ကင်ဂျုံအန်း

August 3, 2017

ကင်ဂျုံအန်းသည် အာရှကိုဖျက်ဆီးမည့် အရူးကောင်ဟု ဖိလစ်ပိုင်သမ္မတ ဝေဖန်

မြောက်ကိုရီးယားခေါင်းဆောင် ကင်ဂျုံအန်းဟာ နျူကလီးယားစစ်ဖြစ်အောင် လုပ်နေပြီး အာရှကိုဖျက်ဆီးမယ့် အရူးကောင်လို့ ဖိလစ်ပိုင်သမ္မတ ဒူတာတေးက ဝေဖန်ပြစ်တင်လိုက်ပါတယ်။ ပြုံယမ်းရဲ့ တာဝေးပစ်ဒုံးကျည် စမ်းသပ်မှုတွေအရေး ဆွေးနွေးသွားမယ့် နိုင်ငံတကာ အစည်းအဝေးပွဲကို မနီလာမြို့တော်မှာ လက်ခံမကျင်းပခင် ရက်ပိုင်းအလိုမှာ ခုလိုပြောလိုက်တာဖြစ်ပြီး သူဟာ အန္တရာယ်များတဲ့ အရုပ်တွေနဲ့ ဆော့ကစားနေတာဖြစ်တယ်လို့ အားမနာတမ်း ဝေဖန်လိုက်တာပါ။ ဒီဒေသဆိုင်ရာ ထိပ်သီးအစည်းအဝေးပွဲမှာ မြောက်ကိုရီးယား နိုင်ငံခြားရေးဝန်ကြီးနဲ့လည်း ဒူတာတေး တွေ့ဖို့ရှိနေပါတယ်။ ဒူတာတေးက ကင်မ်ကို “အရူးတယောက်” လို့ သုံးသွားခဲ့ကာ “တကယ်လို့ သူအမှားတခုခု လုပ်လိုက်တာနဲ့ အရှေ့ဖျားဒေသဟာ လုံးဝခြောက်သွေ့တဲ့ လွင်တီးခေါင်မြေ ဖြစ်သွားလိမ့်မယ်” လို့ နိုင်ငံပိုင်ရုပ်သံသတင်းမှာ သတိပေး ပြောကြားလိုက်တာပါ။ “ဒီ နျူကလီးယားစစ်ကို ရပ်သင့်ပါပြီ။ တကယ်လို့ အကန့်အသတ်ရှိတဲ့ ထိပ်တိုက်ရင်ဆိုင်မှုတွေ ဒီမှာ စဖြစ်ပြီဆိုရင် နောက်ဆက်တွဲပြဿနာတွေက ဘာတွေဖြစ်မလဲ မသိနိုင်ပါဘူး။ ဒီမြေတွေပေါ်မှာ ဘာမှကို စိုက်လို့ပျိုးလို့ ရတော့မှာ မဟုတ်ဘူး။” မြောက်ကိုရီးယားနိုင်ငံဟာ ပြီးခဲ့တဲ့အပတ်ကလည်း အမေရိကန်နိုင်ငံ ဘယ်နေရာကိုမဆို ထိမှန်နိုင်တယ်ဆိုတဲ့ ဒုတိယအကြိမ် တိုက်ချင်းပစ်ဒုံးကျည် စမ်းသပ်မှုတခုကို ပြုလုပ်ခဲ့ပါသေးတယ်။ အခုကျင်းပမယ့် လုံခြုံရေးဆွေးနွေးပွဲဆိုင်ရာ အစည်းအဝေးကို အမေရိကန် နိုင်ငံခြားရေးဝန်ကြီး ရက်စ်တေလာဆန်နဲ့ တရုတ်နိုင်ငံခြားရေးဝန်ကြီး ဝမ်ယီတို့လည်း တက်ရောက်ကြမှာဖြစ်ပြီး နိုင်ငံပေါင်း ၂၇ နိုင်ငံက နိုင်ငံခြားရေးဝန်ကြီးတွေ ပါဝင်မှာပါ။ နိုင်ငံခြားရေးဝန်ကြီးတွေဟာ မြောက်ကိုရီးယားရဲ့ နျူကလီးယားဒုံးကျည် စမ်းသပ်မှုနဲ့ ပတ်သက်ပြီး အကြီးအကျယ် စိုးရိမ်နေကြပြီး ဒီအကြောင်းတွေကို ဦးဆောင်ဆွေးနွေးသွားကြမှာဖြစ်တယ်လို့ ဆိုပါတယ်။
4 years Ago

February 15, 2017

မြောက်ကိုရီးယားခေါင်းဆောင် ကင်ဂျုံအန်း၏ အစ်ကိုဖြစ်သူ မလေးရှားလေဆိပ်တွင် အသတ်ခံရ

မြောက်ကိုရီးယားခေါင်းဆောင် ကင်ဂျုံအန်းရဲ့ အစ်ကိုဖြစ်သူ ကင်ဂျုံနမ်ဟာ ဖေဖော်ဝါရီ ၁၃ ရက်နေ့က မလေးရှားနိုင်ငံမြို့တော်၊ ကွာလာလမ်ပူလေဆိပ်ထဲမှာ လုပ်ကြံခံရပြီး သေဆုံးသွားပါတယ်။ ကင်ဂျုံနမ်ဟာ နိုင်ငံကူးလက်မှတ်ပေါ်မှာ နာမည်တုတခုနဲ့ အသုံးပြုထားခဲ့တာဖြစ်ပြီး လေဆိပ်ထဲမှာ မကာအိုကိုထွက်ခွာမယ့် လေယာဉ်နဲ့လိုက်ပါဖို့ စောင့်ဆိုင်းနေချိန် တိုက်ခိုက်ခံခဲ့ရတာဖြစ်တယ်လို့ ဘီဘီစီသတင်းတပုဒ်မှာ ဖော်ပြပါတယ်။ ဒါပေမယ့် ဘယ်လိုတိုက်ခိုက်ခံရပြီး သေဆုံးခဲ့ရတယ်ဆိုတဲ့ အကြောင်းရင်း အသေးစိတ်ကိုတော့ ရှင်းရှင်းလင်းလင်း မသိနိုင်သေးပါဘူး။ ကင်ဂျုံနမ်ကို အမျိုးသမီးတဦးက နောက်ကနေ ဖမ်းချုပ်လိုက်ပြီး မျက်နှာကို အရည်တခုခုဆွတ်ထားတဲ့ အဝတ်တခုနဲ့အုပ်ပြီး တိုက်ခိုက်ခဲ့တာဖြစ်တယ်လို့ မလေးရှားရဲ ပြောရေးဆိုခွင့်ရသူ ဖက်ဒ်ဇီ အာမက်ဒ်က မလေးရှားစတား သတင်းစာကို ပြောခဲ့ပါတယ်။ ဘာနားမားသတင်းစာမှာတော့ အဝတ်မှာ စပရေးတခုခုဖျန်းထားတာ ဒါမှမဟုတ် အပ်ကို အသုံးပြုထားတာ ဖြစ်နိုင်တယ်လို့ ဖော်ပြထားတာပါ။ တိုက်ခိုက်ခံခဲ့ရပြီးနောက်မှာ သူ့ရဲ့ မျက်လုံးတွေ လောင်ကျွမ်းသွားခဲ့တာဖြစ်ပြီး နီးစပ်ရာ ပူထရာဂျာရာဆေးရုံဆီ ပို့ဆောင်ခဲ့ချိန် လမ်းမှာ သေဆုံးသွားခဲ့တာ ဖြစ်ပါတယ်။ သူသေဆုံးရတဲ့ သတင်းကို ဖေဖော်ဝါရီ ၁၄ ရက်နေ့ထိ သတင်းတွေမှာ ဖော်ပြခြင်းမရှိခဲ့ဘဲ လိုအပ်တဲ့ စစ်ဆေးမှုတွေ ဆက်လက်လုပ်ဆောင်နေဆဲဖြစ်ကာ သတင်းတိတိကျကျ ထုတ်ပြန်နိုင်ခြင်း မရှိသေးပါဘူး။ တောင်ကိုရီးယားအခြေစိုက် ချိုဆန်းရုပ်သံသတင်းဌာနကတော့ ကင်ဟာ မလေးရှားလေဆိပ်တွင်းမှာ အမည်မသိ အမျိုးသမီး ၂ ဦးက အဆိပ်အပ်သုံး တိုက်ခိုက်ခံခဲ့ရပြီး သေဆုံးသွားခဲ့တယ်လို့  ထုတ်လွှင့်သွားခဲ့ပြီး ဒီတိုက်ခိုက်မှု နောက်ကွယ်မှာ မြောက်ကိုရီးယားကို မလေးရှားရဲတွေက သံသယရှိနေတယ်လို့ ဖော်ပြခဲ့တာပါ။
4 years Ago
Up