ကစားမည်

July 24, 2020

ဝက်ဖို့ဒ်နှင့်နောက်ဆုံးပွဲကို အကောင်းဆုံးလူစာရင်းဖြင့်ကစားမည်ဟု အာဆင်နယ်နည်းပြပြော

တန်းဆင်းဇုန်က အသင်းတွေအတွက် ဝက်ဖို့ဒ်နဲ့ပွဲကို အကောင်းဆုံးကစားပြဖို့ တာဝန်ရှိ တယ်လို့ အာဆင်နယ်နည်းပြ အာတီတာက ပြောပါတယ်။  အာဆင်နယ်အသင်းဟာ ပရီးမီးယားလိဂ်နောက်ဆုံးပွဲစဉ်မှာ တန်းဆင်းဇုန်ထဲရောက်နေတဲ့ အဆင့် ၁၈ က ဝက်ဖို့ဒ်နဲ့ယှဉ်ပြိုင်ရမှာပါ။  လက်ကျန် ၁ ပွဲ အလိုမှာ နောဝှစ်ချ်က တန်းဆင်းသွားခဲ့ပေမဲ့ ဘုန်းမောက်၊ဝက်ဖို့ဒ်နဲ့ အက်စတွန်ဗီလာတို့က အပြိုင်ဖြစ်နေတာပါ။  အဆင့် ၁၇ က အက်စတွန်ဗီလာနဲ့အဆင့် ၁၈က ဝက်ဖို့ဒ်တို့ဟာ ရမှတ်တူနေပြီး အဆင့်၁၉ က ဘုန်းမောက်က ၃မှတ်အကွာနဲ့ ဖိအားပေးနေတာပါ။  တန်းမဆင်းရဖို့  နောက်ဆုံးပွဲစဉ်တွေဟာ အဲဒီအသင်း ၃ သင်းအတွက် အရေးပါနေတာ ဖြစ်ပါတယ်။  အာဆင်နယ်နည်းပြ အာတီတာကတော့ ဝက်ဖို့ဒ်နဲ့ပွဲစဉ်မှာ အကောင်းဆုံးလူစာရင်းနဲ့ ပွဲထွက်ပြီး ရလဒ်ကောင်းရအောင်ကစားဖို့ တာဝန်ရှိပြီး စိတ်ပိုင်းဆိုင်ရာအရ အဆင်သင့်မဖြစ်ဘူး ဆိုရင်တော့ ပြဿနာတစ်ခု ဖြစ်သွားနိုင်တယ်လို့ သုံးသပ်ပါတယ်။ နောက်ဆုံးပွဲစဉ်မှာ ဗီလာက ဝက်စ်ဟမ်း၊ဘုန်းမောက်က အဲဗာတန်နဲ့ ကစားသွားရမှာ ဖြစ်ပါတယ်။ 
1 year Ago

January 19, 2020

လီဗာပူးအသင်းကို ယုံကြည်မှုအမြင့်ဆုံးဖြင့် ကစားမည်ဟု မန်ယူကစားသမားပြော

လီဗာပူးအသင်းနဲ့ပွဲမှာ အောက်အသင်းအနေနဲ့ သဘောထားကစားမှာ မဟုတ်ဘဲ ယုံကြည်မှုအမြင့်ဆုံးနဲ့ ကစားမယ်လို့  မန်ယူ ကစားသမား ဒယ်နီယယ်ဂျိမ်းက ပြောပါတယ်။ မန်ယူအသင်းဟာ ဇန်နဝါရီ ၁၉ ရက် မြန်မာစံတော်ချိန် ည ၁၁ နာရီမှာ လီဗာပူးအသင်းရဲ့ အိမ်ကွင်းမှာ သွားရောက်ရင်ဆိုင်ရမှာပါ။  အဲဒီပွဲစဉ်မှာ မန်ယူအသင်းအနေနဲ့ အောက်အသင်းတသင်းလို ခံစားချက်နဲ့ သွားရောက် ယှဉ်ပြိုင်မှာမဟုတ်ဘဲ ယုံကြည်မှု အမြင့်မားဆုံးနဲ့ ယှဉ်ပြိုင်မလို့ တောင်ပံ တိုက်စစ်မှူး ဒယ်နီယယ်ဂျိမ်းက ပြောပါတယ်။  လီဗာပူးနဲ့ ပွဲစဉ်ဟာ ခက်ခဲတဲ့ပွဲ ဖြစ်လာမှာ အမှန်ဖြစ်ပေမယ့်လည်း အပေါင်းလက္ခဏာဆောင်တဲ့ စိတ်ဓာတ်နဲ့ ရင်ဆိုင်သွားမှာဖြစ်ပြီး လီဗာပူးဆီက အမှတ်ယူနိုင်တာဟာ မိမိတို့အသင်းမှာပဲ ရှိခဲ့တယ်လို့ ဒယ်နီယယ်ဂျိမ်းက ပြောပါတယ်။  အမှတ်ပေးဇယား ထိပ်ဆုံးမှာ ဦးဆောင်နေတဲ့ လီဗာပူးအသင်းဟာ မန်ယူအသင်းနဲ့ ပထမအကျော့ ပွဲစဉ်တုန်းက သရေ ၁ မှတ်နဲ့ပဲ ကျေနပ်ခဲ့ရတာ ဖြစ်ပါတယ်။
2 years Ago
Up