ကမ်ပိန်

June 3, 2020

အလုပ်သမားဥပဒေမလိုက်နာသည့် အလုပ်ရှင်များကို အရေးယူရန်   ကမ်ပိန်းပြုလုပ်တောင်းဆို

အလုပ်သမားဥပဒေတွေကို လိုက်နာမှုမရှိတဲ့ လုပ်ငန်းရှင်တွေကို အရေးယူပေးဖို့ အလုပ်ထုတ်ခံရတဲ့အလုပ်သမားတွေက ဒီကနေ့ ရန်ကုန်မှာ   စုပေါင်းကမ်ပိန်းပြုလုပ် တောင်းဆိုလိုက်ပါတယ်။  ဒီလှုပ်ရှားမှုကို ရန်ကုန်တိုင်းဒေသကြီး၊ လှိုင်သာယာမြို့နယ်အတွင်းရှိ မြန်မာယူနီဗျူး စက်ရုံက အလုပ်ထုတ်ခံထားရတဲ့အလုပ်သမား ၃၀၀ ကျော်ကိုယ်စား အလုပ်သမားသမဂ္ဂအဖွဲ့ဝင်တွေက ပြုလုပ်ခဲ့တာပါ။  အလုပ်သမားခေါင်းဆောင်ကိုထက်လှိုင်ဖြိုးက "အလုပ်ထုတ်ခံရတဲ့ အလုပ်သမားခေါင်းဆောင် ၇ ဦးအပါအဝင် ကိုဗစ်ဂယက်ကြောင့် ကုန်ကြမ်းပြတ်တယ်ဆိုပြီး အလုပ်သမားအင်အား အလျှော့ခံရတဲ့ အလုပ်သမား ၃၀၀ကျော်အတွက်ပါ စုပေါင်းပြုလုပ်တာ"လို့ ပြောပါတယ်။ ဒီကမ်ပိန်းမှာ မြန်မာနိုင်ငံရှိအလုပ်သမားဥပဒေတွေကို လေးစားလိုက်နာမှုမရှိ တဲ့လုပ်ငန်းရှင်ကို ရင်းနှီးမြုပ်နှံခွင့်မပေးဖို့၊ ဥပဒေမလိုက်နာတဲ့ အလုပ်ရှင်ကို အမြန်ဆုံးအရေး ယူနိုင်ဖို့ စတဲ့အချက် ၄ ချက် ပါဝင်ပါတယ်။ လက်ရှိမှာတော့ မြန်မာယူနီဗျူးစက်ရုံက အလုပ်ရှင်/အလုပ်သမားအငြင်းပွားမှုကို သက်ဆိုင်ရာ မြို့နယ်ညှိနှိုင်း ဖျန်ဖြေရေးအဖွဲ့မှာ ညှိနှိုင်းဆောင်ရွက်နေဆဲဖြစ်ပြီး ပြေလည်မှုတော့မရရှိသေးပါဘူး။ သတင်း- ဇာခြည်
1 year Ago

May 11, 2020

ဒဂုံမြို့သစ်မြောက်ပိုင်းတွင် Face Shield ကမ်ပိန်းပြုလုပ် (ဓာတ်ပုံ)

We Love North Dagon ရဲ့ Face Shield Campaign ကို ဒဂုံမြို့သစ်(မြောက်ပိုင်း)မြို့နယ်ရှိ ဒဂုံရွှေပြည်ဈေးမှာ မေလ ၁၀ ရက်နေ့ ညနေပိုင်းက ပြုလုပ်ခဲ့ကြပါတယ်။ Mask နဲ့ Face Shield အစုံ ၆၀၀ ကိုလည်း ဒဂုံရွှေပြည်ဈေးသူဈေးသားတွေနနဲ့ ဈေးဝယ်သူတွေကို လိုက်လံဝေငှကာ Mask နဲ့ Face Shield စနစ်ကျတပ်ဆင်ဖို့ ပညာပေးလှုံဆော်ခဲ့ပါတယ်။ ဒဂုံမြို့သစ်(မြောက်ပိုင်း)မြို့နယ် စည်ပင်သာယာရေးကော်မတီရဲ့ စီမံဆောင်ရွက်မှုတွေနဲ့အတူ အ.ထ.က ၄ ကျောင်းသူ/သားဟောင်းတွေ၊ Union Power Con .ltd တို့နဲ့ We ❤️ North Dagon အဖွဲ့သားတွေ ပူးပေါင်းဆောင်ရွက်တာဖြစ်ပြီး တတိယမြောက်လှူဒါန်းတာပါ။ Photo - Ye Myo Khant / MPA
1 year Ago
Up