ကမ်းပြို

A d v e r t i s e m e n t With Us

July 6, 2020

ရေနံချောင်းတွင် ကမ်းပြိုနေအိမ် ၃၀ ကျော်နှင့် ဘုန်းကြီးကျောင်း ရွှေ့ပြောင်းရန် အခက်တွေ့

မကွေးတိုင်း၊ ရေနံချောင်းမြို့နယ်၊ လမ်းကူးကျေးရွာမှာ ဧရာဝတီမြစ်ရေတိုက်စားပြီး ကမ်းပါး ပြိုကျနေတဲ့အတွက် နေအိမ် ၃၀ ကျော်နဲ့ ဘုန်းကြီးကျောင်းတစ်ကျောင်း ရွှေ့ပြောင်းဖို့ အခက်ခဲဖြစ်နေတယ်လို့ ဒေသခံတွေက ပြောပါတယ်။ လမ်းကူးကျေးရွာ ရွာခွဲတာဝန်ခံ ဦးနိုင်ဝင်းက “ဧရာဝတီမြစ်ရေတိုက်စားတာကြောင့် ကမ်းပါးပြိုကျလို့ နေအိမ် ၃၀ ကျော်လောက်ကို ကိုယ်ထူကိုယ်ထ ရွှေ့ပြောင်းနေရတော့ ဘုန်းတော်ကြီးကျောင်း ရွှေ့ပြောင်းပေးဖို့ အခက်ခဲဖြစ်နေတာပါ။ ကုန်းမြင့်တဲနေရာမှာရှိတဲ တောင်သူတွေထံ ယာကွက်တွေကို တစ်ဧကကို သိန်း ၃၀ ကျပ်နဲ့ဝယ်ယူပြီး မြေကွက်ရိုက် ရွှေ့ပြောင်းပေးနေပြီး တစ်အိမ်ထောင်ကို ၃ သိန်းကျပ်ကုန်ကျမယ်” လို့ ဒီဗွီဘီကိုပြောပါတယ်။ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနကတော့ ဖျက်ပြီးတဲ့နေအိမ်တွေအတွက် တစ်အိမ်ကို သုံးသိန်းကျပ်နှုန်း၊ လူတစ်ဦးကို ဆန်ရိက္ခာဖိုး ၂၁၀၀ ကျပ်နှုန်းစီ ထောက်ပံ့ပေးတယ်လို့ ဆိုပါတယ်။ လမ်းကူးကျေးရွာ ကျောင်းထိုင်ဆရာတော် ဦးနန္ဒိယက “ဘုန်းကြီးကျောင်းကို ဖျက်ပြီး ပြန်ဆောက်မယ့် စရိတ်က ၅၅ သိန်းကျပ်ကုန်ကျမယ့်အပြင် မြေနေရာ တစ်ဧ်ကို ကျပ်သိန်း ၃၀ ကုန်ကျမှဖြစ်တဲ့အတွက် ရပ်သူရွာသားတွေကလည်း စီးပွားရေးချို့တဲ့ကြတော့ ပြောင်းရွှေ့ဖို့ အခက်ခဲ ဖြစ်နေတယ်။ လတ်တလောအခြေနေမှာ ဘုန်းကြီးကျောင်းအတွက်မြေနေရာဝယ်ယူဖို့နဲ့ ကျောင်းပြန်ဆောက်ဖို့ အလှူရှင်လိုအပ်တယ်” လို့ မိန့်ပါတယ်။ မကွေးခရိုင်အုပ်ချုပ်ရေးမှူး ဦးစိုးနိုင်ကတော့ “နေအိမ်တွေရွှေ့ပြောင်းပေးဖို့အတွက် မြေနေရာ တစ်ဧကကို သိန်း ၃၀ ကျပ်နဲ့ ညှိနှိုင်းပေးပြီး ထောက်ပံငွေ တစ်သိန်း ကျပ်နဲ့ဆိုရင် တစ်အိမ်ကို နှစ်သိန်းကျပ်လောက်စိုက်ရမယ်” လို့ ပြောပါတယ်။ ဘုန်းကြီးကျောင်းရွှေ့ပြောင်းဖို့ကိုလည်း လွှတ်တော်ကိုယ်စားလှယ်တွေက ရန်ပုံငွေရှာဖွေပေးဖို့ စီစဉ်နေတယ်လို့ ဆိုပါတယ်။ လမ်းကူးကျေးရွာမှာ စာရင်းပေါက် အိမ်ခြေ ၅၀ ကျော်ခန့်ရှိပြီး အိမ်ခွဲတွေနဲ့ဆိုရင် အိမ်ခြေ ၈၀ ကျော်လောက်နေထိုင်တယ်လို့ ဒေသခံတွေကပြောပါတယ်။ မင်းထီး
8 months Ago

May 29, 2020

မကွေးတိုင်းတွင် ယခုနှစ်အတွင်း ကမ်းပြိုဘေး ၁၆ ကြိမ်ဖြစ်၊ နေအိမ် ၁၉၀ ကျော်ရွှေ့ပြောင်း

မကွေးတိုင်းမှာ အခုနှစ်အတွင်း ကမ်းပြိုဘေး ၁၆ ကြိမ်ဖြစ်ပွားပြီး နေအိမ် ၁၉၀ ကျော် ရွှေ့ပြောင်းပေးခဲ့တယ်လို့ ဘေးအန္တရာယ်ဆိုင်ရာ စီမံခန့်ခွဲမှု ဦးစီးဌာနက ပြောပါတယ်။ မကွေးတိုင်းဒေသကြီး ဘေးအန္တရာယ်ဆိုင်ရာစီမံခန်ခွဲမှု ဦးစီးဌာန ညွှန်ကြားရေးမှူး ဦးမြင့်စိုးက "ကမ်းပြိုဘေးဖြစ်ပွားခဲ့လို့ အိမ်ထောင်စု ၁၉၃ စု နဲ့ ဘာသာရေးအဆောက်ဦ ၁ လုံး ရွှေ့ပြောင်းပေးခဲ့ရပြီး လူဦးရေ ၇၆၀ ကျော် ဘေးသင့်ခဲ့ပါတယ်။ နေအိမ်တွေနဲ့ ဘာသာရေးအဆောက်ဦတွေကို ကမ်းပါးပြိုကျမှု မဖြစ်ပွားနိုင်တဲ့ နေရာတွေကို ရွှေ့ပြောင်းပေးခဲ့တာပါ။” လို့ ပြောပါတယ်။ ကမ်းပြိုဘေးသင့်ပြည်သူတွေအတွက် ဆန်ဖိုးငွေ ကျပ် ၁၂ သိန်းလောက်၊ အိမ်ဆောက်ပစ္စည်းဖိုး ၁၇၅ သိန်းကျပ် စုစုပေါင်း ၁၈၇ သိန်းဖိုးလောက် ထောက်ပံ့ပေးခဲ့တယ်လို့ ဆိုပါတယ်။ မကွေးတိုင်းအတွင်း ရေစကြို၊ ပခုက္ကူ၊ ရေနံချောင်းမြို့နယ်ရှိ ဧရာဝတီမြစ်ကမ်းနံဘေးက ကျေးရွာတွေမှာ နှစ်စဉ် ကမ်းပြိုမှုအဖြစ်များပြီး ပွင့်ဖြူ၊ စလင်းမြို့နယ်တွေမှာလည်း ကမ်းပါးပြိုကျတာတွေ ဖြစ်ပွားတယ်လို့ ဘေးန္တရာယ်ဆိုင်ရာ စီမံခန့်ခွဲမှု ဦးစီးဌာနက သိရပါတယ်။ သတင်း-မင်းထီး
9 months Ago
Up