ကန်ကျနပူရီ

November 3, 2020

ကန်ကျနပူရီတွင် တရားမဝင် ဝင်ရောက်လာသည့် မြန်မာ ၉ ဦး ဖမ်းဆီးခံရ  

ထိုင်းနိုင်ငံအနောက်မြောက်ပိုင်း ကန်ကျနပူရီခရိုင်ထဲမှာ တရားမဝင် ဝင်ရောက်လာတဲ့ မြန်မာနိုင်ငံသား ၉ ဦး ဖမ်းဆီးခံရတယ်လို့ ထိုင်းသတင်းမှာ ဖော်ပြပါတယ်။  ပြီးခဲ့တဲ့ နိုဝင်ဘာ ၁ ရက် ည ၉ နာရီခွဲလောက်က ကန်ကထနပူရီခရိုင် ဆန်ခလပူရီမြို့နယ် ခေါင်လဲမ်အမျိုးသားသစ်တောဥယာဉ်ဝန်ထမ်းနဲ့တာဝန်ရှိသူတွေဟာ နယ်မြေစောင့်ကြပ်စစ်ဆေးစဉ်  မြန်မာဘက်ခြမ်းကနေ တရားမဝင် ဝင်ရောက်လာတဲ့ အမျိုးသား ၂ ဦး၊ အမျိုးသမီး  ၂ ဦး ကလေးငယ် ၅ ဦး စုစုပေါင်း ၉ ဦးတို့ကို ဖမ်းဆီးခဲ့တာလို့  တာဝန်ရှိသူက သတင်းထောက်ကို ပြောပါတယ်။  သူတို့တတွေဟာ ဆန်ခလပူရီမြို့နယ် ဝမ်ကကျေးရွာက လှေဆိပ်တစ်ခုမှာ လာကြိုမယ့်လှေကို စောင့်ဆိုင်းနေစဉ် ဖမ်းဆီးခဲ့တာဖြစ်ကြောင်း ၊ သူတို့ဟာ ဝမ်ကရွာကနေတဆင့်  ထိုင်းနိုင်ငံအတွင်းပိုင်း ဆမွတ်ဆာခွန်းခရိုင်မှာ  အလုပ်သွားလုပ်မှာဖြစ်ပြီး အသက် ၄၅ နှစ်ရွယ်ရှိ ဌေးနိုင်ဆိုသူ မြန်မာ ၁ ဦးက လှေနဲ့လာကြိုမယ်ဆိုလို့ စောင့်ဆိုင်းနေတာလို့ ဆိုပါတယ် ။   သူတို့အားလုံး ဘာသက်သေအထောက်အထားမှမရှိတဲ့အတွက် ထိုင်းနိုင်ငံထဲကို တရားမဝင် ဝင်ရောက်မှုနဲ့ရော ကိုဗစ်-၁၉ ကာလ ခရီးသွားလာခွင့်ကန့်သတ်ထားတဲ့ ခရိုင်ဝန်အမိန့်ကို ချိုးဖော က်မှုနဲ့ပါ အရေးယူခံရမှာဖြစ်တယ်လို့ တာဝန်ရှိသူကပြောသွားပါတယ်။  ဒါ့အပြင် တာ့ခ်ခရိုင် မဲဆောက်မြို့နယ်မှာလည်း တရားမဝင် ဝင်ရောက်လာတဲ့ မြန်မာ ၁ ဦးကို နိုဝင်ဘာ ၂ ရက်နေ့ညက ဖမ်းဆီးရမိခဲ့တယ်လို့ ချင်းမိုင်နယူးစ်သတင်းမှာ ဖော်ပြပါတယ် ။  အသက် ၂၀ နှစ်ရွယ်ရှိ မောင်မောင်ဆိုသူဟာ မြန်မာဘက်ခြမ်း သောင်ရင်းမြစ်ကနေတဆင့် မဲဆောက်မြို့နယ် မဟာဝမ်းအုပ်စု မိုင်မဲ့ကွန်းကင်းကျေးရွာ ဆိပ်ကမ်းပေါ်တက်  လာတာဖြစ်ပြီး လုံခြုံ ရေး တပ်ဖွဲ့တွေက တွေ့လို့ စစ်ဆေးဖမ်းဆီးခဲ့တာဖြစ်ပါတယ် ။  ထိုင်းနိုင်ငံမှာ ကိုဗစ်-၁၉ ရောဂါကူးစက်မှု ကာကွယ်ရေးအတွက် ရွှေ့ပြောင်းလုပ်သားများ ခရီးသွားလာခွင့် ပိတ်ပင်ထားတဲ့အပြင် မြန်မာနိုင်ငံမှာ ကိုဗစ် ၁၉ ကူးစက်မှုမြင့်မားနေတာကြောင့် ထိုင်းဘက်က နယ်စပ်ဝင်ထွက်သွားလာမှု ပိတ်ထားပေမယ့် အခုလိုတရားမဝင် ဝင်ရောက်မှုတွေ နေ့စဉ်လို ရှိနေဆဲဖြစ်ပါတယ်။  ကိုးကား- facebook.com/SONG1970/ 
5 months Ago

August 28, 2020

ကန်ကျနပူရီတွင် တရားမဝင် ဝင်ရောက်လာသော မြန်မာ ၃၇ ဦး ဖမ်းဆီးခံရ 

ထိုင်းနိုင်ငံ အနောက်မြောက်ပိုင်း ကန်ကျနပူရီခရိုင်ထဲမှာ တရားမဝင်ဝင်ရောက်လာတဲ့ မြန်မာ နိုင်ငံသား ၃၇ ဦးကို ဖမ်းဆီးရမိတယ်လို့  ကန်ကျနပူရီဒေသတွင်းသတင်းမှာ ဖော်ပြပါတယ်။  ကန်ကျနပူရီခရိုင် ဆိုင်းယုဒ်မြို့နယ်ထဲမှာ တဘက်နိုင်ငံကနေ တရားမဝင်သူတွေ ဝင်ရောက်လာဖို့ရှိကြောင်း သတင်းရထားချက်အရ နယ်ခြားစောင့်စစ်တပ်နဲ့ နယ်မြေခံရဲတွေ ပါဝင်တဲ့ ပူးပေါင်းအဖွဲ့ဟာ  လုံခြုံရေးစောင်းကြပ်စစ်ဆေးခဲ့ကြောင်း၊၊  ဒီကနေ့ မနက် ၃ နာရီ မိနစ် ၄၀ လောက်မှာ ဆိုင်းယုဒ်မြို့နယ် ဆီရီမုံးခွန်းကျေးရွာအုပ်စု ဖုချနိလမ်းဘက်ကနေ ဝင်ရောက်လာတဲ့ ဟိုင်းလပ်ကား ၂ စီးကို စစ်ဆေးရာက တရားမဝင် ဝင်ရောက်လာသူတွေကို ဖမ်းဆီးရမိတာလို့  ဗိုလ်မှူး အနိရုသ် ဒစ်ဆထပရချားက သတင်းထောက်တွေကို ပြောပါတယ်။   အဆိုပါ ကား ၂ စီးပေါ်မှာ မြန်မာနိုင်ငံသား စုစုပေါင်း ၃၅ ဦး ပြည့်ညှပ်နေအောင် လိုက်ပါလာပြီး ကားမောင်းသမား ၂ ဦးမှာလည်း မြန်မာနိုင်ငံသားဖြစ်တာကြောင့် တရားမဝင် ဝင်ရောက်သူ စုစုပေါင်း ၃၇ ဦး ဖမ်းဆီးရမိတယ်လို့ ဆိုပါတယ်။ စစ်ဆေးမေးမြန်းချက်အရ သူတို့ဟာ မြန်မာနိုင်ငံ ထားဝယ်မြို့က ဖြစ်ပြီး ထိုင်းနိုင်ငံအတွင်းပိုင်းဘက်မှာ သွားရောက်အလုပ်လုပ်ဖို့ ဝင်ရောက်လာတာလို့ ဆိုပါတယ်။  သူတို့ကို  ဥပဒေအရအရေးယူဖို့ ဆိုင်းယုဒ်ရဲစခန်း စုံစမ်းစစ်ဆေးရေးရဲတပ်ဖွဲ့ထံ ပေးပို့ခဲ့ တယ်လို့  သတင်းမှာ ဖော်ပြပါတယ်။
8 months Ago
More News
Up