ကချင်ပြည်နယ်အစိုးရ

April 21, 2019

တရုတ်တစ်သျှူးငှက်ပျော ပြဿနာ ကော်မတီဖွဲ့ ဖြေရှင်းမည်ဟု ကချင်ပြည်နယ်အစိုးရပြော

တရုတ်တစ်သျှူးငှက်ပျောစိုက်ခင်း ပြဿနာတွေကို ပြည်နယ်အစိုးရက ကော်မတီတွေ ဖွဲ့စည်းပြီး ဖြေရှင်းသွားမယ်လို့ ကချင်ပြည်နယ်အစိုးရအဖွဲ့က ပြောပါတယ်။ ကချင်ပြည်နယ်ထဲမှာ ခွင့်ပြုချက်မရှိဘဲ စိုက်ပျိုးနေတဲ့ တစ်သျှူးငှက်ပျော စိုက်ခင်း တွေနဲ့ပတ်သက်ပြီး ပြည်နယ်အစိုးရ အဖွဲ့ကိုယ်တိုင် ကော်မတီဖွဲ့ပြီး ကိုင်တွယ်ဖြေရှင်းသွားမှာပါ။ အဲဒီကော်မတီမှာ ဥက္ကဋ္ဌအနေနဲ့ ကချင်ပြည်နယ်အစိုးရအဖွဲ့ လယ်ယာစိုက်ပျိုးရေးနဲ့ ဆည် မြောင်းဝန်ကြီးဌာနဝန်ကြီး ဦးကျော်ကျော်ဝင်းက တာဝန်ယူသွားမယ်လို့ လီဆူးတိုင်းရင်းသားရေးရာဝန်ကြီး ဦးအားတီယောဟန်က ပြောပါတယ်။ ကော်မတီအနေနဲ့ ငှက်ပျောစိုက်ခင်းတွေနဲ့ပတ်သက်ပြီး စည်းမျဉ်း၊ မူဘောင်တွေ ချမှတ်ပြီး စနစ်တကျ ကိုင်တွယ်ဆောင်ရွက်သွားမယ်လို့ ပြည်နယ်အစိုးရအဖွဲ့က ဆိုပါတယ်။ ဒီငှက်ပျောစိုက်ခင်းတွေကြောင့် မြေယာဆုံးရှုံးတာ၊ မြေဆီလွှာပျက်စီးတာနဲ့ သဘာဝပတ်ဝန်း ကျင်ထိခိုက်မှုတွေ ဖြစ်ပေါ်နေတယ်ဆိုပြီး ဒေသခံပြည်သူတွေဘက်က တိုင်ကြားတာတွေ ရှိပါတယ်။ ဦးအားတီယောဟန်က “ပြည်သူအတွက် ဆိုးကျိုး၊ ကောင်းကျိုး၊ ပြည်နယ်အတွက် ကောင်းကျိုးဆိုးကျိုး ပြီးမှ ပြည်သူတွေရဲ့ ရွာမြေတွေမှာဖြစ်နေတဲ့ သဘာဝတွေ ပျက်စီးသွားတဲ့ကိစ္စတွေ၊ တိုင်စာအပေါ်မှာလည်း ကော်မတီက ကွင်းဆင်းမယ်၊ ညှိနှိုင်းမယ်၊ ပြီးရင် အစိုးရဘက်ပိုင်းမှာလည်း လိုအပ်တာကို ဘယ်လိုလုပ်သင့်ပါတယ်ဆိုတာ ကော်မတီရဲ့ ကွင်းဆင်းပြီးမှပဲ ကျနော်တို့သိရမှာဖြစ်တယ်။ ဒါပေမယ့် ဒီတစ်သျှူးငှက်ပျော်နဲ့ပတ်သက်ပြီးမှ ဖွဲ့ထားတဲ့ ကော်မတီဖြစ်တာကြောင့် ကဏ္ဍတခုတည်း ပြောလို့မရဘူး။ အများကြီးကို ဘယ်ကဏ္ဍ ဘာဖြစ်နေလဲ၊ သဘာဝပျက်စီးမှုက ဘာဖြစ်နေလဲ၊ သဘာဝမြေသြဇာ သုံးစွဲမှုကြောင့် ဘာဖြစ်တယ်ဆိုတာ အားလုံး ပညာရှင်တွေ ပါပြီးတော့မှ ဆိုတော့ ကဏ္ဍတခုတည်း ပြောလို့မရပါဘူး” လို့ ပြောပါတယ်။ ကချင်ပြည်နယ်၊ မြစ်ကြီးနားခရိုင်နဲ့ ဗန်းမော်ခရိုင်တွေမှာရှိတဲ့ တစ်သျှူးငှက်ပျောစိုက်ခင်း ဧကပေါင်းဟာ ပြည်နယ်အစိုးရက ကောက်ခံထားတဲ့ စာရင်းတွေမှာ ခြောက်သောင်း ကျော်ရှိတယ်လို့ ဖော်ပြထားပါတယ်။ မြေယာလုံခြုံမှုနဲ့ သဘာဝပတ်ဝန်း ကျင်ထိန်းသိမ်းရေး ကွန်ရက်အဖွဲ့သုတေသန အစီရင်ခံစာမှာတော့ ငှက်ပျောစိုက်ဧကပေါင်း ၁ သိန်း ကျော်ရှိနေတယ်လို့ ရေးသားထားပါတယ်။
2 years Ago

January 31, 2019

ကချင်ပြည်နယ်အစိုးရ ဝန်ကြီး ၃ ဦး အစားထိုးခန့်အပ်၊ ၁ ဦးကို ပြောင်းလဲတာဝန်ပေး

ကချင်ပြည်နယ်အစိုးရမှာ လစ်လပ်နေတဲ့ ဝန်ကြီးနေရာ သုံးနေရာအတွက် ဝန်ကြီးသစ် သုံးဦးကို နိုင်ငံတော်သမ္မတ ဦးဝင်းမြင့်က ခန့်အပ် တာဝန်ပေးလိုက်ပြီး တခြားဝန်ကြီးတဦးကိုတော့  ဌာနပြောင်းလဲ တာဝန်ပေးအပ်လိုက်ပါတယ်။ စိုက်ပျိုးမွေးမြူရေးနှင့် ဆည်မြောင်းဝန်ကြီးဌာန ဝန်ကြီးအဖြစ် ဦးကျော်ကျော်ဝင်း၊ သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန ဝန်ကြီးအဖြစ် ဦးလဆိုင်းနဲ့ စည်ပင်သာယာရေး ဝန်ကြီးဌာန ဝန်ကြီးအဖြစ် ဦးနော်လီ (ခ) ဖခေါင်ခမ်းရယ်ကို အသစ်ခန့်အပ်လိုက်တာပါ။ ကချင်ပြည်နယ် စည်ပင်သာယာရေးဝန်ကြီးဌာန ဝန်ကြီးတာဝန်ယူထားတဲ့ ဦးနေဝင်းကိုတော့ လူမှုရေးဝန်ကြီးဌာန ဝန်ကြီးအဖြစ် ပြောင်းလဲ တာဝန်ပေးလိုက်တယ်လို့ ဇန်နဝါရီ ၃၀ ရက် နေ့စွဲနဲ့ နိုင်ငံတော်သမ္မတရုံးက အမိန့်စာ ထုတ်ပြန်ထားပါတယ်။ ရာထူးတာဝန်တွေကနေ နုတ်ထွက်သွားလို့ လစ်လပ်နေတဲ့ ကချင်ပြည်နယ် အစိုးရအဖွဲ့ဝင် ဝန်ကြီးနေရာ ၃ နေရာအတွက် အစားထိုးခန့်အပ်ဖို့ မနေ့က ကချင်ပြည်နယ် လွှတ်တော်အစည်းအဝေးမှာ အဲဒီဝန်ကြီးတွေရဲ့ အမည်စာရင်းကို တင်သွင်းကာ လွှတ်တော်နဲ့ သဘောတူညီချက် ရရှိပြီးနောက် သမ္မတက အတည်ပြု ခန့်အပ်လိုက်တာပါ။ လမ်းပန်းဆက်သွယ်ရေး၊ လျှပ်စစ်နဲ့ စက်မှုလက်မှု ဝန်ကြီးဌာနကို လမ်းပန်းဆက်သွယ်ရေး ဝန်ကြီးဌာနနဲ့ လျှပ်စစ်နဲ့ စက်မှုလက်မှု ဝန်ကြီးဌာနဆိုပြီး ဝန်ကြီးဌာန ၂ ခုအဖြစ် ပြင်ဆင်ဖွဲ့စည်းဖို့ သမ္မတက တင်ပြထားတာကိုတော့ ကချင်ပြည်နယ်လွှတ်တော်က သဘောမတူသေးပါဘူး။
2 years Ago
Up