ကမ်းခြေစောင့်တပ်

February 15, 2020

ဥရောပကိုသွားမည့် ရွှေ့ပြောင်းသူ ၈၀ ကျော်ကို စပိန်ကမ်းခြေစောင့်တပ် ကယ်ဆယ်

ဥရောပကိုသွားဖို့ စပိန်နိုင်ငံ ဂရန်းကန်နာရီယာကျွန်းကို ရောက်ရှိလာတဲ့ ကလေးငယ်တွေအပါအဝင် ရွှေ့ပြောင်းလာသူ ၈၅ ယောက်ကို ဖေဖော်ဝါရီ ၁၄ ရက်မှာ စပိန်ကမ်းခြေစောင့်တပ်က ကယ်ဆယ်လိုက်ပါတယ်။ ရွှေ့ပြောင်းလာသူ ၈၆ ယောက်မှာ မွေးကင်းစ ကလေးငယ် ၁ ဦး၊ ကလေးငယ် ၁၀ ဦး၊ အမျိုးသမီး ၂၈ ဦးနဲ့အမျိုးသား ၄၆ ဦးတို့ ပါဝင်ပြီး အမျိုးသမီး ၂၈ ဦးအနက် ၃ ဦးဟာ ကိုယ်ဝန်နဲ့ ဖြစ်တယ်လို့ ကြက်ခြေနီအဖွဲ့က ဆိုပါတယ်။   ရောက်လာတဲ့ မွေးကင်းစ ကလေးငယ်နဲ့ မိခင်တို့ကို  မြို့တော် လက်စ်ပမ်မက်စ်ရှိ ဆေးရုံကို ပို့ဆောင်လိုက်ပါတယ်။ ၂၀၂၀ ဇန်နဝါရီ ၃၁ ရက်အထိ စပိန်နိုင်ငံကို ရေကြောင်းကနေ လာရောက်တဲ့ ရွှေ့ပြောင်းလာသူ စုစုပေါင်းဟာ ပြီးခဲ့တဲ့နှစ် ကာလတူနဲ့ နှိုင်းယှဉ်ရင် ၅၅ ရာခိုင်နှုန်း လျော့ကျသွားခဲ့တယ်လို့ စပိန်ပြည်ထဲရေးဝန်ကြီးဌာန ကိန်းဂဏန်းတွေက ဖော်ပြပါတယ်။   ဒါပေမဲ့ မြေထဲပင်လယ်ကမ်းရိုးတန်း အဝင်အထွက်ကို ကင်းလှည့်ရေယာဉ်တွေနဲ့ တင်းကျပ်ထားတာမို့ ရွှေ့ပြောင်းလာသူတွေဟာ အတ္တလန္တိတ်လမ်းကြောင်းကို ပြောင်းလဲ ရွေးချယ်လာပြီး ကနေရီကျွန်းကို တရားမဝင် ရောက်လာသူတွေဟာ ၁၈ ဆလောက် မြင့်တက်လာတယ်လို့ ရိုက်တာသတင်းက ဆိုပါတယ်။
1 year Ago
Up