ဖွဲ့စည်းပုံခုံရုံး ဥက္ကဋ္ဌတို့ကို တာဝန်မှ အနားပေး

နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌ ဦးသန်းကျော်နဲ့ စစ်ကောင်စီခန့်ဝန်ကြီးချုပ်တွေ ဖြစ်ကြတဲ့ ရန်ကုန်တိုင်းဝန်ကြီးချုပ် ဦးလှစိုးနဲ့ ကယားပြည်နယ်ဝန်ကြီးချုပ် ဦးခင်မောင်ဦး(ခ) ဘူးရယ်တို့ကို  ဇန်နဝါရီ ၃၁ ရက်နေ့မှာ  တာဝန်ကနေ အနားပေးလိုက်ပါတယ်။

ကယားပြည်နယ်ဝန်ကြီးချုပ် ဦးခင်မောင်ဦး(ခ) ဘူးရယ်နဲ့ ရန်ကုန်တိုင်းဒေသကြီး ဝန်ကြီးချုပ် ဦးလှစိုးတို့ကို ဖွဲ့စည်းပုံအခြေခံဥပဒေ ပုဒ်မ ၄၂၉ အရ တာဝန်မှ အနားယူခွင့်ပြုကြောင်း စစ်ကောင်စီအတွင်းရေးမှူး ဒုဗိုလ်ချုပ်ကြီး အောင်လင်းဒွေး အမိန့်နဲ့ ထုတ်ပြန်ချက်မှာ ဖော်ပြပါတယ်။

စစ်တပ်အာဏာသိမ်းပြီး ၁ နှစ်မြောက်မှာ သူတို့ ခန့်တဲ့ဝန်ကြီးချုပ် နှစ်ယောက်ကို အခုလို အနားပေးလိုက်တာ ဖြစ်ပြီး ဘာကြောင့် ခုလိုအနားပေးလိုက်တယ်ဆိုတာကိုတော့ အသေးစိတ် ရေးသားထားတာမရှိပါဘူး။

ကယားပြည်နယ်မှာတော့ အာဏာသိမ်းပြီး ၁ နှစ်ဖြစ်လာတဲ့အထိ စစ်ကောင်စီရော၊ တော်လှန်ရေးအဖွဲ့အစည်းကပါ အုပ်ချုပ်ရေးမှာ ထိထိရောက်ရောက် မဆောင်ရွက်နိုင်သေးဘူးလို့ ကရင်နီပြည်အတိုင်ပင်ခံကောင်စီ (KSCC) ပြောခွင့်ရသူ ဦးအောင်ဆန်းမြင့်က ပြောပါတယ်။

“ကျနော်တို့ကတော့ တိုက်ပွဲကတော့ နေ့စဉ်နဲ့အမျှ ဖြစ်နေတယ်။ ရှင်းရှင်းပြောမယ်ဆိုရင်တော့ စစ်တပ်ကတော့ စစ်တပ်နေရာရှိတဲ့ တပ်ရင်းတွေနဲ့ ရုံးစိုက်ရာဒေသတွေမှာပဲ သူကတော့ အများဆုံး ပြန်ပြီးတော့ နေနေရတာရှိတယ်။ အပြင်ကို လှုပ်ရှားထွက်လိုက်တဲ့ တပ်တွေကတော့ ကျနော်တို့နဲ့ ထိတွေ့တိုက်ပွဲ ဖြစ်တယ်။ အဲတော့ ကျနော်တို့ဘက်က ထိန်းချုပ်နိုင်ပြီလားဆိုပြီးတော့ ..ပြောမယ်ဆိုရင်တော့ ကျနော်တို့ အခု အခြေအနေကတော့ ထိန်းချုပ်နိုင်တယ်ဆိုတဲ့ စကားထက် ဒီအုပ်ချုပ်ရေးနယ်မြေကို ကျနော်တို့ နှစ်ဘက်စလုံးကတော့ ထိရောက်တဲ့ဟာတွေ မချနိုင်ဘူး။ အဲသလို ဖြစ်နေတာပေါ့နော်။ အုပ်ချုပ်ရေး၊ ဥပဒေပြုရေး၊ တရားစီရင်ရေးဌာန တွေပေါ့။ ကျနော်တို့ကတော့ ပြောမယ်ဆိုရင်တော့ နေရာဒေသတွေကိုတော့ စစ်ရေးအရ သိမ်းပိုက်နိုင်တယ်လို့ ပြောလို့ရတယ်။ သို့သော်လည်း အခုန လိုအပ်ချက်ကတော့ တည်ငြိမ်တဲ့ အုပ်ချုပ်ရေး၊ ဥပဒေပြုရေး၊ တရားစီရင်ရေးကို ကျနော်တို့ ဆောင်ရွက်နိုင်ခြင်းမရှိသေးပါဘူး။ ”

ကယားပြည်နယ်မှာ အာဏာသိမ်းပြီးနောက်ပိုင်း တပြည်နယ်လုံးနီးပါး ငြိမ်းချမ်းစွာ ဆန္ဒပြခဲ့ကြပြီး စစ်ကောင်စီက လူထုတွေကို သေနတ်နဲ့ပစ်ခတ် ဖြိုခွင်းပြီး နောက်မှာတော့ ငြိမ်းချမ်းစွာ ဆန္ဒပြမှုကနေ လက်နက်ကိုင် တော်လှန်မှုတွေ စတင်ဖြစ်ပေါ်လာခဲ့ပါတယ်။

မေလကစပြီး ဒီးမော့ဆိုမြိုနယ်မှာ တိုက်ပွဲတွေ စတင်ဖြစ်ပွားခဲ့ပြီး မိုးဗြဲ၊ ဖယ်ခုံအထိ တိုက်ပွဲတွေ ကူးစက်ခဲ့ရာ ဒီကနေ့အထိ ကယားပြည်နယ်မြို့တော်လွိုင်ကော်မြို့ပါအဝင် တခြားမြို့တွေလည်း တိုက်ပွဲတွေနေ့စဉ် ဖြစ်ပွားနေပြီး စစ်ကောင်စီက လက်ကြီးအပြင် လေကြောင်းနဲ့ပါ တိုက်ခိုက်နေပါတယ်။

တိုက်ပွဲကြောင့် လွိုင်ကော်မြို့ခံ၊ ဒီမော့ဆိုမြို့ခံအပါအဝင် လူပေါင်း ၂ သိန်းနီးပါး ထွက်ပြေး တိမ်းရှောင်နေကြရပြီး အခုထိလည်း နှစ်ဖက်အဖွဲ့တွေအကြား အုပ်ချုပ်မှုကို မတည်ဆောက်နိုင်ဖြစ်နေတာဖြစ်ပါတယ်။

1 year Ago

October 27, 2020

ကယားပြည်နယ်ဝန်ကြီးချုပ်ဟောင်းအမှု ဖွဲ့စည်းပုံခုံရုံး အပြီးသတ်ဆုံးဖြတ်

ကယားပြည်နယ်ဝန်ကြီးချုပ်ဟောင်း ဦးအယ်လ်ဖောင်းရှိုက နိုင်ငံတော်သမ္မတမှတဆင့် တင်သွင်းထားတဲ့ တင်သွင်းလွှာအမှတ် ၁/၂၀၂၀ အမှုနဲ့ပတ်သက်ပြီး  အောက်တိုဘာ ၂၇ ရက် ဒီမနက် ၁၀ နာရီက နိုင်ငံတော်ဖွဲ့စည်းပုံအခြေခံဥပဒေဆိုင်ရာ ခုံးရုံးက e-Court စနစ်နဲ့ အပြီးသတ် ဆုံးဖြတ်ချက် ချမှတ်လိုက်ပါတယ်။  ဝန်ကြီးချုပ်ဟာ ဖွဲ့စည်းပုံအခြေခံ ဥပဒဆိုင်ရာခုံရုံးသို့ တင်သွင်းပိုင်ခွင့်ရှိကြောင်း ခုံရုံးက ဆုံးဖြတ်လိုက်သလို  စွပ်စွပ်ပြစ်တင်လိုပါက လွှတ်တော်ကိုယ်စားလှယ် အနည်းဆုံး  ၄ ပုံ ၁ ပုံက လက်မှတ်ရေးထိုးပြီး မိမိတို့ရဲ့ စွပ်စွဲချက်ကို သက်ဆိုင်ရာ လွှတ်တော်ဥက္ကဋ္ဌ ထံမှတဆင့် လွှတ်တော်သို့ အဆိုတရပ်အဖြစ် တင်သွင်းရမယ်လို့လည်း ဆုံးဖြတ်ချက်ချမှတ်လိုက်ပါတယ်။ “ဆုံးဖြတ်ချက်၊ ယင်းတင်သွင်းလွှာကို ခွင့်ပြုသည်။ ဖွဲ့စည်းပုံအခြေခံဥပဒေပုဒ်မ ၂၆၃ (ခ)နှင့် စပ်လျဉ်း၍ တိုင်းဒေသကြီးသို့မဟုတ်၊ ပြည်နယ်ဝန်ကြီးချုပ်သို့ မဟုတ်ဝန်ကြီးတစ်ဦးဦးအပေါ် ဖော်ပြပါအကြောင်း စွပ်စွဲပြစ်တင်လိုပါက သက်ဆိုင်ရာ တိုင်းဒေသကြီးလွှတ်တော်သို့မဟုတ်၊ ပြည်နယ်လွှတ်တော်ကိုယ်စားလှယ် စုစုပေါင်းဦးရေအနက် အနည်းဆုံး ၄ ပုံ ၁ ပုံက လက်မှတ်ရေးထိုးပြီး မိမိတို့၏ စွပ်စွဲချက်ကို သက်ဆိုင်ရာ လွှတ်တော်ဥက္ကဋ္ဌထံမှတဆင့် လွှတ်တော်သို့ အဆိုတရပ်အဖြစ်တင်သွင်းရမည်ဟု၊ အနက်အဓိပ္ပါယ်ဖွင့်ဆို လိုက်သည်။  ဖွဲ့စည်းပုံအခြေခံဥပဒေပုဒ်မ ၂၆၃ (ဂ) နှင့်စပ်လျဉ်း၍ သက်ဆိုင်ရာ လွှတ်တော်ဥက္ကဋ္ဌသည် စုံစမ်းစစ်ဆေးရေးအဖွဲ့ကို သင့်လျှော်သော လွှတ်တော်ကိုယ်စားလှယ်များဖြင့် ဖွဲ့စည်း၍ စွပ်စွဲချက်ကို စုံစမ်းစစ်ဆေးရမယ်ဟု အနက်အဓိပ္ပါယ်ဖွင့်ဆိုလိုက်သည်။” လို့ ခုံရုံးက ဆုံးဖြတ်လိုက်ပါတယ်။  ကယားပြည်နယ်ဝန်ကြီးချုပ်ဟောင်း ဦးအယ်လ်ဖောင်းရှိုကို ပြည်နယ်လွှတ်တော်က စွပ်စွဲ ပြစ်တင်ခဲ့မှုနဲ့ ပတ်သက်ပြီး  ဖွဲ့စည်းပုံအခြေခံဥပဒေနဲ့ ညီမညီ နိုင်ငံတော်ဖွဲ့စည်းပုံ အခြေခံ ဥပဒေဆိုင်ရာခုံရုံးက အောက်တိုဘာ ၆ ရက်မှာ    အွန်လိုင်းကနေ ကြားနာ စစ်ဆေးခဲ့ပြီး ဒီကနေ့အမိန့်ချက်မှတ်လိုက်တာ ဖြစ်ပါတယ်။ တိုင်းဒေသကြီး သို့မဟုတ် ပြည်နယ်ဝန်ကြီးချုပ်ပေါ် စွပ်စွဲပြစ်တင်ခြင်းနဲ့ပတ်သက်ပြီး  ဖွဲ့စည်းပုံအခြေခံဥပဒေ ပုဒ်မ ၂၆၃ ပုဒ်မခွဲ(ခ) နဲ့ (ဂ) တို့ကို အနက်အဓိပ္ပါယ်ဖွင့်ပေးဖို့ တင်သွင်းထားတဲ့ အပေါ်  ခုံရုံးက ကြားနာတာလည်း ဖြစ်ပါတယ်။ ဦးအယ်လ်ဖောင်းရှိုကို နိုင်ငံတော်သမ္မတက စက်တင်ဘာ ၃ ရက်နေ့ရက်စွဲပါ အမိန့်အမှတ် ၂၄/၂၀၂၀ နဲ့ ဝန်ကြီးချုပ်တာဝန်မှ ရပ်စဲပြီးဖြစ်တဲ့အတွက် သူဟာ နိုင်ငံတော်ဖွဲ့စည်းပုံ အခြေခံ ဥပဒေဆိုင်ရာ ခုံရုံးသို့တင်သွင်းလွှာတင်သွင်းခွင့် ရှိသူဟုတ်မဟုတ် အငြင်းပွားခဲ့တာဖြစ်ပါတယ်။  ဒါ့အပြင် စွပ်စွဲသူတွေထဲက တစ်ဦး နုတ်ထွက်သွားတဲ့အတွက် လွှတ်တော်ကိုယ်စားလှယ် စုစုပေါင်း ဦးရေအနည်းဆုံး ၄ ပုံ ၁ ပုံ ပြည့်ခြင်းမရှိတော့တဲ့ အခြေအနေမှာ စွပ်စွဲချက်ကို ပြည်နယ်လွှတ်တော်ကဆက်လက် စုံစမ်းစစ်ဆေးခဲ့တာနဲ့ပတ်သက်ပြီးလည်း ဥပဒေနဲ့ ညီညွတ်မှုရှိမရှိ အငြင်းပွားခဲ့ကြတာလည်း ဖြစ်ပါတယ်။ 
2 years Ago
More News
Up