ရုပ်သံ

January 11, 2022

အင်းလေး PDF ဖွဲ့စည်း၊ စစ်အာဏာရှင်စနစ်အမြစ်ပြတ်သည်အထိ တိုက်ခိုက်မည် (ရုပ်သံ)

ရှမ်းပြည်နယ်တောင်ပိုင်း အင်းလေးဒေသပြည်သူ့ကာကွယ်ရေးတပ်ဖွဲ့(IPDF)ကို ဇန်နဝါရီ ၁၀ ရက်က ဖွဲ့စည်းလိုက်ပြီး စစ်အာဏာရှင်စနစ်အမြစ်ပြတ်တဲ့အထိ နည်းလမ်းမျိုးစုံနဲ့ တော်လှန်တိုက်ခိုက်သွားမယ်လို့ ကြေညာပါတယ်။

စစ်အာဏာရှင်စနစ်ကို တော်လှန် တိုက်ခိုက်နေတဲ့ ရည်ရွယ်ချက်တူတဲ့ ဘယ်အဖွဲ့အစည်းတွေနဲ့မဆို မဟာမိတ်ပြု ပူးပေါင်းဆောင်ရွက်မယ်လို့ ဆိုပါတယ်။

ဒါ့အပြင် လူမျိုးဘာသာပေါင်းစုံ ပြည်သူလူထုတွေရဲ့ အသက်အိုးအိမ်စည်းစိမ်ကို ကာကွယ် စောင့်ရှောက်ဖို့၊ ပြည်သူလူထုမှ အမှန်တကယ်လိုလားတောင့်တတဲ့ ဖက်ဒရယ်ဒီမိုကရေစီ နိုင်ငံတော်ကြီး မရမချင်း တိုက်ပွဲဝင်သွားမယ်ဆိုတဲ့ အချက်တွေကိုလည်း ထည့်သွင်းဖော်ပြထားတာကို တွေ့ရပါတယ်။

တချိန်တည်းမှာပဲ  အင်းလေးဒေသပြည်သူ့ကာကွယ်ရေးတပ်ဖွဲ့(IPDF)အနေနဲ့ အမျိုးသား ညီညွတ်ရေးအစိုးရ(NUG) နဲ့ ပြည်ထောင်စုလွှတ်တော်ကိုယ်စားပြုကော်မတီ(CRPH) တို့ရဲ့ ဦးဆောင်လမ်းညွှန်မှုကို လိုက်နာဆောင်ရွက်သွားမှာဖြစ်ပြီး စစ်ဘေးရှောင် ပြည်သူတွေ ကိုလည်း ကူညီစောင့်ရှောက်ကာကွယ်သွားမယ်လို့ ဆိုပါတယ်။

မြန်မာနိုင်ငံမှာ ပြီးခဲ့တဲ့ ၂၀၂၁ ခုနှစ်၊ ဖေဖော်ဝါရီ ၁ ရက်က စတင်ကာ အကြမ်းဖက်စစ်အုပ်စုက မတရား အာဏာသိမ်းယူခဲ့တာကို ဆန့်ကျင်ဆန္ဒပြခဲ့ကြတဲ့ နွေဦးတော်လှန်ရေးကာလဟာ ၁၁ လကျော် ကြာမြင့်ခဲ့ပြီ ဖြစ်ပါတယ်။

ဒီကာလတွေအတွင်း စစ်တပ်ရဲ့ အကြမ်းဖက်ဖြိုခွင်းမှုတွေကြောင့် ထိခိုက်ကျဆုံးရသူတွေ၊ ဖမ်းဆီး ထောင်ချခံရသူတွေနဲ့အတူ နိုင်ငံတဝန်း တောရောမြို့ပါမကျန် ဒေသခံပြည်သူ့ ကာကွယ်ရေးတပ်တွေနဲ့ စစ်ကောင်စီတပ်တွေကြား တိုက်ပွဲတွေလည်း ပြင်းထန်နေတာပါ။

နိုင်ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ)ရဲ့ ထုတ်ပြန်ချက်အရ လတ်တလောအချိန်ထိ အာဏာသိမ်းစစ်ကောင်စီတပ်ရဲ့ ပစ်ခတ်သတ်ဖြတ်မှုကြောင့် အပြစ်မဲ့ ကျဆုံးပြည်သူ ၁၄၆၀ ကျော်၊ ဖမ်းဆီးထိန်းသိမ်းခံခဲ့ရသူပေါင်း ၁၁,၄၈၀ ကျော်ရှိပြီလို့ ဆိုပါတယ်။

အမျိုးသားညီညွတ်ရေးအစိုးရ(NUG)ကတော့ စစ်အာဏာရှင် ဆန့်ကျင်ရေး ခုခံတွန်းလှန် စစ်စတင်ကြောင်းနဲ့ မင်းအောင်လှိုင် ဦးဆောင်တဲ့ အကြမ်းဖက် စစ်အုပ်ချုပ်ရေးကို လှည်း နေလှေအောင်း မြင်းဇောင်းမကျန် တွန်းလှန်တိုက်ဖျက်ကြဖို့ ပြီးခဲ့တဲ့ ၂၀၂၁ ခုနှစ်၊ စက်တင်ဘာ ၇ ရက်က ကြေညာထားပါတယ်။

6 days Ago

လွိုင်​ကော်မြို့တွင်းတိုက်ပွဲပြင်းထန်၊ စစ်ကောင်စီတပ်က တိုက်လေယာဉ်ဖြင့် ဗုံးကြဲ

ကယားပြည်နယ် မြို့တော်လွိုင်​ကော်မှာ ဇန်နဝါရီ ၁၁ ရက် ဒီကနေ့ မြို့တွင်းတိုက်ပွဲတွေပြင်းထန်ဖြစ်ပွားခဲ့သလို  စစ်ကောင်စီတပ်ကလည်း  လေကြောင်းကနေ တိုက်လေယာဉ် ၁ စင်းနဲ့  ဗုံးကြဲတိုက်ခိုက်ခဲ့ပါတယ်။

ဒီနေ့ညနေ ၆ နာရီမှာ   စစ်ကောင်စီလေတပ်က   ဗုံးကြဲတိုက်ခိုက်ခဲ့လို့ ဒေါဥခူရပ်ကွက်က ဒေါဥခူစနေအသင်းဘုရားကျောင်းထိမှန်ပြီး လူတချို့ ပိတ်မိနေတယ်လို့ ဒေသခံ‌တွေကပြောပေမဲ့ ထိခိုက်ပျက်စီးမှု အခြေအနေကို တိတိကျကျ မသိရသေးပါဘူး။ 

လွိုင်​ကော်မြို့၊ ​ဒေါဥခူရပ်ကွက် အကျဥ်း​ထောင်​ဘေးပတ်လည် ကင်းပုန်းဝပ်နေတဲ့ ​စစ်ကောင်စီတပ်ဖွဲ့တွေနဲ့ ဒေသခံပြည်သူ့ကာကွယ်ရေး ပူးပေါင်းတပ်တွေအကြား ဒီကနေ့ မွန်းလွဲ ၁၂ ရီခွဲကနေ ၄ နာရီခွဲလောက်အထိ  တိုက်ပွဲဖြစ်ပွားပြီးနောက် လေကြာင်းတိုက်ခိုက်မှု လုပ်ခဲ့တာပါ။

ဒီနေ့တိုက်ပွဲမှာ စစ်​ကောင်စီဘက် ၅ ယောက် သေဆုံးပြီး  ထိခိုက်ဒဏ်ရာရသူတွေလည်း များတယ်လို့  ပြည်သူ့ကာကွယ်ရေးတပ် (ဒီးမော့ဆို)က  သတင်းထုတ်ပြန်ပါတယ်။

ဒါ့အပြင် လွိုင်​ကော်မြို့၊ မိုင်းလုံးရပ်ကွက်မှာ မနက် ၈ နာရီခွဲကနေ ည ၇ နာရီအထိ တိုက်ပွဲဖြစ်ပွားခဲ့ပြီး စစ်ကောင်စီတပ်ဖွဲ့ဝင် ၃ ယောက်ကို  အရှင်ဖမ်းဆီးရမိထားကြောင်းလည်း ထုတ်ပြန်ထားပါတယ်။

ဒီတိုက်ပွဲအတွင်း ဒေသခံ ပြည်သူတွေရဲ့နေအိမ် ၂ လုံးမီးလောင်ပျက်စီးသွားခဲ့တယ်လို့ဆိုပါတယ်။

စစ်ကောင်စီတပ်ဟာ ဇန်နဝါရီ ၇ ရက်နဲ့ ၈ ရက်တွေက လွိုင်ကော်မြို့ထဲကို  လက်နက်ကြီးတွေနဲ့ ပစ်ခတ်တာ၊ လေကြောင်းကနေ ဗုံးကြဲတိုက်ခိုက်တာတွေကြောင့်  လွိုင်ကော်မြို့ခံ ၆ ဦးထက်မနည်း သေဆုံးခဲ့ရပြီး ဒဏ်ရာရသူတွေလည်း ရှိခဲ့ပါတယ်။

ခုရက်ပိုင်း လွိုင်ကော်မြို့တွင်း တိုက်ပွဲပြင်းထန်ပြီး လေကြောင်းတိုက်ခိုက်တာကြောင့် သောင်းနဲ့ချီတဲ့ ကရင်နီပြည်သူတွေ ရှမ်းပြည်နယ်ထဲအထိသွားရောက်  စစ်ဘေးတိမ်းရှောင်နေကြရပါတယ်။

Video : Roselin Ei

6 days Ago

January 8, 2022

ကော့ကရိတ်မြို့ အာရှလမ်းမကြီးတွင် စက်သုံးဆီတင်ယာဉ်တစ်စီး မီးလောင် (ရုပ်သံ)

မြန်မာ-ထိုင်းနယ်စပ်ကနေလာတဲ့ စက်သုံးဆီတင်ယာဉ်တစီး ကရင်ပြည်နယ် ကော့ကရိတ်မြို့ အဝင် အာရှလမ်းမကြီးမှာ ဇန်နဝါရီ ၇ ရက်နေ့ ည ၉ နာရီလောက်က မီးလောင်မှု ဖြစ်ပွားခဲ့ပါတယ်။

စက်သုံးဆီအပြည့် တင်လာတဲ့ယာဉ်ဟာ ကော့ကရိတ်မြို့အဝင် အာရှလမ်းမကြီး ရွာသစ်လမ်းခွဲမှာ မီးလောင်ကျွမ်းသွားတာဖြစ်ပြီး မီးလောင်ရတဲ့အကြောင်းအရင်းကိုတော့ မသိရဘူးလို့ ဒေသခံတွေက ပြောပါတယ်။

ကရင်ပြည်နယ်အတွင်း စစ်ကောင်စီတပ်က နယ်မြေကျူးကျော်မှုကြောင့် ပြီးခဲ့တဲ့နှစ် ဒီဇင်ဘာ ၁၅ ရက်ကစပြီး ကရင်အမျိုးသားလွတ်မြောက်ရေးတပ်မတော် (KNLA)၊ PDF ပူးပေါင်းတပ်တွေနဲ့ တိုက်ပွဲဖြစ်ပွားနေပြီး ဒေသခံပြည်သူ ၁ သိန်းဝန်းကျင် နေရပ်စွန့်ခွာ တိမ်းရှောင်နေကြရပါတယ်။

Video - CJ

1 week Ago
More News
Up