ကန့်သတ်

August 20, 2021

ချောင်းဆုံမြို့နယ် ဝင်ခွင့် စတင်ကန့်သတ်

မွန်ပြည်နယ် ဘီးလူးကျွန်း၊ ချောင်းဆုံမြို့နယ်မှာ သြဂုတ် ၁၉ ရက်ကစပြီး မြို့နယ်အတွင်း ဝင်ရောက်ခွင့် စတင်ကန့်သတ်လိုက်ပြီလို့ ဒေသအုပ်ချုပ်ရေးအာဏာပိုင်တွေက ပြောပါတယ်။

ချောင်းဆုံမြို့နယ်မှာ သြဂုတ်ဒုတိယအပတ်ကစပြီး ကိုဗစ်လူနာ တွေ့ရှိမှုနဲ့ သေဆုံးမှုနှုန်း မြင့်တက်လာတာကြောင့် ဝင်ခွင့် ကန့်သတ်ရတာလို့ ဆိုပါတယ်။

ဒါကြောင့် ချောင်းဆုံမြို့နယ်အတွင်း လာရောက်သူတွေဟာ သက်ဆိုင်ရာ ရပ်ကွက်၊ ကျေးရွာ အုပ်ချုပ်ရေးမှူးတွေရဲ့ ခရီးသွားလာခွင့် ထောက်ခံစာ ပါရှိရမှာ ဖြစ်ပါတယ်။

ခရီးသွားခွင့် ကတ်မပါသူတွေကို ချောင်းဆုံမြို့နယ်အတွင်းမှာ ပိတ်ဆို့စစ်ဆေးပြီး ပြန်လည် စေလွှတ်နေတယ်လို့ ချောင်းဆုံဒေသခံတစ်ဦးက ပြောပါတယ်။

ဒါအပြင် ချောင်းဆုံမြို့နယ်ကနေ မော်လမြိုင်ကို ဆေးသွားရောက် ကုသမယ့်သူတွေအနေနဲ့ သက်ဆိုင်ရာ အုပ်ချုပ်ရေးမှူးတွေ၊ ကျန်းမာရေး ထောက်ခံတွေ မဖြစ်မနေ ပါရှိရမှာ ဖြစ်ပါတယ်။

ချောင်းဆုံမြို့နယ်မှာတော့ သြဂုတ် ၂၀ ရက်အထိ ကိုဗစ်အတည်ပြုလူနာ ၁၂၀၀ ကျော်ထိ ရှိလာခဲ့တာ ဖြစ်ပြီး အဲဒီထဲမှာ ကိုဗစ်လူနာ ၈၀ ကျော် သေဆုံးထားတယ်လို့ စစ်ကောင်စီ ကျန်းမာရေးဝန်ကြီးဌာနက ထုတ်ပြန်ပါတယ်။

3 months Ago

June 3, 2021

ပုဂ္ဂလိကကို လောင်စာဆီဖြန့်ဖြူးမှု ကန့်သတ်မည်

ပုဂ္ဂလိက စက်သုံးဆီသိုလှောင်ကန် အများစုသိုလှောင်မှု လျော့ကျလာတဲ့အတွက် ပြန်လည် ဖြည့်တင်းဖို့နဲ ထပ်မံလျော့ကျရင် ဆီဖြန့်ဖြူးမှု ကန့်သတ်မယ်လို့  စစ်ကောင်စီက အမိန့် ထုတ်လိုက်ပါတယ်။

စစ်ကောင်စီရဲ့ သြဇာခံ ရေနံထွက်ပစ္စည်းကြီးကြပ်စစ်ဆေးရေးဦးစီးဌာနရဲ့ စစ်ဆေးတွေ့ ရှိချက်အရ  သီလဝါမှာရှိတဲ့ ပုဂ္ဂလိကပိုင်စက်သုံးဆီ သိုလှောင်ကန်စခန်းအများစုမှာ သိုလှောင်နိုင်မှု ပမာဏရဲ့ ၃၀ ရာခိုင်နှုန်းအောက် လျော့နည်းကျဆင်းနေတယ်လို့ သိရပါတယ်။ 

ဒါကြောင့် စစ်ကောင်စီက ဆီသိုလှောင်ပမာဏ ၃၅ ရာခိုင်နှုန်းအောက် လျော့နည်းနေတဲ့ ပုဂ္ဂလိပိုင် စက်သုံးဆီးသိုလှောင်ကန်တွေကို အမြန်ပြည်လည်ဖြည့်တင်းထားဖို့ ဇွန် ၂ ရက်မှာ စက်သုံးဆီ တင်သွင်းရောင်းချဖြန့်ဖြူးရေးအသင်းဆီ ညွှန်ကြားစာ ထုတ်ပြန် သတိပေးထားပါတယ်။

ဆီလှောင်ကန်တွေအနေနဲ့ သတ်မှတ်ပမာဏအထိ ပြန်လည်ဖြည့်တင်းနိုင်ခြင်း မရှိဘဲ ထပ်မံ လျော့ကျပါက စက်သုံးဆီ ဖြန့်ဖြူးတာကို ကန့်သတ်သွားမယ်လို့ ညွှန်ကြားစာမှာ အသိ ပေးထားပါတယ်။

ပြည်ပက စက်သုံးဆီ တင်သွင်းမှုကို ထိန်းသိမ်းဆောင်ရွက်ကြဖို့နဲ့ တင်သွင်းဆဲ၊တင်သွင်းမယ့် အစီအမံတွ်ကိုလည်း ဒီလ သုံးရက်နေ့ထက် နောက်မကျဘဲ တင်ပြဖို့ ညွှန်ကြားထားပါတယ်။  

နိုင်ငံအတွက် အရေးကြီးလိုအပ်တဲ့ စက်သုံးဆီတွေကို ရန်ကုန်တိုင်းသီလဝါမှာရှိတဲ့ ပုဂ္ဂလိကပိုင် စက်သုံးဆီသိုလှောင်ကန်စခန်းတွေမှာ အဓိကသိုလှောင်ထားရှိတာ ဖြစ်ပါတယ်။ 

ဒီသိုလှောင်ကန်စခန်းတွေမှာ လက်ကျန်လျော့နည်းကျဆင်းလာရင် ဝယ်လိုအားနဲ့ ရောင်းလိုအား မမျှတတဲ့အခြေအနေ တစ်ခုလည်း ဖြစ်လာနိုင်ပါတယ်။

6 months Ago
More News
Up