လူ့ကျန်းမာရေးကို စောင့်ကြည့်ပေးသည့် စက်ရုပ်
DVB
·
May 30, 2015
ဒစ္စနေကဖန်တီးလိုက်တဲ့ ဘေးမက်စ် ဇာတ်ကောင်ဟာ ပရိသတ်သန်းပေါင်းများစွာက အကြိုက် တွေ့ခဲ့ပါတယ်။ ကျန်းမာရေးကိုစောင့်ကြည့်ပေးတဲ့စက်ဆိုတာ သိပ္ပံဇာတ်ကားထဲက အဖြစ်ပါ။
ဒါပေမယ့် ကာနက်ဂျီမယ်လွန်တက္ကသိုလ်က သုတေသနပညာရှင်တွေကတော့ ပျော့ပျောင်းပြီး လူသားနဲ့ ရင်းနှီးတဲ့ စက်ရုပ်တွေကို တကယ်ဖန်တီးဖို့အားထုတ်နေပါပြီ။
ခရစ်အက်ကီဆွန်ရဲ့ စက်ရုပ်ပျော့သုတေသနဟာ ဘေးမက်စ်ကို တုပထားတာပါ။ စက်ရုပ်တွေက လူ့ကမ္ဘာကို သိမ်းပိုက်သွားမှာမဟုတ်ဘူးဆိုတဲ့ အချက်ကို လက်ခံထားတာမို့ လူထုရဲ့ သဘောထားပြောင်းလာပြီလို့ သူနဲ့ ပညာရှင် ယောင်လီပက် က ဆိုပါတယ်။
"လူကြီးမင်းအနေနဲ့ဟောလီးဝုဒ်က လူသတ်စက်ရုပ်ဇာတ်ကားတွေ ထုတ်လုပ်နေတာကို ဟန့်တားမယ်လို့ မထင်ပါဘူး။ သက်ရောက်မှု ရှိတန်သလောက်တော့ရှိမှာပါ။ ဒါပေမယ့် သူတို့ကို ကူညီနိုင်မယ့်နည်းပညာမျိုးကို လူတွေ လိုချင်မယ်လို့ ယူဆပါဆယ်။"
"ဒါကြောင့် လွန်ခဲ့တဲ့ ၁၀ နှစ်လောက်ကတဲက စက်ရုပ်တွေကိုတည်ဆောက်ခဲ့တာပေါ့။ ဒါပေမယ့် လူတွေက စက်ရုပ်တွေကို စွမ်းအားမြင့်စက်တွေ၊ တောင့်တင်းကြံ့ခိုင်တဲ့ ကုန်ကြမ်းတွေနဲ့ပဲ တည်ဆောက်တာကို ပိုပြီးစိတ်ဝင်စားခဲ့တယ်။"
သံမဏိအစား ဒီစမ်းသပ်ခန်းထဲကစက်ရုပ်တွေကို ရာဘာတွေ ပလတ်စတစ်တွေနဲ့လုပ်ထားတာမို့ လူသားနဲ့ထိတွေ့ရာမှာ အန္တရာယ်ကင်းစေပါတယ်။
ရုပ်ဝတ္ထုသိပ္ပံပညာထွန်းကားလာတာမို့ သူတို့ကို အထိအတွေ့ကိုသိအောင်ပါ လုပ်ပေးနိုင်လာပါတယ်။
စက်မှုအင်ဂျင်နီယာ ခါမဲလ်မက်ဂျီဒီကတော့ သုတေသနပညာရှင်တွေအနေနဲ့ ၀တ္ထုပျော့တွေနဲ့ ကွန်ပျူတာဟာ့ဒ်ဝဲရဲ့ကြားက ကွက်လပ်ကို တံတားထိုးပေးနိုင်မယ့် နည်းပညာတွေကို တိုးတက်တီထွင်နေပြီလို့ဆိုပါတယ်။
"လျှပ်စစ်ပိုင်းနဲ့ယန္တရားပိုင်းမှာ ကြံ့ခိုင်တဲ့အစိတ်အပိုင်းအချို့ကတော့ ထည့်ပေးရဦးမှာပဲ။ ကျနော်တို့ရဲ့အကြီးဆုံးရည်မှန်းချက်က လူသားရဲ့သဘာဝတစ်ရှူးတွေနဲ့ ပိုပြီးလိုက်ဖက်မယ့် အဆင့်မြင့်ထုတ်လုပ်ထားတဲ့ မိုက်ကရိုအီလက်ထရောနစ်ဟာ့ဒ်ဝဲတွေနဲ့ ပိုပြီးအတွဲအစပ်ညီမယ့် ကိုယ်ထည်တွေကို ဖန်တီးဖို့ပဲဖြစ်ပါတယ်။"
ဘေးမက်ခ်စ်လို စက်ရုပ်မျိုးတွေဖန်တီးဖို့ အလှမ်းဝေးနေသေးပေမယ့် စက်ရုပ်ပျော့ဖန်တီးမှု အတတ်ကို အသုံးချတဲ့ နည်းပညာတွေ အထူးသဖြင့် ၀တ်ဆင်နိုင်တဲ့ကွန်ပျူတာနည်းပညာတွေ ကတော့ အလှမ်းမဝေးတော့ပါဘူး။
ဘေးမက်ခ်စ်လိုစက်ရုပ် တကယ်ထုတ်လုပ်မယ်ဆိုရင်တော့ ယန္တရားရဲ့နားလည်နိုင်စွမ်းမှာ နောက်ထပ်အဆင့်မြှင့်တင်မှုတွေ လုပ်ဖို့လိုပါတယ်။
ဒါပေမယ့် လူသားတွေနဲ့ ချိတ်ဆက်တုံ့ပြန်ပြီး ကျန်းမာရေးကိုစောင့်ကြည့်ပေးမယ့် စွမ်းရည်မြင့်စက်ရုပ်တွေ အကောင်အထည်ပေါ်လာတော့မှာပါ။ ဒီစွမ်းရည်ကို အိုင်ဖုန်းမှာပါတဲ့ ဆီရိ လို နည်းပညာတွေ ဖစ်ဘစ်ကို ၀တ်ဆင်နိုင်တဲ့ကိရိယာတွေမှာ တွေ့နိုင်တယ်လို့ အက်ကီဆွန်ကဆိုပါတယ်။
"Big Hero 6 ရုပ်ရှင်က ကလေးတွေအပေါ် ကောင်းတဲ့အကျိုးသက်ရောက်မှုတွေ အများကြီး ရှိတယ်ဆိုပြီး လူအတော်များများပြောနေတာတွေ ကြားရတယ်။ အကျိုးက နှစ်မျိုးပေါ့နော်။ တမျိုးးက သူတို့ကို စက်ရုပ်လို အမူအကျင့်မျိုးတွေ ရလာစေတယ်။ နောက်တစ်မျိုးက သိပ္ပံပညာရှင်တွေ အင်ဂျင်နီတွေ ဖြစ်ချင်စိတ်ပေါက်လာတယ်တဲ့။"
အက်ကီဆွန်ကတော့ တကယ့် ဘေးမက်ခ်စ် စက်ရုပ်ကိုဖန်တီးရာမှာ အရေးအကြီးဆုံးအချက်က နောက်မျိုးဆက်ကို ဖန်တီးချင်စိတ်ပေါက်လာအောင် စွဲဆောင်ဖို့ပဲဖြစ်ပါတယ်။
[gallery ids="95172,95173,95174,95175,95176,95177,95178,95179,95180,95181,95182,95183,95184,95185,95186"]