မော်လမြိုင် ၈ လေးလုံး အရေးတော်ပုံကာလအတွင်း ကျဆုံးခဲ့တဲ့ ရဟန်းရှင် လူ ကျောင်းသားများအတွက် အောက်မေ့ဖွယ် အခမ်းအနားကို သြဂုတ် ၂၂ ရက်နေ့မှာ သူတို့ကျဆုံးခဲ့တဲ့ မော်လမြိုင် ကျိုက်သုတ်ဘုရားအနီးက မီးပွိုင့်နေရာမှာ ပြုလုပ်ခဲ့ကြပါတယ်။
သြဂုတ်လ ၂၂ ရက်နေ့ဟာ မော်လမြိုင် ၈ လေးလုံး အရေးတော်ပုံမှာ တိုက်ပွဲဝင်ကြတဲ့သူတွေ ပစ်ခတ်ခံရပြီး ကျဆုံးခဲ့တဲ့နေ့လည်း ဖြစ်ပါတယ်။
အဲဒီပစ်ခတ်ခံရမှုမှာ ရဟန်းရှင် လူ ကျောင်းသား ၂၀ ထက်မနည်း သေဆုံးခဲ့တယ်လို့ မော်လမြိုင် ၈ လေးလုံး အခမ်းအနား ဖြစ်မြောက်ရေး ကော်မတီဝင် ဦးကျော်ကျော်မိုးက DVB ကို ပြောပါတယ်။
ဒီအခမ်းအနားကိုတော့ ၈ လေးလုံး အရေးတော်ပုံမှာ ပါဝင်ခဲ့တဲ့သူတွေနဲ့ နိုင်ငံရေးအင်အားစုတွေက တက်ရောက်ခဲ့ကြပြီး ကျဆုံးခဲ့တဲ့ ရဟန်းရှင် လူ ကျောင်းသားတွေကို အလေးပြုခဲ့ကြပါတယ်။
ဒါ့အပြင် ကျဆုံးခဲ့တဲ့ ရဟန်းရှင် လူ ကျောင်းသားအတွက် ရည်စူးပြီး ဆွမ်းလောင်းလှူတာနဲ့ ရေစက်ချ အမျှဝေတာတွေကို မော်လမြိုင် ကျိုက်သုတ် ဓမ္မာရုံမှာ အကျဉ်းချုံးပြုလုပ်ခဲ့ပါတယ်။
6 months Ago
