ကတ်ရှ်မီးယား

August 26, 2020

ကိုဗစ်-၁၉ ကြောင့် ကတ်ရှ်မီးယားဒေသက ကျောင်းသားများ  လေဟာပြင်တွင်စာသင် 

အိန္ဒိယနိုင်ငံတဝန်း  ကိုရိုနာဗိုင်းရပ်စ်ကြောင့် စာသင်ကျောင်းတွေ ပိတ်ခဲ့ပြီးနောက်  ဝေးလံခေါင်သီ ကတ်ရှ်မီးယားဒေသက ကျောင်းသားတွေဟာ  လေဟာပြင် စာသင်ခန်းထဲမှာ ကျောင်းစာတွေကို အမှီလိုက်နေကြပါတယ်။ အဲဒီ ဒေသဟာ  အင်တာနက်လိုင်းသိပ်မကောင်းသလို  မကြာခဏလည်း ပြတ်တောက်တတ်ပါတယ်။ ဒူးပတ်သရီဒေသက ကျောင်းသားတွေအဖို့ အစိမ်းရောင်လယ်ကွင်းက သူတို့စာသင်ခန်း ဖြစ်ပါတယ်။  ဒီလယ်ကွင်းမှာ အကွက်တွေချပြီး   တစ်ယောက်နဲ့ တစ်ယောက် ခပ်ခွာခွာ စာသင်ကြပါတယ်။   ဆရာတွေကလည်း ဟိမဝန္တာတောင်တန်းကို နောက်ခံပြုလို့ ကောင်းကင်ပြာအောက်မှာ  သင်ခန်းစာတွေကို ပို့ချနေပါတယ်။ ကိုရိုနာဗိုင်းရပ်စ်ကို ထိန်းချုပ်ဖို့  မတ်လကုန်ပိုင်းမှာ အစိုးရက တနိုင်ငံလုံးကို လော့ဒေါင်းချထားလိုက်ကတည်းက   ကျောင်းတွေကို ပိတ်ထားတာပါ။ အင်တာနက်ကနေ သင်ယူဖို့ရာ တန်ဖိုးကြီး  နည်းပညာပစ္စည်းတွေ မဝယ်နိုင်တဲ့ မိဘတွေရဲ့ သန်းပေါင်းများစွာသော ကလေးတွေဟာ ပညာသင်ခွင့် မရခဲ့ပါဘူး။   တည်ငြိမ်မှု မရှိတဲ့ ဂျမူးနဲ့ ကတ်ရှ်မီးယားနယ်မြေက ကလေးငယ်တွေအဖို့ ပိုပြီး ဆိုးလှပါတယ်။ ၈ တန်း ကျောင်းသားတစ်ဦးဖြစ်တဲ့ အာမက်ကလည်း သူတို့ဒေသက လူတွေဟာ  ဆင်းရဲပြီး စမတ်ဖုန်း မဝယ်နိုင်တာမို့ အွန်လိုင်း သင်ခန်းစာတွေကို မသင်ယူနိုင်ဘူးလို့ ပြောပြပါတယ်။ ဒါ့အပြင်  မနှစ်တုန်းက အိန္ဒိယအစိုးရက ဖက်ဒရယ် နယ်မြေနှစ်ခု အဖြစ်  ခွဲလိုက်ပြီး နောက်မှာ ပညာသင်နှစ် ကသောင်းကနင်းဖြစ်ခဲ့ရတယ်လို့ ရိုက်တာသတင်းမှာ ဖော်ပြပါတယ်။ PHOTO-AFP
8 months Ago

March 5, 2020

ကတ်ရှ်မီးယားတွင် အင်တာနက်လိုင်း ပြန်ဖွင့်

အိန္ဒိယအစိုးရဟာ ကတ်ရှ်မီးယားဒေသမှာ ပြီးခဲ့တဲ့ဩဂုတ်လကစလို့ ကိုယ်ပိုင်အုပ်ချုပ်ရေး ရုပ်သိမ်းပြီး  ဒေသကို ပိတ်ထားကာ အင်တာနက်အသုံးပြုခွင့်ဖြတ်တောက်ထားတာ ပြန်လည်ဖွင့်ပေးလိုက်ပါတယ်။ အိန္ဒိယရဲ့ မွတ်ဆလင်အများစုရဲ့နေထိုင်ရာတခုတည်းသော ဒေသဖြစ်တဲ့ ကတ်ရှ်မီးယားမှာ အင်တာနက်အသုံးပြုခွင့်ပြန်ပေးလိုက်တာနဲ့အတူ လူမှုမီဒီယာပလက်ဖောင်းတွေဖြစ်တဲ့ Facebook, WhatsAp နဲ့ Instagram တို့ကိုလည်း မိုဘိုင်းဖုန်းတွေပေါ်မှာ ပြန်သုံးနေကြတယ်လို့ သိရပါတယ်။  ဒါပေမဲ့ မိုဘိုင်းအင်တာနက်မြန်နှုန်းကန့်သတ်ချက်ကိုတော့ မတ်လလယ်ပိုင်းအထိ ထားရှိဦးမယ်လို့ ရိုက်တာသတင်းမှာ ဖော်ပြပါတယ်။ ကတ်ရှ်မီးယားမှာ မငြိမ်သက်မှုတွေကြောင့် အိန္ဒိယအစိုးရက အင်တာနက်ဖြတ်တောက်မှုကို လအတော်ကြာ လုပ်ထားခဲ့ပေမဲ့ အဲဒီကာလတွေမှာ ဒေသခံတွေကတော့ တကိုယ်ရည်ကွန်ရက် virtual private network (VPN) တွေကို အသုံးပြုပြီး အကန့်အသတ်တွေကို ကျော်လွှားခဲ့ရတာပါ။
1 year Ago
More News
Up