ကမ္ဘာတဝန်း

October 16, 2021

ကမ္ဘာတဝန်း ကိုဗစ်-၁၉ ကြောင့် သေဆုံးသူ ၄၉ သိန်းကျော်၊ မြန်မာတွင် ၁၈၀၀၀ ကျော် သေဆုံး

ကမ္ဘာတဝန်း ကိုဗစ်-၁၉ ကူးစက်ခံရပြီး သေဆုံးသူအရေအတွက်ဟာ ၄၉ သိန်း ကျော်ရှိလာခဲ့ပြီး သိန်းချီသေဆုံးတဲ့ နိုင်ငံပေါင်း ၁၃ နိုင်ငံထိ ရှိလာနေပြီ ဖြစ်ပါတယ်။

တကမ္ဘာလုံး အတိုင်းအတာနဲ့ ကိုဗစ်-၁၉ ရောဂါကူးစက်ခံရသူအရေအတွက်ကတော့ ၂၄၀ ဒသမ ၅၂ သန်းကျော်နဲ့ ရောဂါပြန်လည်ပျောက်ကင်းလာသူ အရေအတွက်ကတော့ ၂၁၇ ဒသမ ၈၁ သန်းကျော် ရှိနေတာပါ။

သိန်းချီသေဆုံးမှု အမြင့်ဆုံး နိုင်ငံတွေထဲမှာတော့ အမေရိကန်နိုင်ငံက သေဆုံးသူ ၇ သိန်း ၄ သောင်းကျော်၊ ကူးစက်ခံရသူ ၄၅ ဒသမ ၆၃ သန်းကျော်နဲ့ ထိပ်ဆုံးမှာရှိနေပြီး သူ့နောက်မှာတော့ ဘရာဇီးနိုင်ငံက သေဆုံးသူ ၆ သိန်းကျော်၊ ကူးစက်ခံရသူ ၂၁ ဒသမ ၆၁ သန်း ကျော်နဲ့ ရှိနေပါတယ်။

တတိယနေရာမှာတော့ အာရှနိုင်ငံတနိုင်ငံဖြစ်တဲ့ အိန္ဒိယနိုင်ငံက သေဆုံးသူ ၄ သိန်းခွဲကျော်၊ ကူးစက်ခံရသူ ၃၄ သန်းကျော်နဲ့ ထိပ်ဆုံး ၃ နိုင်ငံအနေနဲ့ အသီးသီး ရပ်တည်နေပါတယ်။

အဲဒီ ၃ နိုင်ငံနောက်မှာတော့ မက္ကဆီကိုနဲ့ ရုရှားနိုင်ငံတွေက သေဆုံးသူ ၂ သိန်းကျော်၊ ပီရူးနိုင်ငံက ၂ သိန်းနီးပါး၊ အင်ဒိုနီးရှား၊ ယူကေ၊ အီတလီ၊ ကိုလံဘီယာ၊ အီရန်၊ ပြင်သစ်နဲ့ အာဂျင်တီးနားနိုင်ငံတွေက ၁ သိန်းကျော်စီ ရှိနေတာ ဖြစ်ပါတယ်။

ရောဂါဖြစ်ပွားမှုစတင်ရာ တရုတ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၉ သောင်း ၆ ထောင်ကျော်၊ စုစုပေါင်း သေဆုံးသူ ၄,၆၃၆ ရှိနေပါတယ်။

အာဆီယံဒေသတွင်း နိုင်ငံတွေထဲမှာတော့ ကိုဗစ်-၁၉ ရောဂါ သန်းချီကူးစက်ပြန့်ပွားမှု အ မြင့်ဆုံး နိုင်ငံတွေအဖြစ် အင်ဒိုနီးရှား၊ ဖိလစ်ပိုင်၊ မလေးရှား၊ ထိုင်းနိုင်ငံတွေက အစဉ်လိုက် ရပ်တည်နေတာ ပါတယ်။

မြန်မာနိုင်ငံမှာတော့ လက်ရှိအချိန်ထိ ကိုဗစ်-၁၉ အတည်ပြု လူနာစုစုပေါင်း ၄ သိန်း ၈ သောင်းကျော်၊ သေဆုံးသူ ၁၈,၀၀၀ ကျော်နဲ့ အာဆီယံနိုင်ငံတွေထဲမှာ ကိုဗစ်-၁၉ ရောဂါကြောင့် သေဆုံးမှုအများဆုံး ထိပ်တန်း ၅ နိုင်ငံထဲမှာ ပါဝင်နေပါတယ်။

ဗီယက်နမ်နိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၈ သိန်းခွဲကျော်နဲ့ သေဆုံးသူ ၂၁,၀၀၀ ကျော် ရှိနေပါတယ်။

ကမ္ဘောဒီးယားနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၁ သိန်း ၁  သောင်းကျော်နဲ့ သေဆုံးသူ ၂,၆၀၀ ကျော်ရှိနေပါတယ်။

စင်ကာပူနိုင်ငံကတော့ ရောဂါကူးစက်ခံရသူအရေအတွက် ၁ သိန်း ၃ သောင်းကျော်နဲ့ သေဆုံးသူအရေအတွက် ၂၀၇ ယောက်ရှိနေပါတယ်။

ဘရူနိုင်းနိုင်ငံမှာတော့ ရောဂါကူးစက်ခံရသူ ၁ သောင်းကျော်နဲ့ သေဆုံးသူအရေအတွက် ၆၈ ယောက် ရှိနေပြီး လာအိုနိုင်ငံမှာတော့ ကိုဗစ်-၁၉ ရောဂါကူးစက်ခံရသူ အရေအတွက် ၃၁,၀၀၀ ကျော်နဲ့ သေဆုံးသူ ၃၆ ယောက်ရှိနေပါတယ်။

2 weeks Ago

October 2, 2021

ကမ္ဘာတဝန်း ကိုဗစ်ကြောင့် သေဆုံးသူအရေအတွက် တရားဝင်စာရင်းထက် ပိုနိုင်ဟု WHO ပြော

ကမ္ဘာတဝန်းလုံးမှာ ကိုဗစ်ကြောင့် သေဆုံးသူ အရေအတွက်ဟာ တရားဝင် ဖော်ပြနေကြတာ ထက် အများကြီး ပိုနိုင်တယ်လို့ ကမ္ဘာ့ကျန်းမာရေးအဖွဲ့ WHO က ပြောပါတယ်။ 

ကိုဗစ် ရောဂါရယ်၊ ကိုဗစ်နဲ့ ပတ်သက်ဆက်နွယ်တဲ့ ရောဂါတွေကြောင့် သေဆုံးသွားသူ ခန့်မှန်းခြေ ၆ သန်းကနေ ၈ သန်းကြား ရှိနိင်တယ်လို့ ကမ္ဘာ့ကျန်းမာရေးအဖွဲ့က ခန့်မှန်း လိုက်တာပါ။ 

မနှစ်က ကိုဗစ်ကြောင့် သေဆုံးသူဟာ ၃ သန်းအထိ ရှိနိုင်ပြီး တရားဝင် ဖော်ပြတာထက် ၁ ဒသမ ၂ သန်းလောက် ပိုများနိုင်တယ်လို့ ဆိုပါတယ်။ 

၂၀၂၁ မေလအထိ လူပေါင်း ၃ ဒသမ၄ သန်းဟာ ကိုဗစ်ကြောင့် သေဆုံးသွားရပြီးလို့ ကမ္ဘာ့ကျန်းမာရေး အဖွဲ့က ဆိုထားပါတယ်။ 

တကယ်မှာတော့ အမှန်တကယ် သေဆုံးသူဟာ နှစ်ဆကနေ သုံးဆအထိ ပိုများနိုင်တာ ကြောင့် ၆ သန်းကနေ ၈ သန်းလောက်အထိ သေဆုံးပြီး ဖြစ်နိုင်တယ်လို့ လက်ထောက်ညွှန်ကြားရေးမှူးချုပ် ဒေါက်တာ ဆာမာရာ အက်စ်မာက ပြောပါတယ်။  

4 weeks Ago
More News
Up