ကတ်တလန်ဒေသ

December 22, 2017

စပိန်မှခွဲထွက်ရန် ကြိုးစားခဲ့သည့် ကတ်တလန်ဒေသ ရွေးကောက်ပွဲ စတင်ပြုလုပ်

စပိန်ကနေခွဲထွက်ဖို့ ကြိုးစားခဲ့တဲ့ ကတ်တလန်ဒေသ ရွေးကောက်ပွဲကို ဒီဇင်ဘာ ၂၁ ရက်နေ့မှာ စတင်ပြုလုပ်နေပြီ ဖြစ်ပါတယ်။ လူထုစစ်တမ်း ရလဒ်တွေအရ အခုရွေးကောက်ပွဲမှာ စပိန်ကနေ ခွဲထွက်လိုတဲ့ ပါတီနဲ့ စပိန်နဲ့ ပူးတွဲနေလိုတဲ့ ပါတီတွေအကြား ပြတ်ပြတ်သားသား အနိုင်မရနိုင်တာ တွေ့ရပါတယ်။ ရွေးကောက်ပွဲရလဒ်ဟာ ပြတ်ပြတ်သားသားမရှိတဲ့ ကတ်တလန်ပါလီမန်သာ ဖြစ်လာဖွယ်ရှိနေပြီး အစိုးရဖွဲ့ဖို့ရာမှာလည်း သီတင်းပတ်များစွာ ကြာမြင့်နို်င်ပါတယ်။ ကတ်တလန်ဒေသကို စပိန်ကနေခွဲထွက်ဖို့ ကြိုးပမ်းချက်တွေကြောင့် မသေချာ မရေရာမှုတွေ ရှိနေတဲ့ ကတ်တလန်ဒေသမှာ ဟိုတယ်တွေ လူဝင်ရောက်တည်ခိုနှုန်း ကျဆင်းခဲ့သလို စားသုံးကုန်စည် ရောင်းချရမှုကိုလည်း ထိုင်းမှိုင်းစေခဲ့တာပါ။ ကတ်တလန်မြို့မှာ မှတ်ပုံတင်ထားတဲ့ စီးပွားရေးလုပ်ငန်း ၃ ထောင်ကျော်ဟာလည်း သူတို့ရဲ့ရုံးချုပ်တွေကို ကတ်တလန်ဒေသကနေ ရွှေ့ပြောင်းသွားခဲ့ကြပါတယ်။ ကတ်တလန်လွတ်လပ်ရေး ကြိုးပမ်းချက်ကြောင့် ကတ်တလန် လူ့အဖွဲ့အစည်းကြားမှာလည်း စပိန်ကနေ ခွဲထွက်လိုသူနဲ့ စပိန်နဲ့ ပေါင်းစည်းလိုသူတွေအကြား ခါးသီးတဲ့ ကွဲပြားမှုတွေ ဖြစ်ပွားစေခဲ့တယ်လို့ ရိုက်တာသတင်းမှာ ဖော်ပြထားပါတယ်။
4 years Ago

October 17, 2017

ကတ်တလန်ဒေသ ခွဲထွက်ရေးလှုပ်ရှားသည့် ခေါင်းဆောင် ၂ ဦးကို စပိန်အစိုးရ ဖမ်းဆီး

ကတ်တလန်ဒေသကို စပိန်ကနေ ခွဲထွက်ဖို့ လှုပ်ရှားမှုမှာ အဓိကကျတဲ့ ခေါင်းဆောင် ၂ ဦးကို စပိန်အစိုးရက ဖမ်းဆီးထိန်းသိမ်းလိုက်ပါတယ်။ နိုင်ငံတော်ပုန်ကန်မှုနဲ့ တရားစွဲဆိုထားတဲ့ အဲဒီခေါင်းဆောင် ၂ ဦးကို စုံစမ်းစစ်ဆေးမှုတွေ ပြီးဆုံးသည်အထိ ဖမ်းဆီးထိန်းသိမ်းထားဖို့ စပိန်တရားရုံးချုပ်က အောက်တိုဘာ ၁၆ ရက်နေ့မှာ အမိန့်ချမှတ်လိုက်တာ ဖြစ်ပါတယ်။ သူတို့ ၂ ဦးကို စပိန်နိုင်ငံ မက်ဒရစ်မြို့တော် ဆိုတိုဒယ်ရီယယ် အကျဉ်းထောင်ကို အောက်တိုဘာ ၁၆ ရက်က ပို့ဆောင်လိုက်ပါတယ်။ ကာတာလိုးနီးယားဒေသ ခွဲထွက်ရေးနဲ့ပတ်သက်ပြီး ကတ်တလန် အမျိုးသားအစည်းအရုံး အေအန်စီအဖွဲ့ ခေါင်းဆောင် ဂျိုရဒီဆန်းချက်နဲ့ အောက်ခြေလူထုကို ကိုယ်စားပြုတဲ့ အွန်မနီယွန် (Omnium) အဖွဲ့က  ဂျိုရဒီကွီဆတ်တို့ကို ကတ်တလန်ခွဲထွက်ရေး ဆန္ဒပြမှုတွေမှာ စည်းရုံးလှုံ့ဆော်ခဲ့သူတွေဖြစ်တယ်လို့ အစိုးရရှေ့နေတွေက စွပ်စွဲထားတာပါ။ စပိန်တရားရုံးချုပ်ဟာ ကတ်တလန်ရဲချုပ် ဂျိုးဆက်လူးဝစ်ထရာပေဒိုကိုလည်း စပိန်ကနေ ထွက်ခွာသွားလာခွင့် ပိတ်ပင်လိုက်ပြီး သူ့ရဲ့ နိုင်ငံကူးလက်မှတ်ကိုလည်း သိမ်းဆည်းလိုက်ပါတယ်။ ကတ်တလန်ရဲချုပ်ကို ဖမ်းဆီးထိန်းသိမ်းခြင်း မရှိပေမယ့် နိုင်ငံတော်ပုန်ကန်မှုနဲ့ စုံစမ်းစစ်ဆေးနေဆဲ ကာလအတွင်း စပိန်ကနေ ထွက်ခွာသွားလာခွင့်ကို ပိတ်ပင်လိုက်တာဖြစ်တယ်လို့ ရိုက်တာသတင်းမှာ ဖော်ပြထားပါတယ်။
4 years Ago
Up