တူရကီကလပ် ဖီနာဘာချီအသင်းက မန်ယူတုိုက်စစ်မှူး ရော်ဘင် ဗန်ပါစီကုို ခေါ်ယူဖို့ ကမ်းလှမ်းနေတယ်လုို့ ဗြိတိသျှ မီဒီယာတွေမှာ ခန့်မှန်းနေပါတယ်။ အသက် ၃၁ နှစ်အရွယ် ဗန်ပါစီဟာ မန်ယူနဲ့ စာချုပ်သက်တမ်း ၁ နှစ် ကျန်နေပေမယ့်လည်း လာမယ့် ဘောလုံးရာသီမှာ အသင်းပြောင်းတော့မယ်ဆုိုပြီး သတင်းတွေ ထွက်ပေါ်နေတာပါ။ ဖီနာဘာချီအသင်းရဲ့ ပြည်တွင်းပြိုင်ဘက် ဂါလာတာစာရေးကလည်း ဗန်ပါစီကုို ခေါ်ယူဖုို့ ကြိုးစားခဲ့ပေမယ့် လစာနှုန်း မြင့်မားတဲ့အတွက် အဆင်မပြေ ဖြစ်ခဲ့ပါတယ်။ မန်ယူကတော့ ဒီလ အစပုိုင်းမှာ ဗန်ပါစီကုို လစာလျော့ယူပြီး အသင်းမှာ ဆက်နေဖုို့ ပြောဆုိုတာတွေ ရှိခဲ့တယ်လုို့ သတင်းတွေမှာ ဖော်ပြထားပါတယ်။ နယ်သာလန် တုိုက်စစ်မှူး ဗန်ပါစီဟာ ပြီးခဲ့တဲ့ ဘောလုံးရာသီမှာ ဒဏ်ရာ ပြဿနာကြောင့် ရုန်းကန်ခဲ့ရပြီး ၃၁ ပွဲမှာ ၁၂ ဂိုးပဲ သွင်းယူနုိုင်ခဲ့ပါတယ်။ သူဟာ ၂၀၁၂ ခုနှစ်မှာ အာဆင်နယ်ကနေ ပေါင် ၂၄ သန်းနဲ့ မန်ယူကုို ပြောင်းရွှေ့လာတာ ဖြစ်ပါတယ်။