ကဘူးလ်

July 29, 2019

အာဖဂန် ဒုသမ္မတကိုယ်စားလှယ်လောင်း၏ ရုံးအဆောက်အဦအား အသေခံဗုံးခွဲ၊ ၂၀ ထက်မနည်း သေဆုံး

အာဖဂန်စ္စတန်နိုင်ငံ မြို့တော် ကဘူးလ်မှာ ဇူလိုင် ၂၈ ရက်က ဒုသမ္မတ ကိုယ်စားလှယ်လောင်း အမ်ရူလာဟ် ဆာလဲဟ်ရဲ့ ရုံးခန်းအဆောက်အဦမှာ အသေခံဗုံးခွဲမှုနဲ့ သေနတ်ပစ်ခတ်မှုတွေ ဖြစ်ပွားခဲ့ပြီး လူ ၂၀ ထက်မနည်း သေဆုံးခဲ့တယ်လို့ အာဖဂန်နစ္စတန် အစိုးရက ဒီကနေ့ ထုတ်ပြန်ကြေညာခဲ့ပါတယ်။ အဲဒီတိုက်ခိုက်မှုတွေကြောင့် လူအယောက် ၅၀ လောက် ဒဏ်ရာရခဲ့ပြီး ဒုသမ္မတ ကိုယ်စားလှယ်လောင်း အမ်ရူလာဟ် ဆာလဲဟ်လည်း ဒဏ်ရာရခဲ့ပါတယ်။ လူသွားလူလာများတဲ့ အချိန်မှာ အသေခံဗုံးခွဲသမားက သူ့ကိုယ်သူ ဖောက်ခွဲပြီး မကြာခင်မှာပဲ အမ်ရူလာဟ် ဆာလဲဟ်ရဲ့ လေးထပ်အဆောက်အဦ ရုံးထဲကို စစ်သွေးကြွသုံးယောက် ဝင်ရောက်တိုက်ခိုက်ခဲ့တာပါ။ အဲဒီ စစ်သွေးကြွသုံးယောက်ကို အာဖဂန်တပ်ဖွဲ့ဝင်တွေက သုတ်သင်ခဲ့တယ်လို့ ပြည်ထဲရေး ဝန်ကြီးဌာနက ပြောပါတယ်။ ၆ နာရီကြာတဲ့ အဲဒီတိုက်ခိုက်မှုတွေအတွင်း အရပ်သား အယောက် ၁၅၀ ကျော်ကို ဘေးလွတ်ရာ ရွှေ့ပြောင်းပေးခဲ့ရတယ်လို့ ပြည်ထဲရေးဝန်ကြီးဌာန ပြောခွင့်ရ နာ့စ်ရတ်ရာဟီမီက ပြောပါတယ်။ တနင်္ဂနွေနေ့က တိုက်ခိုက်မှုနဲ့ ပတ်သက်လို့ ဘယ်အဖွဲ့ကမှ တာဝန်ယူပြောကြားတာ မရှိသေးပါဘူး။ ဒုသမ္မတ ကိုယ်စားလှယ်လောင်း အမ်ရူလာဟ် ဆာလဲဟ်နဲ့ အာဖဂန်နစ္စတန် နိုင်ငံရေးသမားတွေ ရွေးကောက်ပွဲ မဲဆွယ်စည်းရုံးရေး လှုပ်ရှားမှုတွေစပြီး နာရီပိုင်းအကြာမှာပဲ အခုလို တိုက်ခိုက်ခံခဲ့ရတာပါ။ အာဖဂန်နစ္စတန်သမ္မတ ရွေးကောက်ပွဲကို စက်တင်ဘာ ၂၈ ရက်မှာ ကျင်းပဖို့ မျှော်မှန်းထားပါတယ်။ ဒါပေမယ့် နိုင်ငံတွင်းမှာ တာလီဘန်နဲ့ အိုင်အက်စ် စစ်သွေးကြွတွေရဲ့ ပုန်ကန်တိုက်ခိုက်မှုတွေ နေ့တိုင်းနီးပါး ရှိနေတာကြောင့် လုံခြုံရေးအခြေအနေ ယိုယွင်းနေတယ်လို့ ရိုက်တာသတင်းဌာနက ဖော်ပြပါတယ်။
2 years Ago

July 25, 2019

အာဖဂန်တွင် တနေ့တည်း ဗုံးပေါက်ကွဲမှု ၃ ခုဖြစ်၊ ၁၂ ဦးထက်မနည်း သေဆုံး

အာဖဂန်နစ္စတန်နိုင်ငံ မြို့တော် ကဘူးလ်မှာ ဇူလိုင် ၂၅ ရက်က ဗုံးပေါက်ကွဲမှုသုံးခု ဖြစ်ခဲ့ပြီး စုစုပေါင်း လူ ၁၂ ယောက်ထက်မနည်း သေဆုံးခဲ့တယ်လို့ အစိုးရ တာဝန်ရှိသူတွေက ပြောပါတယ်။ အစိုးရဝန်ထမ်းတွေ လိုက်ပါစီးနင်းလာတဲ့ ဘတ်စ်ကားတစီး ဗုံးခွဲတိုက်ခိုက်ခံရမှုအတွင်း သတ္တုတွင်းနဲ့ ရေနံဝန်ကြီးဌာနက ဝန်ထမ်း ၅ ယောက် သေဆုံးပြီး ၁၀ ယောက် ဒဏ်ရာရခဲ့ပါတယ်။ ဒုတိယဗုံးပေါက်ကွဲမှုမှာ လူ ၇ ယောက် သေဆုံးပြီး အယောက် ၂၀ ဒဏ်ရာရခဲ့တယ်လို့ တာဝန်ရှိသူတွေက ပြောပါတယ်။ သေဆုံးဒဏ်ရာရသူတွေကို ဝက်ဇ်ဇီမိုဟာမတ် အာခ်ဘာခန် အမျိုးသားဆေးရုံကို ပို့ဆောင်ခဲ့ကြပါတယ်။ အဲဒီပေါက်ကွဲမှုသုံးခုနဲ့ ပတ်သက်လို့ ဘယ်အဖွဲ့ကမှ တာဝန်ယူပြောကြားတာ မရှိသေးပါဘူး။ မြို့တော်ကဘူးလ်မှာ အမေရိကန် စစ်ဘက်အကြီးအကဲတွေနဲ့ နေတိုးတာဝန်ရှိသူတွေ တွေ့ဆုံနေချိန် အခုလို တနေ့တည်း ပေါက်ကွဲမှုသုံးခု ဖြစ်ခဲ့တာပါ။
2 years Ago
More News
Up