ကမ္ဘာလှည့်ခရီးသည်

October 13, 2022

ကိုဗစ်-၁၉ စည်းမျဉ်းများ ဖြေလျှော့လိုက်သည့် ထိုင်ဝမ်သို့ ကမ္ဘာလှည့်ခရီးသည်များ ရောက်ရှိ

ထိုင်းနိုင်ငံကလာတဲ့ ကမ္ဘာလှည့်ခရီးသည် ဒါဇင်ပေါင်းများစွာဟာ ထိုင်ဝမ်ဆီ ပထမဆုံးအကြိမ် အဖြစ် အောက်တိုဘာ ၁၂ ရက် ညသန်းခေါင်ကျော်မှာ ရောက်လာပြီး ခရီးသည်တွေ လေယာဉ်ပေါ်ကနေ ဆင်းလာချိန်မှာ တာဝန်ရှိသူတွေက ဝက်ဝံရုပ်တွေနဲ့ ကြိုဆိုခဲ့ကြပါတယ်။

ထိုင်ဝမ်ဟာ ကိုဗစ်-၁၉ ကပ်ရောဂါဆိုင်ရာ ရောဂါခြေချုပ်နဲ့ မဖြစ်မနေ နေရမယ့် စည်းမျဉ်းတွေကို ​ကြာသပတေးနေ့မှာ နောက်ဆုံးထား ရုပ်သိမ်းမယ်လို့ အရင်လက ကြေညာခဲ့တာပါ။

အဲဒီနောက် အာရှရဲ့ ကျန်နေသေးတဲ့ အစိတ်အပိုင်းကြီးတွေကနေ လာတဲ့သူတွေအတွက် ရောဂါခြေချုပ်နဲ့ ပြည်ဝင်ခွင့် စည်းမျဉ်းတချို့ကို ဆက်ထားပြီး ကျန်တဲ့စည်းမျဉ်းတွေကို လုံးဝ ဖယ်ရှားလိုက်ပါတယ်။

မရုပ်သိမ်းဘဲ ကျန်နေတဲ့ စည်းမျဉ်းတချို့ထဲမှာ ခရီးသည်တွေ ထိုင်ဝမ်ကို ရောက်ရောက်ချင်း ချက်ချင်းဆေးစစ်ဖို့နဲ့ ရောက်အပြီး ၇ ရက်အတွင်း သူတို့ကျန်းမာရေးကို စောင့်ကြည့်ဖို့ လိုအပ်ချက်လည်း ပါပါတယ်။

ကိုဗစ်-၁၉ ကပ်ဘေးမတိုင်ခင်က ထိုင်ဝမ်ဟာ လူကြိုက်များတဲ့ ကမ္ဘာလှည့်ခရီးစဉ် ပန်းတိုင်နေရာတခုပါ။

ဂျပန်၊ တောင်ကိုရိးယားနဲ့ အရှေ့တောင်အာရှက ခရီးသည် အများစုကို ထိုင်ဝမ်ကျွန်းက အစားအသောက်တွေနဲ့ သဘာဝ အလှတရားတွေက ဆွဲဆောင်ထားပါတယ်။

2 months Ago

October 7, 2022

ဒိုမီနီကန်နိုင်ငံတွင် ဘတ်စ်ကားတိမ်းမှောက်ပြီး ၂ ဦး သေဆုံး

ဒိုမီနီကန်သမ္မတနိုင်ငံ ဖွန်တာကာညာမြို့မှာ  အောက်တိုဘာ ၆ ရက်က လက်တင်အမေရိက ခရီးသွားတွေကို ပို့ဆောင်တဲ့ ဘတ်စ်ကားတစီးဟာ တခြားယာဉ်တွေကို ဖြတ်ကျော်ဖို့ ကြိုးပမ်းရင်း တိမ်းမှောက်ခဲ့တာကြောင့် ခရီးသည် ၂ ယောက် သေဆုံးပြီး ၄၈ ယောက် ဒဏ်ရာရရှိခဲ့တယ်လို့ ပြည်တွင်းမီဒီယာတွေက ဖော်ပြပါတယ်။

သေဆုံးသူနှစ်ယောက်ဟာ ပီရူးအမျိုးသမီးတယောက်နဲ့ အာဂျင်တီးနား အမျိုးသမီးတ‌ေယာက် ဖြစ်ပါတယ်။

လာအယ်လ်တာ ဂရာစီယာ ပြည်နယ်က ဘယ်ဗားရိုကမ်းခြေမှာ အောက်တိုဘာ ၆ ရက်က ကမ္ဘာလှည့်ခရီးသည် ၂ ယောက် သေဆုံးပြီး ၄၈ ယောက် ဒဏ်ရာရရှိခဲ့တဲ့  ယာဉ်မတော်တဆမှုမှာ ဒီအုပ်စုကို တင်ဆောင်မောင်းနှင်နေတဲ့ ဘတ်စ်ကားယာဉ်မောင်းဟာ အိမ်စီးကားတစီးနဲ့ ကုန်တင်ကားတစီးတို့ကို မတိုက်မိအောင် ရှောင်ဖို့ကြိုးစားရင်း အရှိန်မထိန်းနိုင်ဘဲ တိမ်းမှောက်ခဲ့တာလို့ ဆိုပါတယ်။

တရားဝင်ထုတ်ပြန်ချက်တွေအရ ဘတ်စ်ကားဟာ လမ်းပေါ်ကနေ တိမ်းမှောက် လိမ့်ကျသွားခဲ့ပြီး သေဆုံးသူ ၂ ယောက်၊ ဒဏ်ရာအပြင်းအထန်ရရှိသူ ၁၄ ယောက်၊ ဒဏ်ရာအသေးစားရရှိသူ ၃၄ ယောက်နဲ့ ထိခိုက်ဒဏ်ရာ လုံးဝမရသူ ၂ ယောက်ဖြစ်ကြောင်း အတည်ပြုထားပါတယ်။

ဗာနန် ဖွန်တာကာညာ မြို့ကောင်စီ ဒါရိုက်တာ ရေမွန် မာတီနက်ဇ်က ဒဏ်ရာရတဲ့သူ‌ေတွကို ကယ်ဆယ်နိုင်ရေး သွေးလှူဒါန်းခဲ့ကြတဲ့ ဒေသခံတွေကို ကျေးဇူးတင်ရှိကြောင်းနဲ့ သူတို့ဟာ အပြင်းအထန် ဒဏ်ရာရရှိသူတွေရဲ့အသက်ကို ကူညီကယ်ဆယ်ပေးခဲ့တာဖြစ်ကြောင်း  ပြောကြားခဲ့ပါတယ်။

2 months Ago
More News
Up