ကင်ဂျုံအန်း

A d v e r t i s e m e n t With Us

January 9, 2021

အမေရိကန်ဟာ မြောက်ကိုရီးယားရဲ့ အကြီးမားဆုံး ရန်သူပဲ - ကင်ဂျုံအန်း

အမေရိကန်ဟာ သမ္မတ ပြောင်းတိုင်း မူဝါဒ မပြောင်းကြောင်းနဲ့ မြောက်ကိုရီးယားရဲ့ အကြီးမားဆုံး ရန်သူပဲလို့ ခေါင်းဆောင် ကင်ဂျုံအန်းက ပြောကြောင်း နိုင်ငံပိုင်ရုပ်သံက ဇန်နဝါရီ ၉ ရက်မှာ ထုတ်လွှင့်ခဲ့ပါတယ်။ ဒါဟာ ရွေးကောက်ခံသမ္မတ ဂျိုးဘိုင်ဒင်ကို ပြောင်ပြောင်တင်းတင်း စိန်ခေါ်လိုက်တာပဲ ဖြစ်ပါတယ်။  အမေရိကန်ရဲ့ ရန်လိုတဲ့ မူဝါဒတွေကို ရုပ်သိမ်းရေးဟာ မြောက်ကိုရီးယား-အမေရိကန် ဆက်ဆံရေးအတွက် အဓိကကျတယ်လို့လည်း ကင်က ပြောခဲ့ပါတယ်။   မြောက်ကိုရီးယားရဲ့ နျူလက်နက်တွေကို  တလွဲသုံးမှာ မဟုတ်ကြောင်း၊ မြောက်ကိုရီးယားဟာ လက်ဦးမှု ရယူပြီး လက်တုံ့ပြန်နိုင်တဲ့ တိုက်ခိုက်ရေး စွမ်းရည်တွေ နဲ့ အရွယ်အစားအမျိုးမျိုးရှိတဲ့ နျူထိပ်ဖူးတွေ အပါအဝင် နျူလက်နက်အင်အားကို တိုးချဲ့နေတယ်လို့ ကင်ဂျုံအန်းက ပြောဆိုသွားပါတယ်။  ဒါ့အပြင် မြောက်ကိုရီးယားခေါင်းဆောင်က အသံထက်မြန်ဆန်တဲ့ လက်နက်တွေ၊ အစိုင်အခဲလောင်စာသုံးတိုက်ချင်းပစ် ဒုံးပျံတွေ၊ ထောက်လှမ်းရေး ဂြိုဟ်တုတွေ နဲ့ ဒရုန်းတွေ အပါအဝင် အဆင့်မြင့် စစ်ဘက်ပစ္စည်းတွေ ပိုမိုတီထွင်ဖန်တီးကြဖို့ကိုလည်း မြို့တော်ပြုံယမ်းမှာ ကျင်းပနေတဲ့ ပါတီကွန်ဂရက်အတွင်း ထည့်သွင်းပြောဆိုခဲ့တယ်လို့ ရိုက်တာက ဖော်ပြပါတယ်။ 
2 months Ago

January 6, 2021

မြောက်ကိုရီးယား၏ စီးပွားရေးစီမံကိန်း ရည်မှန်းချက်မပြည့်မီဟု ကင်ဂျုံအန်း ပြော

မြောက်ကိုရီးယားရဲ့ ၅ နှစ်တာ စီးပွားရေးစီမံကိန်းမှာ ကဏ္ဍအားလုံးလိုလို ရည်မှန်းချက် မပြည့်မီခဲ့ဘူးလို့ ခေါင်းဆောင် ကင်ဂျုံအန်းက ပြောလိုက်ပါတယ်။ မြောက်ကိုရီးယားရဲ့ အာဏာရအလုပ်သမားပါတီကွန်ဂရက်ကို ဇန်နဝါရီ ၅ ရက်က စတင်ပြီး ကွန်ဂရက်အစည်းအဝေးကို ကင်နဲ့အတူ ထိပ်တန်းလက်ထောက်တွေလည်း တက်ရောက်ပါတယ်။ အဖွင့်မိန့်ခွန်းမှာ ခေါင်းဆောင် ကင်က မြောက်ကိုရီးယားဟာ နိုင်ငံ့အင်အားနဲ့ ကမ္ဘာ့အလယ် နိုင်ငံ့ဂုဏ်သိက္ခာကို မြှင့်တင်ပြီး အံ့ဖွယ်အောင်မြင်မှုကို ရခဲ့တယ်လို့ ပြောပါတယ်။  ကင်ဟာ ၂၀၁၇ ခုနှစ်တုန်းက အောင်အောင်မြင်မြင် ပစ်လွှတ်ခဲ့တဲ့ တိုက်ချင်းပစ် ဒုံးကျည်စမ်းသပ်မှုကို ရည်ညွှန်းပြောဆိုတာပါ။ နိုင်ငံပိုင် KCNA ရုပ်သံက ထုတ်ပြန်တဲ့ ဓာတ်ပုံတွေမှာ တခြားအခမ်းအနားတွေနဲ့ မတူဘဲ ကွန်ဂရက် တက်ရောက်သူတွေက နှာခေါင်းစည်း မတပ်ထားသလို တစ်ယောက်နဲ့ တစ်ယောက် ခပ်ခွာခွာထိုင်တာမျိုးလည်း မတွေ့ရပါဘူး။ အာဏာရ အလုပ်သမားပါတီ ကွန်ဂရက်အစည်းဝေးဟာ ရက်ချီ ကြာမြင့်မှာဖြစ်ပြီး အစည်းအဝေးအတွင်း ကင်ဟာ သူရဲ့ ညီမဖြစ်သူ အပါအဝင် ခေါင်းဆောင်ပိုင်း အပြောင်းအလဲကို ကြေညာဖွယ်ရှိပါတယ်။ ဒါ့အပြင် အဖွဲ့အစည်းဆိုင်ရာ၊ ဘတ်ဂျက်နဲ့ စာရင်းစစ်ရေးရာ ကိစ္စရပ်တွေကို ဆွေးနွေးသွားမယ် မျှော်လင့်ရတယ်လို့ ရိုက်တာက တင်ပြပါတယ်။
2 months Ago
More News
Up