ကမ်ပိန်း

October 28, 2021

"ဝန်ထမ်းပြည်သူ လက်ကမ်းကူ”ကမ်ပိန်းတွင် ပါဝင် လှူဒါန်းနိုင်

ဆေးတက္ကသိုလ် ၁ ကျောင်းသားသမဂ္ဂက ဦးဆောင်တဲ့ "ဝန်ထမ်းပြည်သူ လက်ကမ်းကူ" ကမ်ပိန်းမှာ အားလုံးပါဝင်လှူဒါန်းနိုင်ဖို့ နှိုးဆော်ထားပါတယ်။

ဒီကမ်ပိန်းကတော့ တော်လှန်ရေးကြီး ၈ လကျော်ကြာမြင့်တဲ့တိုင်အောင် ရဲရဲတောက် တောင့်ခံထားပေးကြတဲ့ တော်လှန်ရေးရဲ့ ပထမဦးဆုံး သူရဲကောင်းတွေဖြစ်ကြတဲ့ CDM ပြည်သူ့ဝန်ထမ်းတွေကို  လစဉ်ထောက်ပံ့ပေးနေတဲ့ ကမ်ပိန်းတခု ဖြစ်ပါတယ်။

CDM ဝန်ထမ်းတွေဟာ ပြီးခဲ့တဲ့ ဖေဖော်ဝါရီလအစထဲက အာဏာသိမ်းစစ်ကောင်စီရဲ့ အ စိုးရယန္တရားကြီး မလည်ပတ်နိုင်ဖို့အတွက် အာဏာရှင်လက်အောက် ရုံးမတက်ဘဲ ရှေးဦး စွာ ရုန်းထွက်ခဲ့ကြတဲ့ ပြည်သူ့ဝန်ထမ်း သူရဲကောင်းတွေဖြစ်ကြပြီး အိမ်စွန့်၊ မိသားစုစွန့်၊ အလုပ်စွန့်ကာ တော်လှန်ရေးကြီးအတွက် ဘဝပေးထားကြသူတွေဖြစ်တာမို့ ပြည်သူလူထုတရပ်လုံးက မေ့ပျောက်ထားလို့မရဘဲ တတ်နိုင်သမျှ ကူညီဖေးမရမှာဖြစ်တယ်လို့ ဆို ပါတယ်။

ဒီကမ်ပိန်းကိုတော့ အောက်တိုဘာ ၂၇ ရက်ကနေ ၃၁ ရက်နေ့အထိ ကျင်းပသွားမှာဖြစ်ပြီး ပါဝင်လှူဒါန်းလိုသူတွေအနေနဲ့ ဆေးတက္ကသိုလ် ၁ ကျောင်းသားသမဂ္ဂ ရဲ့ ဖေ့စ်ဘွတ်ခ် လူမှုကွန်ရက်ကတဆင့် လာရောက်ဆက်သွယ်လှူဒါန်းနိုင်ကြောင်း အသိပေးဖိတ်ခေါ် ပါတယ်။

မြန်မာနိုင်ငံမှာ ပြီးခဲ့တဲ့ ဖေဖော်ဝါရီ ၁ ရက်က စတင်ကာ အကြမ်းဖက်စစ်အုပ်စုက မတရား အာဏာသိမ်းယူခဲ့တာကို ဆန့်ကျင်ဆန္ဒပြခဲ့ကြတဲ့ နွေဦးတော်လှန်ရေးကာလဟာ ၉ လနီးပါး ကြာမြင့်ခဲ့ပြီ ဖြစ်ပါတယ်။

ဒီကာလတွေအတွင်း စစ်တပ်ရဲ့ အကြမ်းဖက်ဖြိုခွင်းမှုတွေကြောင့် ထိခိုက်ကျဆုံးရသူတွေ၊ ဖမ်းဆီး ထောင်ချခံရသူတွေနဲ့အတူ နိုင်ငံတဝန်း တောရောမြို့ပါမကျန် ဒေသခံပြည်သူ့ ကာကွယ်ရေးတပ်တွေနဲ့ စစ်ကောင်စီတပ်တွေကြား တိုက်ပွဲတွေလည်း ပြင်းထန်နေတာပါ။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ)ရဲ့ ထုတ်ပြန်ချက်အ ရ လတ်တလောအချိန်ထိ အာဏာသိမ်းစစ်ကောင်စီတပ်ရဲ့ ပစ်ခတ်သတ်ဖြတ်မှုကြောင့် အပြစ်မဲ့ ကျဆုံးပြည်သူ ၁၂၂၀ နီးပါး၊ ဖမ်းဆီးထိန်းသိမ်းခံခဲ့ရသူပေါင်း ၉,၂၀၀ ကျော် ရှိတယ်လို့ ဆိုပါတယ်။

အမျိုးသားညီညွတ်ရေးအစိုးရ(NUG)ကတော့ စစ်အာဏာရှင် ဆန့်ကျင်ရေး ခုခံတွန်းလှန် စစ်စတင်ကြောင်းနဲ့ မင်းအောင်လှိုင် ဦးဆောင်တဲ့ အကြမ်းဖက် စစ်အုပ်ချုပ်ရေးကို လှည်း နေလှေအောင်း မြင်းဇောင်းမကျန် တွန်းလှန်တိုက်ဖျက်ကြဖို့ ပြီးခဲ့တဲ့ စက်တင်ဘာ ၇ ရက်က ကြေညာထားပါတယ်။

3 months Ago

September 24, 2021

သွေးစွန်းငွေဖြတ်တောက်ရေး လှုပ်ရှားမှုကမ်ပိန်း ၄ ရက်ကြာ ပြုလုပ်မည်

အကြမ်းဖက်စစ်ကောင်စီထံကို စီးဆင်းနေတဲ့ သွေးစွန်းငွေဖြတ်တောက်ရေးလှုပ်ရှားမှုကမ်ပိန်းကို မနက်ဖြန် စက်တင်ဘာ ၂၅ ရက်နေ့က စတင်ကာ ၄ ရက်ကြာ ပြုလုပ်ကြမှာဖြစ်လို့ ပြည်သူအားလုံးပါဝင်ကြဖို့ တိုက်တွန်းနှိုးဆော်ထားပါတယ်။

အွန်လိုင်းဆန္ဒထုတ်ဖော်ပွဲလှုပ်ရှားမှုအနေနဲ့ ပြုလုပ်သွားမယ့် ဒီကမ်ပိန်းမှာတော့ လူမှုကွန် ရက်အင်တာနက်စာမျက်နှာတွေ၊ အထူးသဖြင့် ဖေ့စ်ဘွတ်ခ်နဲ့ တွစ်တာစာမျက်မှာတွေပေါ်  ကတဆင့် Blood Money - သွေးစွန်းငွေရဲ့ တောင်းဆိုချက် စာသားတွေတင်တာ၊ ဒါမှမဟုတ် ပြည်သူတွေရဲ့ တောင်းဆိုမှုစာသားတွေတင်တာ၊ တောင်းဆိုမှု စာသားတွေနဲ့အတူ လက် ၃ ချောင်းသင်္ကေတနဲ့ ဓာတ်ပုံတင်တာ၊ အင်္ကျီအနီ/ သွေးစွန်းနေတဲ့အင်္ကျီ(အင်္ကျီ အ ဖြူမှာ အနီရောင်ဆေးသုတ်တာ)၊လက်အိတ်အနီ/လတ်ပတ်စည်းအနီရောင်/ရေဆေး အနီ ရောင်အမှုန့်နဲ့ လက်မှာ လိမ်းတာမျိုးတွေစတဲ့ မိမိအဆင်ပြေမယ့် နည်းလမ်းတွေသုံးပြီး ဓာတ်ပုံရိုက်ကူးနိုင်မှာ ဖြစ်ပါတယ်။

ဒါ့အပြင် Blood Money Campaign ခေါင်းစဉ်နဲ့အညီ သရုပ်ပြပုံဖော်မှုတွေ၊ ပန်းချီ၊ ကာတွန်းစတဲ့ ဖန်တီးပုံဖော်မှုနည်းလမ်းတွေနဲ့လည်း အွန်လိုင်းဆန္ဒထုတ်ဖော်ပွဲမှာ ပါဝင်နိုင်မှာ ဖြစ်ပါတယ်။

ကမ်ပိန်းအချက်အလက်

အသုံးပြုနိုင်တဲ့ တောင်းဆိုမှုစာသားများ 

အရင်ဆုံးရေနံကုမ္ပဏီများ၏ page ကို mention လုပ်ပါ။

@TotalEnergiesMyanmar @Chevron (Facebook)

@TotalEnergies @Chevron (Twitter)

Total, Chevron  Corporations are responsible for all  war crimes in Myanmar

Total, Chevron သည် မြန်မာနိုင်ငံအတွင်း စစ်ရာဇဝတ်မှုများ အားလုံးအတွက် တာဝန်ရှိသည်။

Total, Chevron - Stop accessory to murder

Total, Chevron - စစ်ရာဇဝတ်မှုနဲ့ စစ်တပ်လူသတ်မှုတွေ အလိုတူအလိုပါ ပါဝင်နေတာ ချက်ချင်းရပ်။

Total, Chevron - Freeze all payments to MOGE until the civilian government.

Total, Chevron - MOGE ထံပေးချေရမယ့်ငွေတွေကို ပြည်သူ့အစိုးရမတက်မချင်း ဆိုင်းငံ့ထား။

အသုံးပြုနိုင်တဲ့ #hashtag များ

#BloodMoneyMyanmar              

#FreezePaymentsToJunta

#Total_StopSponsoringSAC        

#Chevron_StopSponsoringSAC

#SanctionMOGE

#StopFundingCrimesAgainstHumanity

#ဖက်ဆစ်စစ်တပ်အမြစ်ဖျက်ဖို့_သွေးစွန်းငွေဖြတ်တောက်စို့

4 months Ago
More News
Up