ကင်းစောင့်

September 20, 2021

ကျိုက်လတ်မြို့တွင် Mytel တာဝါတိုင် မီးရှို့ခံရပြီးနောက် စစ်တပ်က ကင်းစောင့်နေ

ဧရာဝတီတိုင်း၊ ကျိုတ်လတ်မြို့နယ်၊ စစ်ကုန်းကျေးရွာအနီးရှိ အာဏာသိမ်း စစ်တပ်ပိုင် Mytel တာဝါတိုင်ကို FTR (FreeTiger Ranger) ကျိုက်လတ်မြို့နယ်အဖွဲ့ခွဲက စက်တင်ဘာ ၁၈ ရက်မှာ မီးရှို့ဖျက်ဆီးခဲ့ပြီးနောက်ပိုင်း စစ်ကောင်စီတပ်သားတွေ တာဝါတိုင်ကို လာရောက်ကင်းစောင့်နေတယ်လို့ သိရပါတယ်။

တာဝါတိုင်မီးရှို့ခံရပြီးနောက်ပိုင်း စက်တင်ဘာ ၁၉ ရက်နေ့မှာ စစ်တပ်နဲ့ရဲအင်အား ၃ဝ လောက် စစ်ကုန်းကျေးရွာကို ရောက်ရှိလာပြီး ယာယီတပ်စွဲ ကင်းစောင့်နေကာ ဒေသခံအမျိုးသား ၆ ဦးကိုလည်း ဖမ်းဆီးသွားတယ်လို့ ဒေသခံတွေက ပြောပါတယ်။

"စစ်ကောင်စီတပ်နဲ့ရဲတွေ အင်အား ၃ဝ လောက် ရောက်လာပြီး အမျိုးသား ၆ ဦးကို ဖမ်းသွားတယ်။ အဖမ်းခံရသူတွေကို ကျိုက်လတ်မြို့ပေါ်စခန်းကို ခေါ်သွားတယ်၊ ပြီးတော့ ရွာမှာ တပ်စွဲပြီးကင်းစောင့်နေတာ” လို့ ဒေသခံတဦးကပြောပါတယ်။

စစ်ကုန်းရွာအနီးမှာရှိတဲ့ Mytel တာဝါတိုင်ဟာ ကျိုက်လတ်မြို့နယ်မှာ ပထမဆုံး မီးရှို့ခံရတဲ့ တာဝါတိုင်ဖြစ်ပြီး ပြိုလဲကျသွားတာမျိုးတော့မရှိခဲ့ဘူးလို့ ဆိုပါတယ်။

FTR အဖွဲ့အနေနဲ့ စစ်ကောင်စီပိုင် စီးပွားရေးလုပ်ငန်းများကို ဖောက်ခွဲဖျက်ဆီးတာတွေ ဆက်လုပ်သွားမယ်လို့ အဖွဲ့ခေါင်းဆောင် ဗိုလ်တိုက်ဂါးက ကြေညာထားပါတယ်။

1 month Ago

September 13, 2021

မြစ်ကြီးနားက Mytel တာဝါတိုင်တစ်ခုကို စစ်ကောင်စီ အရပ်ဝတ်လက်နက်ကိုင်များ ကင်းစောင့်

ကချင်ပြည်နယ် မြစ်ကြီးနားမြို့၊ ရမ်ပူရပ်ကွက်အတွင်းက Mytel ဆက်သွယ်ရေးတာဝါတိုင်တစ်ခုကို အာဏာသိမ်းစစ်ကောင်စီတပ်သားတွေက အရပ်ဝတ်လက်နက်ကိုင်တွေ ကင်းစောင့်နေကြတယ်လို့ သိရပါတယ်။

စက်တင်ဘာ ၁၀ ရက်နေ့ကစပြီး တာဝါတိုင်အနီးမှာ စစ်ကောင်စီတပ်သားတွေ နေ့ရောညပါ ကင်းစောင့်နေကြကာ ညဘက်မှာ လူအင်အားပိုများတယ်လို့ အမည်မဖော်လိုတဲ့ ရပ်ကွက်နေပြည်သူတစ်ဦးက ပြောပါတယ်။

မြန်မာတစ်နိုင်ငံလုံးရှိ စစ်တပ်အုပ်စုပိုင် ဆက်သွယ်ရေးတာဝါတိုင်များ ဖောက်ခွဲဖျက်ဆီးခံရပြီးနောက် MPT နဲ့ Mytel ဆက်သွယ်ရေးတာဝါတိုင်များကို လုံခြုံရေးတိုးမြှင့်ဆောင်ရွက်ဖို့ စစ်ကောင်စီရဲ့ လျှို့ဝှက်ညွှန်ကြားစာတစ်စောင် လူမှုကွန်ရက်စာမျက်နှာမှာ ပျံ့နှံ့ခဲ့ပါတယ်။

စက်တင်ဘာလ ၁၂ ရက်နေ့က  စစ်ကောင်စီက ထုတ်ဝေတဲ့ နိုင်ငံပိုင်သတင်းစာကနေ မြန်မာတစ်နိုင်ငံလုံးက တာဝါတိုင် ၆၈ ခု ဖောက်ခွဲဖျက်ဆီးခံရကြောင်း ရေးသားဖော်ပြထားပါတယ်။

1 month Ago
Up