ရုရှားလေတပ်ရဲ့ Su-27 တိုက်လေယာဉ်ဟာ ဘော်လ်တစ်ပင်လယ်ပေါ် ဖြတ်သန်းလာတဲ့ အမေရိကန်နဲ့ ဆွီဒင် ကင်းထောက်လေယာဉ်တွေကို ကြားဖြတ် ဟန့်တားခဲ့တယ်လို့ ရုရှားကာကွယ်ရေးဝန်ကြီးဌာနက ဇွန် ၁၁ ရက်နေ့မှာ ပြောပါတယ်။ လက်ရှိ ဘော်တစ်ပင်လယ်ပြင်မှာ နေတိုးအဖွဲ့က ရေကြောင်း စစ်ရေးလေ့ကျင့်နေတာပါ။ ဇွန်လ ၁၀ ရက်နေ့မှာ ဘော်တစ်ပင်လယ်ပင်ပေါ်က ရုရှားလေကြောင်းပိုင်နက် နယ်စပ်ကို ချဉ်းကပ်လာတဲ့ လေယာဉ်နှစ်စီး တွေ့ခဲ့ရတယ်လို့ ရုရှား ကာကွယ်ရေးဝန်ကြီးဌာနက ကြေညာချက်ထဲမှာ ပြောပါတယ်။ ရုရှား လေကြောင်းကာကွယ်ရေးတပ်ဖွဲ့ရဲ့ Su-27 တိုက်လေယာဉ်က ရုရှားလေကြောင်း ပိုင်နက်နားကို ချဉ်းကပ်လာတဲ့ RC-135 အမျိုးအစား အမေရိကန် ကင်းထောက်လေယာဉ်တစီးနဲ့ Gulfstream အမျိုးအစား ဆွီဒင် ကင်းထောက်လေယာဉ်တစီးကို ကြားဖြတ်ဟန့်တားခဲ့ပါတယ်။ ဒါ့အပြင် ရုရှားလေကြောင်းပိုင်နက်ထဲ ချိုးဖောက်ဝင်လာတာမျိုး မဖြစ်ရအောင် ဟန့်တားဖို့ Su-27 တိုက်လေယာဉ်က အဲဒီကင်းထောက်လေယာဉ်နှစ်စီးကို စောင့်ကြပ် ပျံသန်းခဲ့တယ်လို့လည်း ကာကွယ်ရေးဝန်ကြီးဌာနက ပြောပါတယ်။

ဖိလစ်ပိုင်ရေပိုင်နက်ကို ကင်းလှည့်ဖို့နဲ့ ရေတပ်စွမ်းဆောင်နိုင်ရည် တိုးမြှင့်ဖို့ ဂျပန်နိုင်ငံကနေ ကင်းထောက်လေယာဉ် ၃ စီးကို ဖိလစ်ပိုင်ရေတပ်က မတ်လ ၂၆ ရက်နေ့မှာ လက်ခံရယူလိုက်ပါတယ်။ TC90 ဘီးခရပ် လေယာဉ် ၃ စီးဟာ လွှဲပြောင်းရေးအခမ်းအနား ကျင်းပရာ မနီလာမြို့တော် အပြင်ဘက်က ရေတပ်စခန်းထဲကို ဆင်းသက်ခဲ့တာပါ။ ဒီပွဲကို ဖိလစ်ပိုင် ကာကွယ်ရေးဝန်ကြီး ဒယ်လ်ဖင် လိုရန်ဇာနာနဲ့ ဂျပန် ကာကွယ်ရေးဝန်ကြီးဌာန ဒု-ဝန်ကြီး တစုအို ဖုခုဒတို့ တက်ရောက်ပါတယ်။ "နိုင်ငံတကာ လူ့အဖွဲ့အစည်းရဲ့ အစိတ်အပိုင်းအနေနဲ့ ပင်လယ်ရေကြောင်း ဘေးကင်းရေး ထိန်းသိမ်းဖို့ ဖိလစ်ပိုင်နဲ့အတူ လွတ်လပ်စွာ ရေကြောင်းသွားလာခွင့်တွေကို လိုချင်တယ်။ ဒါဟာ ဖိလစ်ပိုင်အတွက်သာ မကဘဲ ဒေသတွင်းအတွက်ရော ကျနော်တို့အတွက်ပါ အကျိုးရှိပါတယ်" လို့ ဂျပန် ကာကွယ်ရေးဝန်ကြီးဌာန ဒုတိယဝန်ကြီးက ပြောပါတယ်။ ဒါဟာ အကွီနိုအစိုးရနဲ့ ဂျပန်အစိုးရတို့ကြား TC90 လေယာဉ်ငါးစီး လွှဲပေးမယ့် ထောက်ပံ့မှုရဲ့ အစိတ်အပိုင်း ဖြစ်ပါတယ်။ ဒီလေယာဉ်တွေကို နိုင်ငံတောင်ပိုင်းနဲ့ အရှေ့မြောက်ပိုင်းက ရေပြင်မှာ ကင်းလှည့်ဖို့ သုံးမယ်လို့ ဖိလစ်ပိုင်ဝန်ကြီးက ပြောပါတယ်။ ဖိလစ်ပိုင်ဟာ ဘမ်ဟမ် ရေအောက်ကုန်းမြင့်မှာ စီးပွားရေးလုပ်ကိုင်ခွင့် လောလောလတ်လတ် ရထားလို့ အဲဒီနေရာမှာ ကင်းလှည့်မှာပါ။ ဒီလေယာဉ်တွေကို တောင်တရုတ်ပင်လယ်အတွင်း ပိုင်နက်အရေးနဲ့ ပတ်သက်ပြီး အာရုံစိုက် သုံးစွဲမှာမဟုတ်ဘူးလို့ ဖိလစ်ပိုင် ကာကွယ်ရေးဝန်ကြီးက ပြောခဲ့ပါတယ်။