လွှတ်တော်/ဥပဒေရေးရာ

A d v e r t i s e m e n t With Us

February 10, 2021

လွှတ်တော် ဒုတိယနာယက ဦးထွန်းထွန်းဟိန်ကို ထပ်မံဖမ်းဆီးထိန်းသိမ်း

ပြည်ထောင်စုလွှတ်တော် ဒုတိယနာယက ဦးထွန်းထွန်းဟိန်ကို နောင်ချိုမြို့ရှိ သူ့ရဲ့ နေအိမ်ကနေ ဒီနေ့ ညနေမှာ ရဲတပ်ဖွဲ့က  ထပ်မံဖမ်းဆီးထိန်းသိမ်းလိုက်ပါတယ်။

“ရန်ကုန်ကိုတော့ မသွားပါနဲ့ဆိုလို့ နောင်ချို၊ ကျောက်တောရွာက အိမ်မှာ လာနေတာပါ။ ဒီညနေ ၄ နာရီ၊ ၄၅ မိနစ်မှာ စရဖနဲ့ နယ်မြေခံရဲနဲ့လာပြီး လာခေါ်သွားတာပါ” လို့ သူ့ရဲ့ မိသားစုဝင်က ပြောပါတယ်။

ဦးထွန်းထွန်ဟိန်ကို ဖေဖော်ဝါရီ ၁ ရက် စစ်တပ်က အာဏာသိမ်းပြီးနောက်ပိုင်း နေပြည်တော်မှာ နေအိမ်အကျယ်ချုပ်နဲ့နေခဲ့ရပြီး ပြီးခဲ့တဲ့  တနင်္ဂနွေနေ့ ဖေဖော်ဝါရီ ၇ ရက်ကမှ ပြန်လွှတ်ပေးခဲ့တာပါ။

ဦးထွန်းထွန်ဟိန်ဟာ ရွေးကောက်ပွဲအနိုင်ရ အန်အယ်လ်ဒီပါတီရဲ့ ဗဟိုအလုပ်အမှုဆောင်လည်း ဖြစ်ပါတယ်။

အန်အယ်လ်ဒီ ဗဟိုအလုပ်အမှုဆောင်တွေကို စစ်အစိုးရက ထပ်မံဖမ်းဆီးနေတာ ဖြစ်ပြီး  နေပြည်တော်ကောင်စီ ဥက္ကဋ္ဌ ဒေါက်တာမျိုးအောင်ကိုလည်း ဒီညနေ ၄ နာရီခွဲမှာ ပြန်လည် ဖမ်းဆီးသွားတယ်လို့ အန်အယ်လ်ဒီ ဗဟိုပြန်ကြားရေးအဖွဲဝင် ဦးကြည်တိုးထံက သိရပါတယ်။

2 weeks Ago

February 8, 2021

ရန်ကုန်တိုင်း​ဒေသကြီးလွှတ်​တော် ကိုယ်စားပြု​ကော်မတီဖွဲ့စည်းကြောင်း ကြေညာ

ရန်ကုန်တိုင်း​ဒေသကြီးလွှတ်​တော် ကိုယ်စားပြု​ကော်မတီ (Committee Representing Yangon Hlattaw- CRYH) ကို အဖွဲ့ဝင် ၁၅ ဦးနဲ့ ဖွဲ့စည်းကြောင်း ဒီကနေ့ ဖေဖော်ဝါရီ ၈ ရက်မှာ ကြေညာလိုက်ပါတယ်။

အဆိုပါ​ကော်မတီဟာ ရန်ကုန်တိုင်း​ဒေသကြီး လွှတ်​တော်ကိုယ်စားလှယ်တွေရဲ့ သ​ဘောထား ထုတ်ပြန်ချက် (၁/၂၀၂၁) ပါ ​တောင်းဆိုချက်တွေကို အ​ကောင်အထည်​ဖော်ဖို့နဲ့ ရန်ကုန်တိုင်းဒေသကြီး လွှတ်​တော်နဲ့ သက်ဆိုင်တဲ့ လုပ်ပိုင်ခွင့်အာဏာအရပ်ရပ်ကို တာ၀န်ခံ​ ဆောင်ရွက်သွားမယ်လို့လည်း ကြေညာပါတယ်။

အခုဖွဲ့စည်းလိုက်တဲ့ CRYH ကော်မတီအနေနဲ့  ပြည်ထောင်စုလွှတ်တော်ကိုယ်စားပြုကော်မတီနဲ့ တသားတည်း ရပ်တည်ပူးပေါင်းဆောင်ရွက်မယ့် တရားဝင်အဖွဲ့အစည်း ဖြစ်တယ်လို့လည်း ဆိုပါတယ်။

၂၀၂၀ ရွေးကောက်ပွဲအနိုင်ရ အန်အယ်လ်ဒီ ပြည်ထောင်စု လွှတ်တော်ကိုယ်စားလှယ်တွေ ကလည်း ပြည်ထောင်စု လွှတ်တော်ကိုယ်စားပြုကော်မတီဖွဲ့စည်းထားပြီး  နိုင်ငံတော် သမ္မတ ဦးဝင်းမြင့် ခေါင်းဆောင်တဲ့ ပြည်ထောင်စု အစိုးရသာလျှင် ပြည်ထောင်စုသမ္မတ မြန်မာနိုင်ငံရဲ့ တရားဝင်အစိုးရဖြစ်တယ်လို့ ကြေညာထားပါတယ်။

အာဏာသိမ်းစစ်အစိုးရကို ဆန့်ကျင်ကန့်ကွက်တဲ့ ဆန္ဒပြပွဲတွေ ဒီကနေ့ မြန်မာနိုင်ငံအနှံ့ အနည်းဆုံး မြို့ပေါင်း ၁၀၀ ကျော်မှာပြုလုပ်နေပြီး သိန်းနဲ့ချီတဲ့ ပြည်သူတွေ နိုင်ငံဝန်ထမ်းတွေ ပူးပေါင်းပါဝင် ဆန္ဒပြနေကြပါတယ်။

3 weeks Ago

စစ်အာဏာရှင်စနစ် ဆန့်ကျင်ဆန္ဒပြပွဲ တရားရေးဝန်ထမ်းများ ပါဝင်လာ

စစ်အာဏာရှင်စနစ် ဆန့်ကျင်ဆန္ဒပြပွဲကို ရန်ကုန်မြို့နဲ့ မန္တလေးမြို့တို့မှာ ဒီနေ့မနက် စတင်ပြုလုပ်နေကြပြီး တရားလွှတ်တော်  ရှေ့နေတွေ၊ အထက်တန်းရှေ့နေတွေနဲ့ တရားရေးဝန်ထမ်းတွေလည်း ပါဝင်လာကြပါတယ်။

ဓာတ်ပုံ - အောင်သူ၊ ထိန်ထိန်လင်း

3 weeks Ago
More News
Up