ရင်ဖွင့်စာ

A d v e r t i s e m e n t With Us

January 21, 2021

မသန်စွမ်းသူများအရေး-လူထုအသံ 

မြန်မာနိုင်ငံမှာ အတည်ပြုပြဋ္ဌာန်းထားပြီးဖြစ်တဲ့ မသန်စွမ်းဥပဒေ၊ နည်းဥပဒေတွေ လက်တွေ့ ထိထိရောက်ရောက် အကောင်အထည်ဖော်နိုင်ဖို့နဲ့ တန်းတူအခွင့်အရေးရဖို့ မသန်စွမ်းသူတွေက လိုလားနေကြပါတယ်။ မသန်စွမ်းသူတွေရဲ့ အရေးနဲ့ပတ်သက်လို့ ရန်ကုန်တိုင်း၊ လှိုင်သာယာမြို့နယ်မှာနေကြတဲ့ မသန်စွမ်းသူတချို့ကို ဒီဗွီဘီသတင်းဌာနက သွားရောက် တွေ့ဆုံမေးမြန်းထားသမျှကို ဖော်ပြ ပေးလိုက်ရပါတယ်။ ဦးကိုကိုမောင် “အဓိက အစိုးရကနေပြီးတော့ ကျနော်တို့ မသန်စွမ်းသူတွေအတွက် တန်းတူအခွင့်အရေး ရစေချင်တယ်။ နောက်တစ်ခုက တန်းတူအခွင့်အရေးထဲမှာ ဘာတွေပါလဲဆိုတာတော့ အစိုးရဌာနတွေမှာ ကျနော်တို့ မသန်စွမ်းသူတွေကို ခန့်အပ်ဖို့ကို မရှိကြသေးဘူး။ သူတို့ကိုယ်တိုင်က ခန့်အပ်မှု မရှိသေးဘူးဆိုရင် ကျန်တဲ့ ပုဂ္ဂလိက ကဏ္ဍတွေမှာ ခန့်အပ်ဖို့ဆိုတာ တော်တော်လေး စဉ်းစားကြမှာပါ။ အဓိကကတော့ အစိုးရဌာနတွေမှာ အရင်ဆုံး မသန်စွမ်းသူတွေကို နေရာပေးစေချင်တယ်။ အတတ်ပညာရှိတဲ့ မသန်စွမ်းသူတွေ အများကြီးရှိကြပါတယ်။ သူတို့ကို အသုံးပြုလို့ရတဲ့နေရာတွေ အများကြီးရှိပါတယ်။ အစိုးရ၀န်ထမ်းလိုနေရာတွေမှာ ခန့်အပ်ဖို့ အများကြီးလိုပါသေးတယ်။ ဒါလေးတော့ အကြံပြုပြောချင်တယ်။ ပြီးတော့  အလုပ်ခေါ်စာမှာကိုက ကျန်းမာသန်စွမ်းသူ ဖြစ်ရမယ်ဆိုတာက ကျနော်တို့အတွက် အများကြီး အတားအဆီးဖြစ်ပါတယ်။ ဒါလေးတော့ ဖြု‌တ်ပေးစေချင်တယ်။ အစိုးရဌာနတွေက ဦးဆောင်ပြီးလုပ်ပေးရင် ပုဂ္ဂလိကအလုပ်တွေက အလိုလိုနောက်ကလိုက်လုပ်လာကြမယ်လို့ ထင်ပါတယ်။” ဒေါ်ရီရီသန်း “မသန်စွမ်းတွေအပေါ် ဆက်ဆံတဲ့အခါကျတော့ အရင်ကလေးငယ်ငယ်လေးက ကလေးချီပြီး အညှော်ရှောင်တာ ကလေးက မသန်စွမ်းဖြစ်လို့နေမယ် အိမ်တစ်အိမ်က မောင်းထုတ်တာ ခံလိုက်ရတယ်။ ဒီလိုမသန်စွမ်းကလေးက ကျက်သရေမရှိဘူး၊ ငါ့အိမ်မလာနဲ့ဆိုပြီး ပြောလိုက်တဲ့အခါမှာ ပြန်လာခဲ့ရတယ်။ စိတ်မကောင်းစွာနဲ့ပဲ ပြန်လှည့်လာခဲ့ရတာ။ ကိုယ်တွေက သူတို့လည်းသွားပြီးတော့ ရန်တွေ့လို့လည်းမရဘူးလေ။ အခုတော့မသန်စွမ်းဆိုရင်အားလုံးက ကူညီချင်တဲ့ စိတ်တွေများလာပါပြီ လူ့အဖွဲ့အစည်းက ဒီလိုများလာပြီဆိုတော့ ကိုယ့်အတွက်တော့ ဘာပဲပြောပြော အားတော့ရှိတာပေါ့။” ကိုမင်းသက်ခိုင် “အစိုးရအဖွဲ့အစည်းကို ဘာပြောချင်လဲဆိုတော့ မသန်စွမ်းသူတွေကို ပညာရေးကဏ္ဍမှာ နံပါတ်တစ်အနေနဲ့ စဉ်းစားပေးစေချင်တယ်။ ဒိထက်ကျယ်ကျယ်ပြန့်ပြန့် ပညာသင်ကြားပိုင်ခွင့် အခွင့်အလမ်းကိုရစေချင်တယ်။ နံပါတ်နှစ်အချက်ကတော့ အလုပ်အကိုင်အခွင့်အလမ်း။ တချို့မှာလည်း မသန်စွမ်းမှုအားနည်းချက်ကြောင့် ပညာတစ်ပိုင်းတစနဲ့ ကျောင်းထွက်ရတဲ့ သူတွေလည်း အများကြီးရှိပါတယ်။ ဒီလူတွေကို သူတို့လုပ်နိုင်တဲ့အင်အားလေးနဲ့ လုပ်ငန်းခွင်မှာ ခန့်အပ်ပေးဖို့လည်း တောင်းဆိုချင်ပါတယ်။” ဒေါ်အေးစန်း “လူလူချင်း အချင်းချင်းပဲပေါ့ ခွဲခြားဆက်ဆံတာတွေ နည်းဖို့ပါပဲ။ သန်စွမ်းတာလည်း လူပဲ။ မသန်စွမ်းတာလည်း လူပဲ။ လူလူချင်း ခွဲခြားဆက်ဆံတာတွေမလုပ်ဖို့ ပြောချင်ပါတယ်။”         ကိုကျော်မင်းသိန်း “ကျနော်တို့ ကြိုးစားချိန်မှာ၊ မဖြစ်သေးချိန်အတောအတွင်းမှာ အထင်သေးတဲ့စိတ်နဲ့ ခွဲခြားတာမျိုး ကျနော်တို့မသန်စွမ်းတွေက လူကောင်းတွေရဲ့ အသနားခံဘ၀လို့ ထင်ကြတာမျိုးပါ။ ကျနော်ဆိုရင်  ဒီဆိုင်စဖွင့်ကတည်းက ဘာကို စပြီးရင်ဆိုင်ရလဲဆိုတော့ ဆံပင်ညှပ်မယ်ဆိုပြီး ဧည့်သည်က ဝင်လာတယ်။ အဲ့အချိန်မှာ ဂျိုင်းထောက် ထောက်လိုက်တဲ့အချိန်မှာ ဘာဖြစ်သွားလဲဆိုတော့ မညှပ်တော့ဘူး။ မင်းညှပ်တယ်ဆို အဆင်မပြေဘူးဆိုပြီး ပြန်ထွက်သွားတယ်။ ဒီအပေါ်မှာ ပြန်ပါစေဆိုတဲ့ သဘောထားမျိုးမထားဘူး။ လာပါ၊ ကျနော်ကြိုးစားထားတဲ့ အရာလေးတော့ အသိအမှတ်ပြုပေးပါ။ ညှပ်ကြည့်ပါ။ ပြီးတော့မှ အဆင်မပြေရင် မပြေတဲ့အကြောင်းပြောပါ။ ဒီလိုအခြေအနေမျိုးမှာ ကြိုးစားခဲ့ရတယ်။”
4 days Ago

January 19, 2021

ကိုဗစ်ကာလ အခက်အခဲ ကြုံနေရသည့် တံတားဦး ပဲမြစ်တောင်သူများ (ရင်ဖွင့်စာ)

တံတားဦးမြို့နယ်မှာ ကိုဗစ်ကာလ လော့ဒေါင်အစီအစဥ်တွေကြောင့် ပဲမြစ်တောင်သူတွေဟာ ပဲမြစ်တူးဖော်ချိန် နောက်ကျခဲ့ပြီး ပြီးခဲ့တဲ့နှစ်လောက် စျေးကောင်းမရတာကြောင့် အခက်အခဲ ကြုံတွေ့နေကြရတယ်လို့ ရင်ဖွင့်လာကြပါတယ်။ ပဲမြစ်စိုက်တောင်သူ ဦးခင်မောင်သိန်း "ကိုဗစ် ၁၉ ကြောင့် စျေးသိပ်မကောင်းဘူး။ ဖွင့်လိုက် ပိတ်လိုက်ဆိုတော့ စျေးကွက်မဝင်တော့တာပေါ့။ ဒီဇင်ဘာလ စစချင်းက တူးရမှာက ကိုဗစ်ကြောင့် မလုပ်နိုင်တော့ဘူး၊ လော့ဒေါင်းချတာတွေ ဘာတွေနဲ့ဆိုတော့ လုပ်မရတော့ဘူး၊ ဖွင့်လိုက် ပိတ်လိုက်ဆိုတော့ စျေးကွက်မမိတော့တာပေါ့။" မကျီးတောပဲမြစ်အရောင်းဆိုင် ကိုနေဝင်း "ကိုဗစ်ကာလဆိုတော့ အရောင်းအဝယ်ကြပ်တယ်၊ အရင်နှစ်တွေက တစ်နေ့ကို လမ်းဘေးထိုင်ရောင်းတာကို ပိဿာချိန် ၂၀၀၊ ၃၀၀၊ ၄၀၀ ကုန်တယ်၊ အခုက တစ်နေ့ကို ပိဿာချိန် ၅၀ တောင် မနဲရောင်းနေရတယ်။" ပြီးခဲ့တဲ့နှစ်က ပဲမြစ်တစ်ပိဿာ ၁၅၀၀ ကျပ်ကနေ ၃၀၀၀ ကျပ်ဝန်းကျင်ထိ စျေးရှိခဲ့ပေမဲ့ အခုနှစ်မှာ ကိုဗစ်ကြောင့် သုံးပုံ နှစ်ပုံလောက် ကျဆင်းသွားတာလို့ တောင်သူတွေက ဆိုပါတယ်။ သော်တာ
6 days Ago
More News
Up