ကက်ရှ်မီးယား

July 9, 2022

အိန္ဒိယနိုင်ငံ၊ ကက်ရှ်မီးယားတွင် ရေကြီးပြီး လူ ၁၃ ဦး သေဆုံ

အိန္ဒိယနိုင်ငံ၊ ကက်ရှ်မီးယားဒေသမှာ ရေကြီးလို့ ဟိမဝန္တာ အမာနာ့သ်ဟိန္ဒူ သျှီဝနတ်ကွန်းဂူအနီးမှာ လူ ၁၃ ယောက် သေဆုံးပြီး အနည်းဆုံး အယောက် ၃၀ ကျော် ပျောက်ဆုံးနေကြောင်း တာဝန်ရှိသူ တစ်ဦးက ဇူလိုင် ၈ ရက်မှာ ပြောပါတယ်။ 

လူသေအလောင်း ရှစ်လောင်းကို ကယ်ဆယ်ရေးလုပ်ငန်းမှ ဆယ်ယူခဲ့ကြောင်း ကက်ရှ်မီးယား ရဲတပ်ဖွဲ့အကြီးအကဲ ဗီဂျေးကူးမားက ပြောပါတယ်။ 

နောက်ထပ်ရုပ်အလောင်း ငါးလောင်းကို ရှာတွေ့ရရှိထားတာကြောင့် သေဆုံးသူဦးရေမှာ ၁၃ ယောက်အထိပိုများလာကြောင်းနဲ့  ကယ်ဆယ်ရေးသမားတွေဟာ အပျက်အစီးတွေထဲက ရုပ် အလောင်းတွေကို ဆွဲထုတ်ရယူခဲ့ကြောင်း တခြားအရာရှိတယောက်က ပြောပြပါတယ်။

ဘုရားဖူးတွေ စခန်းချနေရာတွေအနီးမှာ ရေကြီးရေလျှံမှုပြီး အိန္ဒိယစစ်မှုထမ်းတွေက အခင်းဖြစ်တဲ့နေရာမှ လူတွေကို ထမ်းစင်တွေနဲ့ သယ်ဆောင်သွားခဲ့ပါတယ်။

ဝန်ကြီးချုပ် နာရင်ဒြာမိုဒီက သေဆုံးသွားသူတွေအတွက် မချိတင်ကဲ ခံစားရကြောင်းနဲ့ ကျန်ရစ်သူမိသားစုတွေနဲ့ထပ်တူ ကြေကွဲဝမ်းနည်းရကြောင်း တွစ်တာမှာ ရေးသားခဲ့ပါတယ်။ 

ကယ်ဆယ်ရေးနဲ့ ကူညီထောက်ပံ့ရေးတွေကို လုပ်ဆောင်နေပြီး တတ်နိုင်သမျှ အကူအညီတွေ ပေးနေပါတယ်လို့လည်း ဆိုထားပါတယ်။ 

သျှီဝနတ်ဘုရားဂူဟာ တစ်နှစ်တာလုံး နှင်းတွေဖုံးလွှမ်းနေပေမယ့် အာဏာပိုင်တွေကတော့ ရာသီဥတု အပူချိန်မြင့်တက်မှ လမ်းတွေရှင်းမှာကြောင့် နွေရာသီမှာပဲ  ဘုရားဖူးတွေကို  ၄၅ ရက်ကြာ လာရောက်လည်ပတ်ခွင့် ပေးထားတာပါ။

ပထမ ၁၀ ရက်အတွင်းမှာပဲ လာရောက်သူ ၆၀,၀၀၀ ကျော် ရှိပြီးနောက်မှာ အာဏာပိုင်တွေဟာ နတ်ကွန်းကို ဟိန္ဒူဘုရားဖူး ၈ သိန်းလောက် လာမယ်လို့ ခန့်မှန်းထားပါတယ်။

မွတ်စလင်အများစုနေထိုင်ရာ ဒေသမှာ ဘုရားဖူးရာသီက ဇွန်လမှာ စတင်ခဲ့တာကြောင့် အော်တိုမက်တစ် ရိုင်ဖယ်သေနတ်တွေ ကိုင်ဆောင်ထားတဲ့ အိန္ဒိယစစ်သားတွေဟာ လမ်းမတွေပေါ်မှာ လုံခြုံရေး စောင့်ကြပ်ပေးနေပါတယ်။ 

5 months Ago

January 2, 2022

ကက်ရှ်မီးယားရှိ ဟိန္ဒူဘုရား‌ကျောင်း၌ နှစ်သစ်ဆုတောင်းရန်လာသူများ တိုးဝှေ့နင်းမိပြီး ၁၂ ဦးသေဆုံး

အိန္ဒိယနိုင်ငံ၊ ကက်ရှ်မီးယားဒေသရှိ ဟိန္ဒူဘုရား‌ကျောင်းတခုမှာ နှစ်သစ်ကူးအထိမ်းအမှတ် ဗိဿနိုးဒေဝဗိမာန်ကို လာရောက် ဝတ်ပြုဆုတောင်းတဲ့သူတွေကြား လူအုပ်ပြိုလဲမှုကြောင့် အနည်းဆုံး ၁၂ ဦး သေဆုံးခဲ့ပါတယ်။ 

တိုးကြိတ်နေတဲ့ ဝတ်ပြုသူတွေအချင်းချင်း တက်နင်းမိခဲ့တာဖြစ်ပြီး၊ ဒဏ်ရာရသူ အများအပြားကို အနီးအနားရှိ ဆေးရုံတွေ ခွဲပို့ထားတယ်လို့ ပြည်နယ်ရဲအရာရှိက ပြောပါတယ်။

မျက်မြင်တွေ့ခဲ့တဲ့ ဘုရားဖူးတဦးကတော့ ရဲတွေက လူအုပ်ကို တုတ်နဲ့ အတင်းခြောက်လှန့်တာကြောင့် လူတွေ လန့်ဖျန့်ပြီး တိုးဝှေ့ရင်း နင်းမိတာလို့ ပြောပါတယ်။

ဝန်ကြီးချုပ် နရန်ဒရာ  မိုဒီက  ဗိဿနိုးဒေဝဗိမာန်မှာ အခုလို အသက်ဆုံးရှုံးရတာ နှစ်သစ်အတွက် အလွန် စိတ်မကောင်းဖြစ်ရတယ်လို့ ဝမ်းနည်းစကား ပြောခဲ့ပါတယ်။

11 months Ago
More News
Up