ကန်တေ

October 9, 2021

ဘလွန်းဒီအောဆုအတွက် မက်ဆီ၊ ယော်ဂင်ညိုနှင့် ကန်တေ တို့ ရေပန်းစား

ပြင်သစ်ဘောလုံးမဂ္ဂဇင်းက ချီးမြှင့်တဲ့ ဘလွန်းဒီအော ကမ္ဘာ့အကောင်းဆုံးဘောလုံးသမားဆု အတွက် မက်ဆီ၊ ယော်ဂင်ညိုနဲ့ ကန်တေ တို့ရရှိဖို့ ရေပန်းစားနေပါတယ်။ 

အကောင်းဆုံးဆုအတွက် ဆန်ခါတင် အယောက် ၃ဝ စာရင်း ထုတ်ပြန်ခဲ့ရာမှာ အဲဒီကစားသမား ၃ ဦးလည်း ပါဝင်ခဲ့ပြီး မက်ဆီနဲ့ ချဲလ်ဆီးကစားသမား ၂ ဦး အပြိုင်လုရဖို့ ဖြစ်လာခဲ့တာပါ။ 

မက်ဆီဟာ အာဂျင်တီးနားအသင်းနဲ့အတူ ကိုပါအမေရိက ချန်ပီယံ ဆုဖလားဆွတ်ခူးနိုင်ခဲ့ပြီး ကန်တေဟာလည်း ချန်ပီယံလိဂ် ဆီမီးဖိုင်နယ်နဲ့ ဗိုလ်လုပွဲ ၂ ခုစလုံးမှာ အကောင်းဆုံးကစားသမားအဖြစ် ရွေးချယ်ခံခဲ့ရတာပါ။ 

အလားတူ ယော်ဂင်ညိုဟာလည်း ချဲလ်ဆီးနဲ့ ချန်ပီယံလိဂ်ရယူခဲ့သလို အီတလီနဲ့လည်း ယူရိုချန်ပီယံဖြစ်ခဲ့ပြီး ဥရောပအကောင်းဆုံးဘောလုံးသမား ဆုလားရရှိထားတာပါ။ 

ဆန်ကာတင် ၃ဝ စာရင်းမှာ ဥရောပချန်ပီယံချဲလ်ဆီးနဲ့ ဒုတိယရ မန်စီးတီးက ကစားသမား ၅ ဦးစီ ပါဝင်နေပါတယ်။ 

မန်ယူနိုက်တက်က စီရော်နယ်ဒိုနဲ့ ဖာနန်ဒက်စ်တို့လည်း ပါဝင်ခဲ့ပြီး စပါးက ဟာရီကိန်း၊ လီဗာပူးက ဆာလက်တို့လည်း ရွေးချယ်ခံထားရပါတယ်။

2 months Ago

June 14, 2021

ကမ္ဘာ့အကောင်းဆုံးကစားသမားဆု ကန်တေ ရရှိရန် ပြင်သစ်သမ္မတ မျှော်လင့်

ကမ္ဘာ့အကောင်းဆုံးကစားသမားဆုကို ကွင်းလယ်လူ ကန်တေ ရရှိဖို့ မျှော်လင့်ကြောင်း ပြင်သစ်သမ္မတ အီမန်နူရယ်မက်ကရွန်းက ပြောပါတယ်။

ပြင်သစ်သမ္မတက မနေ့က ယူရို ၂၀၂၀ ပြိုင်ပွဲဝင် ပြင်သစ်လက်ရွေးစင်ဘောလုံးအသင်းနဲ့ တွေ့ဆုံကာ အားပေးစကားပြောခဲ့ပြီး ကန်တေရဲ့ ခြေစွမ်းနဲ့ပတ်သက်ပြီး ချီးကျူးခဲ့တာပါ။

ကန်တေဟာ တိုက်စစ်မှူး အမ်ဘာပေလိုပဲ ထူးချွန်တဲ့ ကစားသမားဖြစ်ကြောင်း၊ ပြင်သစ် လူငယ်တွေအတွက် အတုယူရမယ့် စံပြကစားသမားဖြစ်ကြောင်း ပြင်သစ်သမ္မတက ချီးကျူးပါတယ်။ 

ဒါ့အပြင် ချန်ပီယံလိဂ်ဆုဖလား ရရှိအောင် စွမ်းဆောင်ခဲ့တဲ့ ကန်တေအနေနဲ့ ယူရိုပြိုင်ပွဲမှာလည်း အောင်မြင်မှုရပြီး ဘလွန်းဒီအော ကမ္ဘာ့အကောင်းဆုံး ကစားသမားဆုရဖို့ မျှော်လင့်ကြောင်း ပြင်သစ်သမ္မတ မက်ရွန်က ပြောပါတယ်။ 

၂၀၁၈ ကမ္ဘာ့ဖလားချန်ပီယံ ပြင်သစ်ဟာ ပြီးခဲ့တဲ့ ယူရို ၂၀၁၆ တုန်းက ဗိုလ်လုပွဲမှာ ပေါ်တူဂီကို ရှုံးနိမ့်ခဲ့တာပါ။

ဒီနှစ်ပြိုင်ပွဲမှာလည်း ပြင်သစ်အသင်းက ဗိုလ်စွဲဖို့ ရေပန်းအစားဆုံးအသင်းအဖြစ် ရပ်တည်နေပါတယ်။

6 months Ago
More News
Up