မြန်မာ ယူ ၂၀ ယူကရိန်းကို ဂိုးပြတ်ရှုံး

ဓာတ်ပုံ-ဖီဖာ
ဇွန်၂ ရက် ယူ ၂၀ ကမ္ဘာ့ဖလား ဘောလုံးပြိုင်ပွဲအဖြစ် မြန်မာနဲ့ယူကရိန်းတို့ ကစားရာမှာတော့ မြန်မာအသင်းက ယူကရိန်းအသင်းကို ၆ ဂိုး ဂိုးမရှိနဲ့ ရှုံးနိမ့်သွားပါတယ်။ ပထမပိုင်းမှာ ဂိုးမရှိသရေကျခဲ့ပေမယ့် ဒုတိယပိုင်းပွဲချိန် ၁၀ မိနစ်အတွင်းမှာ ယူကရိန်းအသင်းက အဖွင့်ဂိုး အပါအ၀င် ၃ ဂိုးသွင်းယူသွားတာ ဖြစ်ပါတယ်။ ဂိုးပြတ်ရှုံးနိမ့်သွားတဲ့အတွက် မြန်မာအသင်းရဲ့ အုပ်စု ဒုတိယအဆင့်တက်ရေး မျှော်လင့်ချက်ဟာ မှေးမှိန်ခဲ့ပါတယ်။ ဒုတိယပိုင်းစပြီး မြန်မာအသင်းက ထိုးဖောက်တိုက်စစ်ဆင်ဖို့ ကြိုးစားခဲ့ပေမယ့် ယူကရိန်း ဂိုးပေါက်ကို ထိရောက်တဲ့ ခြိမ်းခြောက်မှုတွေ မလုပ်နိုင်ခဲ့ပါဘူး။ ပွဲစပြီး ၄၇ မိနစ်မှာ မြန်မာအသင်း ဂိုးရှေ့မှာ ယူကရိန်းအသင်းက ပြစ်ဒဏ်ဘော ကန်ခွင့်ရခဲ့ပါတယ်။ ဒါပေမယ့် ယူကရိန်းအသင်းက ကန်သွင်းရာမှာ ဘောလုံးကများပြီး ဂိုးဘားတန်းကျော်သွားပါတယ်။ ဒုတိယပိုင်း မိနစ် ၅၁ မှာတော့ ယူကရိန်းအသင်းက ခေါင်းတိုက်ပြီး ဦးဆောင်ဂိုး ရရှိသွားခဲ့ပါတယ်။ ဒုတိယပိုင်း ၅၄ မိနစ်မှာတော့ ယူကရိန်းအသင်းက တန်ပြန်တိုက်စစ်ကနေ တဆင့် ဒုတိယဂိုး ရရှိသွားပါတယ်။ ဒုတိယပိုင်း ၅၇ မိနစ်မှာတော့ ယူကရိန်းအသင်းက တတိယဂိုး သွင်းယူသွားပါတယ်။ ဒုတိယပိုင်း ၆၇ မိနစ်မှာ ယူကရိန်းအသင်း စတုတ္တဂိုး ရရှိသွားပါတယ်။ ဒီပွဲမှာ ယူကရိန်းအသင်းက ခပ်မာမာ ကစားသွားပါတယ်။ ပွဲချိန် ၇၁ မှာတော့ ယူကရိန်းအသင်းက ပဉ္စမဂိုး သွင်းယူသွားခဲ့ပါတယ်။ ပထမဂိုး ပေးခဲ့ရပြီးတဲ့နောက် မြန်မာအသင်း နောက်တန်းလူတွေ ကစားကွက်ပျက်သွားခဲ့သလို မြန်မာအသင်း ဂိုးသမား ရှေ့ကို အရမ်းထွက်နေတာကို ယူကရိန်းအသင်းက အခွင့်ကောင်းရယူသွားနိုင်ပါတယ်။ ယူကရိန်းအသင်းက ရှေ့တန်းကစားသမားတွေကို မြန်မာအသင်း နောက်တန်းလူတွေ သေချာ ကပ်မကစားဘဲ လွှတ်ထားခဲ့ပါတယ်။ ပွဲချိန် ၇၃ မိနစ်မှာ မြန်မာကစားသမား သီဟထက်အောင် ယူကရိန်းအသင်းက ဂိုးသွင်းတာကို လက်နဲ့ပုတ်လိုက်တဲ့အတွက် အနီကတ်ပြခဲ့ပြီး ပယ်နယ်တီပေးခဲ့ပါတယ်။ ယူကရိန်းအသင်းက ပယ်နယ်တီကို ၀င်အောင် ကန်နိုင်ခဲ့ခြင်း မရှိပါဘူး။ ပွဲချိန် ၇၆ မိနစ်မှာ ယူကရိန်းအသင်းက ဆဋ္ဌမဂိုး သွင်းယူသွားခဲ့ပါတယ်။ မြန်မာအသင်း ထိုးဖောက်ခဲ့ပေမယ့် ယူကရိန်းအသင်း နောက်တန်းကို ကျော်နိုင်ခြင်း မရှိပါဘူး။ တဦးချင်း ဘောလုံးစွမ်းရည်၊ ခန္ဓာကိုယ် ကြံ့ခိုင်တောင့်တင်းမှုနဲ့ အပြေးမှာ မြန်မာအသင်းက ယူကရိန်းကို ယှဉ်နိုင်ခဲ့ခြင်းမရှိပါဘူး။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up