ကမ္ဘာ့ဆရာဆု

December 4, 2020

ကမ္ဘာ့ဆရာဆုရ အိန္ဒိယကျောင်းဆရာ ဆုကြေးငွေ ထက်ဝက်ခွဲပေး

ဒီနှစ်ရဲ့ ကမ္ဘာ့ဆရာဆုကို ရရှိခဲ့တဲ့ အိန္ဒိယကျောင်းဆရာတစ်ဦးဟာ ဆုရငွေ ဒေါ်လာ တစ်သန်းရဲ့ ထက်ဝက်ကို ပြိုင်ပွဲမှာ ဒုတိယရသူတွေကို ခွဲဝေပေးခဲ့ပါတယ်။  အိန္ဒိယနိုင်ငံအနောက်ပိုင်း မဟာရက်ရှ်ထရာပြည်နယ်  ပရီတီဝါဒီ ရွာလေးက အသက် ၃၂ နှစ်အရွယ် မူလတန်းကျောင်းဆရာ ရာဂျစ်ဆင်း ဒစ်ဆေးဟာ မိန်းကလေးတွေရဲ့ပညာရေး ကောင်းမွန်အောင် ကြိုးပမ်းမှုအတွက် ချီးမွမ်းခံရပါတယ်။  ဒစ်ဆေးဟာ ပညာသင်ဖို့ အခွင့်အလမ်းနည်းပါးတဲ့ မိန်းကလေးတွေကို ကျောင်းထွက်ပြီး စောစောစီးစီး အိမ်ထောင်ပြုတာထက်  ကျောင်းတက်ပြီး ရလဒ်ကောင်းတွေ ရအောင် စွမ်းဆောင်ခဲ့တဲ့အတွက် ပြိုင်ပွဲဒိုင်တွေက ချီးမွမ်းခဲ့ပါတယ်။ ရာဂျစ်ဆင်း-ဒစ်ဆေးဟာ ဆန်ကာတင်ပြိုင်ပွဲဝင် ၁၂,၀၀၀ ကျော်ထဲမှာမှ ကမ္ဘာ့အတော်ဆုံး ဆရာအဖြစ် ရွေးချယ်ခံရပေမယ့် သူဟာ  ဆုငွေရဲ့ တစ်ဝက်ဖြစ်တဲ့ ပေါင်ငွေ  ၇၅၀၀၀ ကို  ဆန်ကာတင်စာရင်းပါ တခြားကျောင်းဆရာ ၁၀ ဦးကို ခွဲဝေပေးခဲ့ပါတယ်။  ဆရာများပြိုင်ပွဲကို ပြုလုပ်တဲ့ ဗာကီဖောင်ဒေးရှင်းတည်ထောင်သူ ဆန်နီဗာကီက  အခုလို ဆုကို ဝေမျှတာက ဝေမျှခြင်း အရေးပါပုံကို ကမ္ဘာကြိးကို သင်ကြားပေးတာ ဖြစ်တယ်လို့ ပြောဆိုခဲ့ ပါတယ်။  ဒါ့အပြင် ဒီဆုပေးပွဲမှာ ကိုဗစ်ကာလအတွင်းအခမဲ့ သင်္ချာကျူရှင်ဝက်ဘ်ဆိုက် တည်ထောင်ခဲ့တဲ့ ဗြိတိန် ကျောင်းဆရာ ဂျေမီဖရော့စ်ဟာလည်း အထူးကိုဗစ်သူရဲကောင်းဆုကို ရခဲ့တယ်လို့ ဘီဘီစီက ဖော်ပြပါတယ်။  
5 months Ago
Up