ကမ္ဘာ့ဖလားပြိုင်ပွဲ

September 17, 2022

အီကွေဒေါအသင်းကို ကမ္ဘာ့ဖလားပြိုင်ပွဲကနေ ထုတ်ပယ်ခြင်းမပြုရန် ဖီဖာဆုံးဖြတ်

ကမ္ဘာ့ဘောလုံးအဖွဲ့ချုပ် ဖီဖာဟာ စုံးစမ်းစစ်ဆေးမှုတွေပြုလုပ်ပြီးနောက် အီကွေဒေါအသင်းကို ကမ္ဘာ့ဖလားပြိုင်ပွဲကနေ  ထုတ်ပယ်မှာမဟုတ်ကြောင်းဆုံးဖြတ်ခဲ့ပါတယ်။

အီကွေဒေါအသင်းဟာ ကမ္ဘာ့ဖလားခြေစစ်ပွဲစဉ်တွေမှာ တရားမဝင်ကစားသမားလို့ စွပ်စွဲခံရတဲ့ နောက်ခံလူ ကတ်စ်တီလိုကို ထည့်သွင်းအသုံးပြုခဲ့လို့ ချီလီအသင်းက ဖီဖာကို တိုင်ကြားခဲ့တာပါ။

နောက်ခံလူ ကတ်စ်တီလိုဟာ ကိုလံဘီယာမှာမွေးဖွားခဲ့သူဖြစ်ကြောင်း အတိအလင်းဝန်ခံခဲ့ပေမဲ့ အဆုံးသတ်မှာတော့ အရေးယူခြင်းမပြုဖို့ ဖီဖာအယူခံကော်မတီက ဆုံးဖြတ်ချက်ချခဲ့တာပါ။

ကတ်စ်တီလိုဟာ ကိုလံဘီယာမှာမွေးခဲ့တာမှန်ပေမဲ့ အီကွေဒါနိုင်ငံကိုပြောင်းရွှေ့အခြေချခဲ့ပြီး နိုင်ငံကိုယ်စားပြု ကစားခွင့်ရှိကြောင်း ဖီဖာအယူခံကော်မတီကဆုံးဖြတ်ခဲ့တာပါ။

ချီလီဘောလုံးအဖွဲ့ချုပ်ကတော့ ဒီဆုံးဖြတ်ချက် ချမှတ်တဲ့နေ့ဟာ ဘောလုံးလောကရဲ့ မှောင်မိုက်တဲ့နေ့ဖြစ်ပြီး အားကစားဆိုင်ရာခုံရုံးဆီကို ဆက်ပြီးတိုင်ကြားသွားမယ်လို့ သတင်းထုတ်ပြန်ခဲ့ပါတယ်။

အီကွေဒေါဟာ ကမ္ဘာ့ဖလားမှာ အိမ်ရှင်ကာတာ၊ ဟော်လန်၊ ဆီနီဂေါအသင်းတွေနဲ့ အုပ်စု A မှာပါဝင်နေပါတယ်။

2 weeks Ago

September 6, 2022

ဒူးဒဏ်ရာခွဲစိတ်ကုသရမည့် ပြင်သစ်ကွင်းလယ်ကစားသမား ပေါ့ဘာ ကမ္ဘာ့ဖလားပြိုင်ပွဲလွဲချော်မည်

ဒူးဒဏ်ရာခွဲစိတ်ကုသရမယ့်အခြေအနေကြောင့် ပြင်သစ်ကွင်းလယ်လူပေါ့ဘာဟာ ကမ္ဘာ့ဖလား ပြိုင်ပွဲကိုပါလွဲချော်ဖို့ရှိပါတယ်။

ပေါ့ဘာဟာ အခုနှစ်ရာသီအစကမှ မန်ယူအသင်းကနေ ဂျူဗင်တပ်စ် အသင်းဆီပြောင်းရွှေ့လာခဲ့သူပါ။

ရာသီကြိုလေ့ကျင့်ရေးပြုလုပ်စဉ် ဒူးဒဏ်ရာရရှိခဲ့တာကြောင့်အနားယူနေရပြီး နောက်ဆုံးမှာတော့ ခွဲစိတ်ကုသဖို့ ဆုံးဖြတ်ခဲ့ရတာပါ။

ဒီအခြေအနေကြောင့် ကာလရှည် အနားယူရနိုင်လို့ လာမယ့် နိုဝင်ဘာ ၂၀ ရက်မှာ စတင်မယ့် ကမ္ဘာ့ဖလားကို လွဲချော်သွားဖို့ရှိပါတယ်။

ပေါ့ဘာရဲ့ဒဏ်ရာပြဿနာကို ဂျူဗင်တပ်နည်းပြအယ်လီဂရီကလည်း အတည်ပြုခဲ့ပြီး လာမယ့်နှစ် ဇန်နဝါရီလရောက်မှ ပြန်ကစားနိုင်ဖို့မျှော်လင့်နိုင်ကြောင်း ပြောပါတယ်။

ပေါ့ဘာဟာ ပြီးခဲ့တဲ့နှစ်ကလည်း တံကောက်ကြောဒဏ်ရာကြောင့် ပွဲစဉ်အများအပြား လွဲချော်ခဲ့ပါတယ်။ 

3 weeks Ago
More News
Up