ကမ်းနားလမ်း

February 20, 2021

မန္တလေးတွင် စစ်တပ်နှင့်ရဲက ပစ်ခတ်၍ အနည်းဆုံး လူ ၂ ဦးသေဆုံး

မန္တလေးမြို့ ကမ်းနားလမ်းမှာ ဒီနေ့ ညနေပိုင်းက စစ်တပ်နဲ့ ရဲတပ်ဖွဲ့က ပစ်ခတ်တာကြောင့် ၂ ယောက် သေဆုံးပြီး ၁၀ ယောက်ထက်မနည်း ဒဏ်ရာရရှိခဲ့တယ်လို့ ကနဦး သိရပါတယ်။

မြတ်ပါရမီ လူမှုကူညီရေးအသင်းတာဝန်ရှိသူတယောက်ကတော့ ၂ ယောက် သေဆုံးတယ်လို့ ဆိုပြီး သေဆုံးသူအရေအတွက်အားလုံးကို အတည်ပြုလို့ မရသေးပါဘူး။

နေ့လယ် ၂ နာရီလောက်က စတင်ပစ်ခတ်ခဲ့တာဖြစ်ပြီး သေနတ်နဲ့ အချက်ရေ သုံးလေးရာလောက် ပစ်ခတ်ခဲ့တာပါ။

ပစ်ခတ်တဲ့နေရာမှာ လေးခွ၊ ရာဘာကျည်တွေအပြင် ကျည်အစစ်တွေနဲ့ ပစ်ခတ်တယ်ဆိုတဲ့ ကျည်ခွံသက်သေတွေကို ပြည်သူတွေက ရရှိထားပါတယ်။ မန္တလေး မဟာအောင်မြေမြို့နယ် ကမ်းနားလမ်းက ပြည်တွင်းရေကြောင်းပို့ဆောင်ရေး (ဧရာဝတီဌာနခွဲ - မန္တလေး) ရဲ့ CDM ဝန်ထမ်းတွေကို ကုန်တင်သင်္ဘောထွက်ခိုင်းရာမှာ မထွက်တဲ့အတွက် သေနတ်နဲ့ ပစ်ခတ်ဖြိုခွင်းပြီး လူတချို့ ဖမ်းဆီးခံထားရပါတယ်။

2 months Ago

မဟာအောင်မြေမြို့နယ် ကမ်းနားလမ်း ပစ်ခတ်ဖြိုခွင်းမှု ၇ ဦး ဒဏ်ရာရ

မန္တလေး မဟာအောင်မြေမြို့နယ် ကမ်းနားလမ်းရှိ ပြည်တွင်းရေကြောင်းပို့ဆောင်ရေး (ဧရာဝတီဌာနခွဲ - မန္တလေး) ရဲ့ CDM ဝန်ထမ်းတွေအား ကုန်တင်သင်္ဘောထွက်ခိုင်းရာမှာ မထွက်တဲ့အတွက် သေနတ်နဲ့ ပစ်ခတ်ဖြိုခွင်းရာ ၇ ဦး ဒဏ်ရာရရှိခဲ့တယ်လို့ သိရပါတယ်။

သင်္ဘောလိုင်းက အာဏာဖီဆန်ရေး လှုပ်ရှားမှု (CDM) မှာ ပါဝင် သပိတ်မှောက်တဲ့ ဝန်ထမ်း ၁၀၀ ကျော် ရှိတယ်လို့ သိရပါတယ်။

အောင်အောင်နိုင်

2 months Ago

December 29, 2019

ကွန်တိန်နာဘားများ ပါသည့် ကမ်းနားလမ်းညဈေး ဆိုင်ခန်းများ ဇန်နဝါရီ ဖွင့်လှစ်မည်

ကွန်တိန်နာဘားတွေ ပါဝင်တဲ့ ကမ်းနားလမ်း ညဈေးက ဆိုင်ခန်းအများစုကို ဇန်နဝါရီလ နောက်ဆုံးပတ်မှာ ဖွင့်လှစ်သွားမယ်လို့ စီမံကိန်းကို အကောင်အထည်ဖော်နေတဲ့ A25 Myanmar Development ကုမ္ပဏီက ပြောပါတယ်။  Yangon Night Market ကို ရန်ကုန်မြို့တော် စည်ပင်သာယာရေးကော်မတီနဲ့ A25 Myanmar Development ကုမ္ပဏီတို့က ကမ်းနားလမ်းတလျှောက် ပန်းဆိုးတန်းလမ်းကနေ ရွှေတိဂုံဘုရား လမ်းအထိ ဖော်ဆောင်နေတာပါ။ လက်ရှိမှာ ဆိုင်ခန်းတွေရဲ့ ၇၅ ရာခိုင်နှုန်းလောက် ပြီးစီးနေပြီး ၁ လအတွင်း ဆိုင်အများစုကို ဖွင့်လှစ်တော့မယ်လို့ ဆိုပါတယ်။ Yangon Night Market မှာ စားသောက်ဆိုင် ၄ ဆိုင်၊ ကွန်တိန်နာဘား ၈ ဆိုင်၊ စားသောက်ဆိုင်ခန်းငယ် ၉၅ ဆိုင်၊  မြန်မာ့ရိုးရာလက်မှုပညာ အမှတ်တရပစ္စည်း အရောင်းဆိုင် ၃၀ တို့ ပါဝင်ပြီး ကွန်တိန်နာဘားဆိုင်နဲ့ စားသောက်ဆိုင်တို့မှာ အရက်ရောင်းချခွင့်မပြုဘဲ ဘီယာ၊ ကော့တေးပဲ ခွင့်ပြုသွားမယ်လို့သိရပါတယ်။ ကမ်းနားလမ်းညဈေးကို ကျပ် နှစ်ဘီလီယံကျော် အသုံးပြုပြီး A25 Myanmar Development ကုမ္ပဏီက ရာခိုင်နှုန်း ၆၀၊ ရန်ကုန်စည်ပင်က ရာခိုင်နှုန်း ၄၀ အကျိုးအမြတ်ခွဲဝေတဲ့ စနစ်နဲ့ အကောင်အထည်ဖော်နေတာ ဖြစ်ပါတယ်။
1 year Ago
More News
Up