ဖော်မြူလာဝမ်းကားတွေရဲ့နောက်ကွယ်က အဆင့်မြင့်နည်းပညာတွေဟာ အကန့်အသတ်မဲ့ပါပဲ။ အက်ဖ်-၀မ်းအဖွဲ့က အင်ဂျင်နီယာတွေဖြစ်တဲ့ဝီလျံမိသားစုဟာ သူတို့ရဲ့ကျွမ်းကျင်မှုတွေကို စက်မှုလုပ်ငန်းမှာ  ထောက်ကူဖို့ ချိန်ညှိအသုံးချနေပါတယ်။ သူတို့ဖန်တီးလိုက်တဲ့ ဒီလေရွက်ကိရိယာဟာ စူပါမတ်ကက်တွေမှာ စွမ်းအင်ကို အများကြီးချွေတာပေးနိုင်တယ်လို့ ပေါလ်မက်နမ္မရာ ကဆိုပါ တယ်။ "အခုဒီရေခဲသေတ္တာတွေမှာ ကျနော်တို့တပ်ထားတဲ့ပုံစံက စင်တန်းနှစ်တန်းရဲ့ကြားမှာ လေရွက်ကို တပ်လိုက်တဲ့သဘောပဲ။ စိတ်ကူးကတော့ စင်တန်းကနေ ထွက်လာတဲ့ လေအေးတွေကို ဒီလေရွက်ကဖမ်းယူပြီး အောက်ဘက်ကပ်လျက်စင်ဆီကို ဆင်းသွားစေတာပေါ့။ ဒါကြောင့် အခုသုံးမယ့် လေရွက်ပုံစံသစ်ဆိုရင် အရင်တုန်းက ၀ီလျံလုပ်ငန်းစုမှာ ဖန်တီးခဲ့တာပါ။ အဲ့ဒီပုံစံကိုမှ ဒီက စင်တန်းတွေနဲ့ကိုက်ညီအောင် ချိန်ညှိဆန်းသစ်ပြီးမှ အစားထိုးသွားမှာပါ။ ဒီလေရွက်ရဲ့ထောင့် စောင်းပုံကို စမ်းသပ်ပြီးမှတပ်ဆင်မှာပါ။ ဒါမှ ဒီလေရွက်က လေအေးတွေကို အောက်က စင်တန်းတွေဆီကို အထိရောက်ဆုံးပို့လွှတ်ပေးနိုင်မှာဖြစ်ပါတယ်။" လေရွက်ရဲ့စွမ်းအင်ကို အသုံးချဖို့ ကြိုးစားနေချိန်မှာပဲ သူတို့က ဒီကိရိယာကို ဘက်ကင်ဟမ်က စိန်းစ်ဘာရီလို စတိုးဆိုင်အမျိုးမျိုးမှာ စမ်းသပ်ကြည့်နေပါပြီ။ စိန်းစ်ဘာရီကတော့ စွမ်းအင် ဘယ်လောက်ချွေတာနိုင်လဲဆိုတာတိုင်းတာဖို့ သိပ်စောလွန်းသေးတယ်လို့ဆိုပါတယ်။ ဒါပေမယ့် စမ်းသပ်မှုတွေအရ စွမ်းအင်လေးဆယ်ရာခိုင်နှုန်းထိ ချွေတာပေးနိုင်ပါတယ်။ “ဒါဟာ သိပ်ကိုများတဲ့ ပမာဏပါ။ စူပါမတ်ကက်တွေသုံးတဲ့စွမ်းအင်ပမာဏဟာ ဗြိတိန်တစ်နိုင်ငံလုံးရဲ့ငါးရာခိုင်နှုန်း ဖြစ်ပြီး အအေးခန်းဘီဒိုတွေက အများဆုံးသုံးစွဲတာ” လို့ ၀ီလျံ မိသားစုကဆိုပါတယ်။ မက်နမ္မရာကတော့ ဒီလေရွက်တွေကို အခုလက်ရှိမော်ဒယ်ပေါ်မှာပဲ အစိတ်အပိုင်းသစ်တွေနဲ့ အားဖြည့်ပေး နိုင်သေးတယ်လို့ ဆိုပါတယ်။ "ဒီလေရွက်ကိုသုံးရာမှာ အဓိကအားသာချက်ကတော့ ရေခဲသေတ္တာရဲ့အောက်ခြေထိ လိုက်စရာမလိုဘူး။ ယူကေမှာဆိုရင် ပစ္စည်းထည့်ထားတဲ့ရေခဲသေတ္တာရဲ့စင်တွေရှေ့ဘက်မှာ ကပ်ပြီး တပ်လိုက်ရုံပဲ။ ဒီတော့ ဒီကိရိယာကို စူပါမတ်ကက်အကုန်လုံးကို ဖြန့်ချိလို့ရနိုင်မယ့် အလားအလာရှိတယ်။" ဒီလေရွက်ဟာ စူပါမတ်ကက်ရဲ့ စွမ်းအင်ကုန်ကျစရိတ်ကို လျှော့ချပေးနိုင်ရုံတင်မက မင်းလမ်းအလယ်က လျှောက်လာတဲ့ ဈေးဝယ်သူတွေအပေါ် အအေးငွေ့နဲ့ထိတွေ့မှုပမာဏကိုလည်း လျှော့ချပေးနိုင်ပါတယ်။ လေရွက်တွေကို မူလက ၀တ္ထုတခုရဲ့ပတ်ပတ်လည်မှာ စီးဆင်းနေတဲ့လေကို လမ်းကြောင်းပြီး ဥပမာ .. ဖော်မြူလာဝမ်း ကားနဲ့ လေယာဉ်တွေမှာလို လေခွင်းအားကောင်းဖို့ ဖန်တီးခဲ့တာပါ။ ဒါပေမယ့် သိပ္ပံပညာရှင်တွေက ခုလိုကာဗွန်ထုတ်လွှတ်မှုနဲ့ စွမ်းအင်ကုန်ကျစရိတ်ကို လျှော့ချဖို့ကြိုးစားလာချိန်မှာ ၀ီလျံမိသားစုကတော့ အလားအလာရှိတဲ့ အနာဂတ်လမ်းကို ချပြ လိုက်တာဖြစ်ပါတယ်။ [gallery ids="97748,97749,97750,97751,97752,97753,97754,97755,97756,97757"]