ကင်ညာ

October 16, 2021

ကင်ညာတွင် မိုးခေါင်ရေရှားပြီး လူနှင့်တိရစ္ဆာန်များ အငတ်ဘေးဆိုက်

ကင်ညာနိုင်ငံမြောက်ပိုင်းမှာ မိုးခေါင်ရေရှားလွန်းတာကြောင့် လူတွေရော ကျွဲနွားတိရစ္ဆာန်တွေပါ ပိန်လှီခြောက်ခမ်းပြီး စီးပွားရေးလည်း ကျဆင်းနေပါတယ်။ 

နိုင်ငံမြောက်ပိုင်းဒေသမှာ ၅ နှစ်အောက်ကလေး ၄၆၅၀၀၀ ကျော်နဲ့ ကိုယ်ဝန်ဆောင်နဲ့နို့တိုက်မိခင် ၉၃၀၀၀ ကျော်တို့ဟာ အာဟာရချို့တဲ့နေတယ်လို့ ကုလသမဂ္ဂက ပြောပါတယ်။

စားသောက်ကုန်ဈေးနှုန်းတွေ တက်နေပြီး မိုးရွာခေါင်တာကြောင့် လူ ၂ ဒသမ ၄ သန်းဟာ နိုဝင်ဘာလလောက်မှာ စားနပ်ရိက္ခာဖူလုံဖို့ ရုန်းကန်ရလိမ့်မယ်လို့ ကုလသမဂ္ဂ ကမ္ဘာ့စားနပ်ရိက္ခာ အစီအစဉ်က ဆိုပါတယ်။  

အတိတ်ကမိုးခေါင်မှုတွေကို ကြိုတင်ခန့်မှန်းလို့ ရနိုင်ပြီး ၅ နှစ်ကနေ ၁၀ နှစ် ဆိုရင် ဖြစ်စဉ်က တခါပြန်ကြော့လာပြီး စားကျက်တွေနဲ့ ရေသတ္တဝါတွေ ပြန်ပေါ်လာကြတာပဲလို့ Plan International အဖွဲ့ ရဲ့ သဘာဝဘေးအန္တရာယ် စီမံခန့်ခွဲမှုဆိုင်ရာ ဒေသဆိုင်ရာဌာနမှူး မောရီဆဉာဏ်ဂိုက ပြောပါတယ်။

အမေရိကန်အစိုးရရဲ့အချက်အလက်တွေအရ လာမယ့် နှစ် ၅၀ အတွင်းမှာ ၉ ရက်မှ ၃၀ ရက်အတွင်း စိုက်ပျိုးမွေးမြူရေးမှာ ရေအခက်အခဲ ပိုရှိနိုင်မယ်လို့ ခန့်မှန်းထားပါတယ်။ 

1 week Ago

September 3, 2021

ကင်ညာနှင့် ဂါနာသို့ အမေရိကန်က ကိုဗစ်-၁၉ ကာကွယ်ဆေး ၂ သန်းကျော်ပေးပို့

ကင်ညာနဲ့ ဂါနာနိုင်ငံတွေကို အမေရိကန်နိုင်ငံက Moderna ကိုဗစ်-၁၉ ကာကွယ် ဆေး ၂ သန်းကျော် ပေးပို့ခဲ့တယ်လို့ အမေရိကန် သမ္မတအိမ်ဖြူတော်တာဝန်ရှိသူတွေက ပြောပါတယ်။

ဒါဟာ ကမ္ဘာ့ကျန်းမာရေးအဖွဲ့(ဒဗလျူအိပ်ချ်အို)ရဲ့ ကိုဗစ်-၁၉ ကာကွယ်ဆေး မျှ ဝေသုံးစွဲနိုင်ရေး-ကိုဗက်စ်အစီအစဉ်နဲ့ ပေးပို့ခဲ့တာဖြစ်တယ်လို့ ဆိုပါတယ်။

အခုပေးပို့မှုမှာတော့ ကင်ညာနိုင်ငံကို ကာကွယ်ဆေး ၈ သိန်း ၈ သောင်းကျော်နဲ့ စုစုပေါင်း ၁ ဒသမ ၇၆ သန်းကျော်ရှိလာခဲ့ပြီဖြစ်ကာ ဂါနာနိုင်ငံကိုတော့ ပထမအကြိမ်အ ဖြစ် ၁ ဒသမ ၂၂ သန်းကျော် ပေးပို့ခဲ့တယ်လို့ ဆိုပါတယ်။

အာဖရိကနိုင်ငံတွေမှာ ကိုဗစ်-၁၉ ကာကွယ်ဆေး ထိုးနှံပေးနိုင်မှုဟာ တခြားဒေသတွေနဲ့ နှိုင်းစာရင်တော့ သိသိသာသာ နိမ့်ကျနေခဲ့တာ ဖြစ်ပါတယ်။

2 months Ago
More News
Up