ကမ္ဘောဒီးယားသံရုံး

A d v e r t i s e m e n t With Us

June 9, 2020

ထိုင်းတက်ကြွလှုပ်ရှားသူ ပြန်ပေးဆွဲခံရသည့်ကိစ္စ ကမ္ဘောဒီးယားသံရုံးရှေ့တွင် ဆန္ဒပြ

ထိုင်းနိုင်ငံ မြို့တော်ဘန်ကောက်က ကမ္ဘောဒီးယား သံရုံးအပြင်ဘက်မှာ ဒါဇင်နဲ့ချီတဲ့ ဆန္ဒပြသူတွေ ဇွန် ၈ ရက်က ချီတက်ဆန္ဒပြနေပါတယ်။ ကမ္ဘောဒီးယား မြို့တော်ဖနွမ်ပင်မှာ ပြည်ပြေးအဖြစ် နေထိုင်တဲ့ ထိုင်းနိုင်ငံရေး တက်ကြွလှုပ်ရှားသူ ဝမ်ချာလီယန် စတ်ဆာစစ်ရဲ့ ကံကြမ္မာကို သိခွင့်ရဖို့ တောင်းဆိုနေတာပါ။ သူ့ကို ဘယ်သူဘယ်ဝါ မသိရတဲ့ သေနတ်သမားတွေက ပြန်ပေးဆွဲသွားခဲ့တယ်လို့ လူ့အခွင့်အရေး လှုပ်ရှားသူတွေက ပြောပါတယ်။ အသက် ၃၇ နှစ်အရွယ် ဝမ်ချာလီယန်ဟာ ဖနွမ်ပင်မြို့တော် သူ့ရဲ့ တိုက်ခန်းရှေ့မှာတင် ဇွန်လ ၄ ရက်က ကားတင်ခံခဲ့ရတာလို့ အမေရိကန်နိုင်ငံ နယူးယောက်မြို့အခြေစိုက် လူ့အခွင့်အရေး စောင့်ကြည့်လေ့လာရေးအဖွဲ့ HRW က ပြောပါတယ်။ သူ့ကို ပြန်ပေးဆွဲသူတွေကို ဖမ်းဆီးဖို့နဲ့ သူ ပျောက်သွားတာကို စုံစမ်းစစ်ဆေးဖို့ ဆော်သြထားတဲ့ အိတ်ဖွင့်ပေးစာကိုလည်း HRWက ကမ္ဘောဒီးယားသံရုံး ဒုအတွင်းဝန်ကို ပေးခဲ့ပါတယ်။ ၂၀၁၄ စစ်အာဏာသိမ်းမှုအပြီး ထွက်ပြေးခဲ့ကြတဲ့ ထိုင်းတက်ကြွလှုပ်ရှားသူ ၈ ယောက်ထက် မနည်းဟာ လာအို၊ ကမ္ဘောဒီးယားနဲ့ ဗီယက်နမ်နိုင်ငံတွေထဲမှာ ပျောက်သွားကြတယ်လို့ အသင်းအဖွဲ့တွေနဲ့ လူ့အခွင့်အရေးအုပ်စုတွေက ပြောပါတယ်။ တချို့ကိုတော့ နောက်ပိုင်းမှာ သေဆုံးလျက်သား တွေ့ခဲ့တာပါ။ ထိုင်းစစ်အစိုးရကို နိုင်ငံခြားကနေ ဝေဖန်နေတဲ့ ဖေ့စ်ဘွတ်စာမျက်နှာကို ဖန်တီးလည်ပတ်ခဲ့လို့ သူ့ကို ကွန်ပျူတာ ရာဇဝတ်မှုအက်ဥပဒေ ချိုးဖောက်မှုနဲ့ ထိုင်းအာဏာပိုင်တွေက ၂၀၁၈ မှာ ဖမ်းဝရမ်း ထုတ်ခဲ့ပါတယ်။ ဇွန် ၃ ရက်ကမှ သူဟာ ထိုင်းဝန်ကြီးချုပ် ပရာယွတ်သ်ချန်အိုချာကို လူမှုကွန်ရက် မီဒီယာပေါ်ကနေ ဝေဖန်ခဲ့ပါသေးတယ်။ နောက်နေ့မှာ သေနတ်သမားတွေ ဖမ်းတာ ခံခဲ့ရပြီး ပျောက်ဆုံးခဲ့ပါတယ်။ ထိုင်း၊ ကမ္ဘောဒီးယားနဲ့ ဗီယက်နမ်တို့ အပါအဝင် အရှေ့တောင်အာရှနိုင်ငံတွေက အစိုးရတွေဟာ လတ်တလောနှစ်တွေအတွင်း အစိုးရနဲ့ သဘောထား ကွဲလွဲသူတွေနဲ့ ခိုလှုံခွင့် တောင်းခံသူတွေကို နေရပ် အတင်းပြန်ခိုင်းရင်း တနိုင်ငံကို တနိုင်ငံ ကူညီနေခဲ့ကြတယ်လို့ လူ့အခွင့်အရေး အုပ်စုတွေက စွပ်စွဲထားပါတယ်။
9 months Ago
Up