စိုက်ပျိုးရေး/တောင်သူလယ်သမား

September 28, 2021

ကံမမြို့နယ် ကျောက်စောင်းကျေးရွာတွင် အုပ်ချုပ်ရေးမှူးက စပါးရိတ်သိမ်းခွင့် ပိတ်ပင်

မကွေးတိုင်းဒေသကြီး ကံမမြို့နယ် ကျောက်စောင်းကျေးရွာက NLD ပါတီ ထောက်ခံ ဝန်းရံသူတွေကို ကောက်လျင်စပါး ရိတ်သိမ်းခွင့် ပိတ်ပင်ထားတာကြောင့် တောင်သူတွေ အခက်ခဲ ဖြစ်နေကြတယ်လို့ ဒေသခံတွေဆီကနေ သိရပါတယ်။

ကျောက်စောင်းကျေးရွာမှာ စစ်ကောင်စီခန့် အုပ်ချုပ်ရေးမှူး ဇော်မျိုးက ကောက်လျင်စပါး ပေါ်ချိန်မှာ NLD ပါတီထောက်ခံဝန်းရံသူတွေရဲ့ ကောက်လျင်စပါး မှန်သမျှ တစ်ယောက်မှ ရိတ်သိမ်းခွင့်မပေးဘူးဆိုပြီး အမိန့်ထုတ်ထားတာကြောင့် တောင်သူတွေ အခက်အခဲဖြစ်နေကြတယ်လို့ ဒေသခံရွာသားတစ်ယောက်က DVB ကိုပြောပါတယ်။

ဒါ့အပြင် စိုက်ပျိုးစရိတ် ချေးငွေတွေကိုလည်း စက်တင်ဘာ ၂၈ ရက်နေ့နောက်ဆုံးထား ပြီးတော့ ပေးဆပ်ဖို့ အတင်းအဓမ္မတောင်းခံနေပြီး ပြန်မဆပ်နိုင်ပါက လယ်ယာမြေ လုပ်ပိုင်ခွင့် ပုံစံ ၇ တွေကို သိမ်းယူမယ်လို့ ခြိမ်းခြောက်နေတယ်လို့ ဆိုပါတယ်။

အကြမ်းဖက်စစ်အုပ်စုဟာ စက်တင်ဘာ ၁၇ ရက်နေ့ကတည်းက ဒီနေ့အချိန်ထိ ကျောက်စောင်းကျေးရွာမှာ တပ်စွဲထားပြီး NLD ပါတီထောက်ခံဝန်းရံတဲ့ သူ ၁၅ ယောက် လောက်ကို ဖမ်းဆီးရိုက်နှက်နှိပ်စက်နေတာကြောင့် ပါတီဝန်းရံတဲ့သူတွေ ဘေးလွတ်ရာကို ထွက်ပြေးတိမ်းရှောင်နေကြရတယ်လို့ သိရပါတယ်။

26 seconds Ago

September 26, 2021

မြို့သစ်မြို့နယ်တွင် စိုက်ပျိုးရေးချေးငွေများကို ပြည်ခိုင်ဖြိုးပါတီဝင်က ဇွတ်အတင်းကောက်ခံနေ

မကွေးတိုင်း၊ မြို့သစ်မြို့နယ်၊ ကွင်းကျေးရွာမှာ ပြည်ခိုင်ဖြိုးပါတီဝင် ဦးမောင်မောင်စိုးက ယခင်အစိုးရလက်ထက်က တောင်သူတွေကို ထုတ်ချေးပေးထားတဲ့ စိုက်ပျိုးရေးချေးငွေတွေကို ဇွတ်အတင်းကောက်ခံနေတယ်လို့ ဒေသခံတွေဆီက သိရပါတယ်။

ဒေသခံတောင်သူတဦးက “ခေတ်ကလည်း မကောင်းဘူး။ စိုက်ပျိုးရေးကလည်း သီးနှံက မထွက်သေးဘူး၊ ဘာနဲ့ပေးရမလဲ။ သူက တောင်းရအောင် အုပ်ချုပ်ရေးမှူးလည်း မဟုတ်ဘူး။ ပေးစရာလည်းမရှိလို့ မပေးနိုင်ဘူး” လို့ ပြောပါတယ်။

ပြည်ခိုင်ဖြိုးပါတီဝင် ဦးမောင်မောင်စိုးမှာ သား၊ သမီး ၄ ယောက်ရှိပြီး သား ၂ ယောက်ဟာ စစ်သားတွေ ဖြစ်တယ်လို့ နီးစပ်သူတွေဆီက သိရပါတယ်။

“အဲဒီလူက လူကြီးရူး ရူးနေတာဗျ။ သားတွေအားကိုးနဲ့လည်း မိုက်နေတာပါတယ်။ ကျန်ခဲ့တဲ့ ၂ ရက်လောက်ကလည်း စိုက်ပျိုးရေးချေးငွေတွေကို မိုက်ကြီးနဲ့ အော်တောင်းနေတာ။ မပေးတဲ့သူတွေကို နောက်တခါ နာမည်တပ်ပြီး အော်တောင်းမယ်လို့တောင် ပါသေးတယ်။ သူ့ထိုက်နဲ့သူ့ကံပဲဆိုပြီး လွှတ်ထားလိုက်တယ်” လို့ ဆွေမျိုးနီးစပ်သူတဦးက ပြောပါတယ်။

ပြည်ခိုင်ဖြိုးပါတီဝင် ဦးမောင်မောင်စိုးကို စောင့်ကြည့်နေမှာဖြစ်ပြီး ပြည်သူ့အပေါ်မှာ အကြမ်းဖက်စစ်တပ်နဲ့ ပေါင်းပြီး နိုင့်ထက်စီးနင်း ဆက်လက်လုပ်ကိုင်ဆောင်ရွက်ပါက သူနဲ့သူ့မိသားစုရဲ့ အသက်၊ အိုးအိမ်စည်းစိမ်ကို လုံးဝတာဝန်ယူမှာမဟုတ်ဘူးလို့ ဒေသခံ ပြည်သူ့ကာကွယ်ရေးတပ်ရဲ့ တာဝန်ခံက ပြောပါတယ်။

2 days Ago
More News
Up