ကင်ဂျုံအန်

April 25, 2020

ကင်ဂျုံအန်း ကျန်းမာရေးအတွက် တရုတ်ဆေးအဖွဲ့ စေလွှတ်

တရုတ်အစိုးရဟာ မြောက်ကိုရီးယားခေါင်းဆောင် ကင်ဂျုံအန်းအတွက် ဆေးဘက်ဆိုင်ရာ အဖွဲ့တဖွဲ့ကို စေလွှတ်ပေးထားတယ်လို့ သိရပါတယ်။ တရုတ်ဘက်ကနေ ဒီလို ဆရာဝန်တွေနဲ့ အရာရှိတွေ ပါဝင်တဲ့အဖွဲ့တဖွဲ့  မြောက်ကိုရီးယားကို ထွက်ခွာသွားတဲ့အပေါ် သတင်းတွေ မျိုးစုံထွက်နေပါတယ်။ အဲဒီအဖွဲ့ဟာ အသက်ရှူလမ်းကြောင်းဆိုင်ရာ ရောဂါတမျိုး ခံစားနေရတယ်လို့ သတင်းထွက်နေတဲ့ မြောက်ကိုရီးယားခေါင်းဆောင်ကို ကုသဖို့လား ဆိုတာလည်း သတင်းတွေမှာ ရှင်းရှင်းလင်းလင်း မဖော်ပြနိုင်သေးပါဘူး။ မြောက်ကိုရီးယား အရေးအတွက် အဓိကကိုင်တွယ်ရတဲ့ တရုတ်ကွန်မြူနစ်ပါတီ နိုင်ငံတကာ ဆက်ဆံရေးဌာနရဲ့ ထိပ်တန်းတာဝန်ရှိသူတွေဟာ ဧပြီ ၂၃ ရက်က တရုတ်ကနေ မြောက်ကိုရီးယားကို ထွက်သွားတယ်လို့ သိရပါတယ်။ အဲဒီနေ့မှာပဲ အမေရိကန်သမ္မတဒေါ်နယ်ထရမ့်က ကင်ဂျုံအန်းရဲ့ ကျန်းမာရေးနဲ့ပတ်သက်လို့ သတင်းတွေထွက်နေတာ မဟုတ်မှန်လောက်ဘူးလို့ မှတ်ချက်ပေးထားပါတယ်။ မြောက်ကိုရီးယားနိုင်ငံပိုင်မီဒီယာဟာ ကင်ဂျုံအန်းရဲ့ သွားလာမှုနဲ့ပတ်သက်လို့ နောက်ဆုံး ဖော်ပြခဲ့တာ ဧပြီ ၁၁ ရက်နေ့က ဖြစ်တယ်လို့ ရိုက်တာသတင်းက ဖော်ပြထားပါတယ်။
12 months Ago

August 30, 2019

ဖွဲ့စည်းပုံအခြေခံဥပဒေ ပြောင်းလဲရန် မြောက်ကိုရီးယားလွှတ်တော် အတည်ပြု

မြောက်ကိုရီးယားခေါင်းဆောင် ကင်ဂျုံအန်းရဲ့ အခန်းကဏ္ဍ ပိုမိုခိုင်မာစေရေးအတွက် ဖွဲ့စည်းပုံအခြေခံဥပဒေ ပြောင်းလဲဖို့ မြောက်ကိုရီးယားလွှတ်တော်က အတည်ပြုလိုက်တယ်လို့ နိုင်ငံပိုင်ရုပ်သံသတင်းဌာန KRT က သြဂုတ် ၂၉ ရက်နေ့မှာ ကြေညာပါတယ်။ ဒါ့ကြောင့် မြောက်ကိုရီးယား နိုင်ငံရေးရာကိစ္စရပ်အားလုံးကို ခေါင်းဆောင်ကင်ဂျုံအန်းရဲ့ လမ်းညွှန်မှုအောက်မှာ လုပ်ဆောင်သွားမှာလို့ မြောက်ကိုရီးယားလွှတ်တော် အမြဲတမ်းပါတီ ကော်မတီဥက္ကဋ္ဌ ချွဲယုံးဟဲက ပြောတယ်လို့ KRT သတင်းဌာနက ဖော်ပြပါတယ်။ ဇူလိုင်က ဖွဲ့စည်းပုံအခြေခံဥပဒေသစ်အရ ကင်ဂျုံအန်းဟာ မြောက်ကိုရီးယား နိုင်ငံ့အကြီးအကဲရာထူးနဲ့ စစ်သေနာပတိ ရာထူးကို တရားဝင် ရယူခဲ့ပါတယ်။ ဩဂုတ် ၂၉ ရက်နေ့က မြောက်ကိုရီးယားအစိုးရရဲ့ ခြေလှမ်းသစ်ဟာ အမေရိကန်နဲ့ ငြိမ်းချမ်းရေး သဘောတူစာချုပ်အတွက် ပြင်ဆင်နေတာ ဖြစ်နိုင်တယ်လို့ လေ့လာသုံးသပ်သူတွေက ပြောပါတယ်။ မြောက်ကိုရီးယားနိုင်ငံဟာ အမေရိကန်နဲ့ ပုံမှန်သံတမန်ဆက်ဆံရေး တည်ဆောက်ဖို့အတွက် ငြိမ်းချမ်းရေး သဘောတူညီချက် တောင်းဆိုနေတာ ကြာပါပြီ။
ဖြဲ႕စည္းပုံအေျခခံဥပေဒ ေျပာင္းလဲရန္ ေျမာက္ကိုရီးယားလႊတ္ေတာ္ အတည္ျပဳ DVB ေျမာက္ကိုရီးယားေခါင္းေဆာင္ ကင္ဂ်ဳံအန္းရဲ႕ အခန္းက႑ ပိုမိုခိုင္မာေစေရးအတြက္ ဖြဲ႕စည္းပုံအေျခခံဥပေဒ ေျပာင္းလဲဖို႔ ေျမာက္ကိုရီးယားလႊတ္ေတာ္က အတည္ျပဳလိုက္တယ္လို႔ ႏိုင္ငံပိုင္႐ုပ္သံသတင္းဌာန KRT က ၾသဂုတ္ ၂၉ ရက္ေန႔မွာ ေၾကညာပါတယ္။ ဒါ့ေၾကာင့္ ေျမာက္ကိုရီးယား ႏိုင္ငံေရးရာကိစၥရပ္အားလုံးကို ေခါင္းေဆာင္ကင္ဂ်ဳံအန္းရဲ႕ လမ္းၫႊန္မႈေအာက္မွာ လုပ္ေဆာင္သြားမွာလို႔ ေျမာက္ကိုရီးယားလႊတ္ေတာ္ အၿမဲတမ္းပါတီ ေကာ္မတီဥကၠ႒ ခြၽဲယုံးဟဲက ေျပာတယ္လို႔ KRT သတင္းဌာနက ေဖာ္ျပပါတယ္။ ဇူလိုင္က ဖြဲ႕စည္းပုံအေျခခံဥပေဒသစ္အရ ကင္ဂ်ဳံအန္းဟာ ေျမာက္ကိုရီးယား ႏိုင္ငံ့အႀကီးအကဲရာထူးနဲ႔ စစ္ေသနာပတိ ရာထူးကို တရားဝင္ ရယူခဲ့ပါတယ္။ ဩဂုတ္ ၂၉ ရက္ေန႔က ေျမာက္ကိုရီးယားအစိုးရရဲ႕ ေျခလွမ္းသစ္ဟာ အေမရိကန္နဲ႔ ၿငိမ္းခ်မ္းေရး သေဘာတူစာခ်ဳပ္အတြက္ ျပင္ဆင္ေနတာ ျဖစ္ႏိုင္တယ္လို႔ ေလ့လာသုံးသပ္သူေတြက ေျပာပါတယ္။ ေျမာက္ကိုရီးယားႏိုင္ငံဟာ အေမရိကန္နဲ႔ ပုံမွန္သံတမန္ဆက္ဆံေရး တည္ေဆာက္ဖို႔အတြက္ ၿငိမ္းခ်မ္းေရး သေဘာတူညီခ်က္ ေတာင္းဆိုေနတာ ၾကာပါၿပီ။
2 years Ago
Up